عزيزى أمير
لو محدش بيرد على مواضيعك.. مش لازم يكون عيب فى مواضيعك،،، ومش معناه ان فيه حد عايزك تسيب المنتدى,, بالعكس ،، أنا عن نفسى قارى كل مواضيعك كلها جميلة.. وتنم عن ذوق عالى. وقريت كل ردودك كلها فعالة وموضوعية سواء فى مشكلة الكافتريا او فى مشكلة السور أو غيرها
وبالنسبة للردود المشككة زى ما بتقول.. ان كنت تقصد الصورة فى الموضوع الاخير .. فالناس افتكرت انها مرفقة مع الموضوع مع انى مشوفتهاش :) لان النت عندى فيه مشكلة وجايب جاز (بس بكرة حشوفها ان شاء الله " أوعى تشيلها")
ولو بفرض ان أى حد شكك فى موضوع ما ،، من حق الناس انها ترد،، ومن حقك انك تدافع عن مصدر موضوعك. أو وجهة نظرك لو كنت انت صاحب الموضوع
متنساش ان الهدف الاساسى من مشاركاتك ان الناس تقرا لكن مش لازم ترد،،،
روق كده وبعد الامتحانات الناس حتفوق .. بس انت ابقى رد ع التعليقات اللى حتجيلك
موضوع: ارجو الاهتمام والرد 
الإثنين 26 نوفمبر - 21:28
