المفتش كرومبو (سكتش سياسي ساخر)

إمبارح حصلت حاجه غريبه شقه اللواء حبيب وزير السحل

والتعذيب اتسرقت و لأن الظباط بتوعه مش فاضيين يمسكوا الحرامية اللي

ملوا البلد و مشغولين بمطاردة القلة المندسة اللي بتهدد الأمن

القومي و السلام الاجتماعي و العالمي .. فقرر يبعتلي و لما اخدت سحس

بمب و رحتله قاللي :

- الحقني يا كرومبو .. انا كنت امبارح مع سيادة الريس

بنفتتح معتقل جديد عشان المعتقلات اللي عندنا اتملت و مش مقضية

القلة المندسة .. و لما رجعت الشقة بتاعتي لقيتها اتسرقت

و لما سألت و اتطقست عرفت ان فيه تلاتة بس هما اللي

بيترددوا ع الشقة دي و أكيد واحد فيهم هوه اللي سرقها .. الدكتور

نظيف رئيس مجلس الحلاليف و ده راجل طويل جدا و طبعا إيده طويلة و

فيه ناس بتقول انه طويل و اهبل ... و التاني غالي الخبيث وزير

الهبش و التفليس و ده راجل اصلع و فيه ناس بتقول عليه اقرع و

بياكل حلاوة بفلوسه و لأنه بياكل حلاوة كتير أكيد فلوسه كتيرة بس ما

حدش عارف جابها منين ... و التالت محيي الدين فنجرة وزير البيع و

السمسرة وده راجل فنجري أوي لدرجة انه بيبيع حاجات غالية جدا

برخص التراب والغريب إن الحاجات دي مش بتاعته و لا بتاعة اللي خلفوه .

و لما سألت الدكتور نظيف رئيس مجلس الحلاليف قال :

- أنا كنت امبارح مع سيادة الريس بنفتتح محل كشري ف كفر الجعانين و

معرفش حاجة عن الموضوع ده .. حتى اسأل عبده تقلية صاحب المحل

و لما سألت غالي الخبيث وزير الهبش و التفليس قال :

- أنا كنت امبارح مع سيادة الريس بنفكر في طريقة ناخد بيها

الضرايب من بتوع الترمس و الحرنكش و بياعين الأمشاط و الفلايات في

القطرات و الأتوبيسات و ما هوبتش ناحية بيت اللوا حبيب خالص لأن

موضوع الضرايب ده كان شاغلني ع الآخر مش ده برضه حق الدولة ولا إيه ؟

و لما سألت محيي الدين فنجرة وزير البيع و السمسرة قال :

- أنا كنت امبارح في اجتماع مغلق مع سيادة الريس عشان كنا بنحط

خطة لبيع السد العالي لمستثمر صومالي ... و قعدت مشغول طول اليوم ..

و بعدين أنا مش فاضي للكلام الفارغ بتاعك ده .. ورايا بلد عايز

ابيعها .

أنا عرفت مين اللي سرق شقة يا تري انتوا عرفتوا؟؟؟؟؟؟

» ابحث مع المفتش كرومبو
» المفتش كرومبو .. يداعب أحلام البسطاء
» حلقة المفتش كرومبو (( مين اللي سرق الموبايل ))
» حمل بسرعة حلقة المفتش كرومبو وجاوب على سبب فضيحة الاهلى في اليابان
» شعر عامي ساخر