يمكن نلاقى للزمن .. معنى

يمكن نلاقى للزمن . . معنى

بتييجى الفكرة وتحوَّل سنين البُعد أحلامك

لشط بيحضن الأحزان

ويخلق م الغرق . . مَرسى

يا كل العمر يا محوّد على النسيان

مسيرك يوم هتتعلم

وترجع للوجود . . لحظة

يا فرح مسيره للأحزان

وفكرة مسيرها للنسيان

كفاية سكوت على سكوتنا

كفاية كلام خنق صوتنا

كفاية المعنى متكتف بسطح النقطة فوق الحرف/

ومخبّى فى جوفه الخوف

على . . بكرة

يا صوت المعنى يا مداوم على الرحلة . .

ومالك . . حد

يا حلم البنت يا مودع سما امبارح

وبتشد الضفاير شد

يا كل الدمع فى عنيّه

يا حلم . . اتهد

وهدهد فكرة حواليّه

وسكّن كل نور الشمس فى ضلوع الأمل/

محبوس بسور الشك

يا نهر الحيرة فى عيون الولاد/

اروى سؤالك . . رد

عسى تملا شقوق المعنى باجابة

فهنلاقى لبكرة حنين كما امبارح

ونتلون بلون غايب

وما نلاقى لحلمك . . سد

اعتذار مسبق
لكل شعراء العامية عن هذا العبث
ولكنّه يبقى . . عبث
صابرين مهران
10/04/1950
05:00

جميييييل .. وعجبتني العامية فيه

لكن ازاي التاريخ

10/04/1950

ده قدييييييم اووووي
او فيه غلط في التاريخ

» القاموس الشبابي ......حاجه تنفع للزمن
» لأ .. آه .. يمكن .. انا خايف أحب !
» المرأه لا يمكن ارضاءها !!
» الذكاء.. موهبة أم يمكن صناعته
» أدخل يمكن أن تنقذ أحدا