عبير رمضان
مراقب عام المنتديات
عدد المساهمات : 3897
تاريخ التسجيل : 09/04/2008
العمر : 56
الموقع : في قلب مصر
رقم العضوية : 994
Upload Photos : 
 |  موضوع: سلامتك يامصر..!!  الأربعاء 15 أبريل - 20:45 | |
|
سلامتك يامصر..!!
صباحك معفر إن شاء الله ..! يانهار اسود .  . فين العمارة الي كانت قدامنا ؟ العمارة اتسرقت – وليه لأ- ما فيه دول بتتسرق وعلي الهواء مباشرة , هيغلبو يعني في عمارة … ايه ده … ايه ده الجراج كمان راح فين …  . الله الله … . هو الشارع كله اتسرق ولا إيه …  . بصيت شمال ويمين .. مش شايف أي حاجة … يانهار اسود …. البلد راحت فين … دي مصر كلها اتسرقت!!  فتحت الراديو لقيتهم مشغلين قرآن ومرشات عسكرية قلت بس يبقي فعلا سرقوه ا - ولاد الإيه – وفضلت أعيط واقطع في هدومي -واتمرمغ- وأدبدب في الأرض واقول طب ليه مخدونيش معاها ..؟ هو فيه حتة مش محتلة ولا مفيهاش ضرب عشان أبقي لاجئ فيها يعني …. وارتفع صوت المذيعة بهدوء – مسهوك للغاية  – لتنقذ ما تبقي من ملابسي : أعزائي المستمعين أحب أقولكم إن مصر أم الدنيا يعني أم أوروبا وأم أمريكا وأم الي جاب أمريكا ( علي رأي القرموطي) … بس مصر متربة قوي النهارضة ولازم ناخد حذرنا وإحنا سايقين  ونلبس نظارات  عشان التراب مش يدخل في عيونا .. وانا مش عايزاكم تقلقكوا خالص, قالت الجملة بتلك اللهجة المسهوكة المعتادة من المذيعات – الي تشل – وذكرني ذلك بالنكتة التي تقول أن هناك من سأل الآخر ” هما الستات الحلوين دول هيروحو فين فرد عليه بابتهاج قوي ربنا هيكافئنا طبعا بيهم في الجنة فانشرح الثاني وسأله وستاتنا هتروح فين بقي فقال له هيعذبوا بيهم الكفار في النار ..”  دوي صوت المزيعة في أذني كالطبل … متربة ! … يعني متسرقتش ! خرجت جري علي البلكونة- دي مش متربة – دي عايزالها فومين – ولا هيحوق فيها أي مسحوق بعد علقة التراب دي … سلامتك يامصر – سلامتك ياختي  – طب إن شالله الي يكرهوك وانتِ لأ … جريت فتحت التلفزيون لقيت فيلم غامق قوي, ياساتر يارب , حولت علي قناة تانية لقيت فيلم الرجل الإسود المتوسط …. إيه السواد ده بس ياربي علي الصبح , بعد شوية لقيت ماما جايبالي صفار بيضة علشان الفطار حاولت تسلق البيضة كاملة بس كل مرة البياض يتحرق وميفضلش غير الصفار, بعد شوية لقيت المتحدث الرسمي باسم ذئاب الجبل بيزعق في الراديو وبيقول – ياخونا الرياح دي مش من حدانا , مش جاية من الجبل بتاعنا, وآني بخلي مسئوليتي , الرياح دي دسيسة علينا … مصر طول عمرها بخير هي بس شايلة في نفسيتها شوية… وفضلت أهدي في مصر , ومصر – متشحتفة –قوي من إيه بس ياعمنا .. من الي بيحصل , كل العالم جاي عليها قوي زي ما يكون هما الي عملوا حاجة قوي وقت الشدة , الكل فضل ساكت زي ما يكون علي رؤسهم الطير ومش شايفين غير مصر , تعرف يامواطن أنا قلبي اتفتحلك قوي وهقولك بقي علي الكبيرة … قول ياريس فضيحتك في بير .. ماهو ده العشم برضيك ياولد العم : تعرف إنهم دايما بيقولوا” هنحارب لآخر جندي مصري ” .. نفسي يقولوا مرة لآخر جندي عربي .. ولو حتي كدب أهو يردوا فينا الروح شوية .. ولو بالوهم تعرف يامواطن الشاعر الجميل أحمد مطر بيقول إيه قول ياولد العم قول وسمعني : ” أمس اتصلت بالأمل قلت له : هل ممكن أن يخرج العطر لنا من الفسيخ والبصل ؟ قال : أجل قلت : وهل يمكن أن تشعل نارا من البلل ؟ قال : بلي قلت : وهل من حنظل ٍ يمكن تقطير العسل ؟ قال : نعم قلت : وهل يمكن وضع الأرض في جيب زحل ؟ قال : نعم , بلي , أجل فكل شيء محتمل قلت : إذن عربنا سيشعرون بالخجل ..! قال : تعال أبصق بوجهي إذا هذا حصل ..” معلش يامصر إنتي الكبيرة , ياحمالة القسية, ياحضن دافي للكل متشيليش في نفسك وولا يهمك منهم , ورجع صوت المذيعة يلحقني قبل ما اتجنن : ياخونا متقلقوش علي مصر , مصر بخير وهتفضل بخير , هما شوية رياح شرقية علي غربية علي شمالية علي جنوبية علي فوقانية وتحتانية كدهوه ….. تنفيس يعني … والي عايز ينفس … لو سمحت ينفس بعيد عن مصر ..!
منقوووووووووووووووول | |
|
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: سلامتك يامصر..!! السبت 18 أبريل - 14:00 | |
| - بنت مصر كتب:
تعرف يامواطن الشاعر الجميل أحمد مطر بيقول إيه قول ياولد العم قول وسمعني : ” أمس اتصلت بالأمل قلت له : هل ممكن أن يخرج العطر لنا من الفسيخ والبصل ؟ قال : أجل قلت : وهل يمكن أن تشعل نارا من البلل ؟ قال : بلي قلت : وهل من حنظل ٍ يمكن تقطير العسل ؟ قال : نعم قلت : وهل يمكن وضع الأرض في جيب زحل ؟ قال : نعم , بلي , أجل فكل شيء محتمل قلت : إذن عربنا سيشعرون بالخجل ..! قال : تعال أبصق بوجهي إذا هذا حصل ..” معلش يامصر إنتي الكبيرة , ياحمالة القسية, ياحضن دافي للكل متشيليش في نفسك وولا يهمك منهم , ورجع صوت المذيعة يلحقني قبل ما اتجنن : ياخونا متقلقوش علي مصر , مصر بخير وهتفضل بخير , هما شوية رياح شرقية علي غربية علي شمالية علي جنوبية علي فوقانية وتحتانية كدهوه ….. تنفيس يعني … والي عايز ينفس … لو سمحت ينفس بعيد عن مصر ..!
[/size] كلام الأطراء والثناء كله مش كفايه ,,, بجد احنا دلوقتي في زمن تخبط ولخبطه وتشتيت و زمن العبّر كلها بتحصل فيه   | |
|
عبير رمضان
مراقب عام المنتديات
عدد المساهمات : 3897
تاريخ التسجيل : 09/04/2008
العمر : 56
الموقع : في قلب مصر
رقم العضوية : 994
Upload Photos :
| |
