أنا تقرطسينى .. يا بنت .............

الجسد نحيل والوجه
كسياه الأحزان
وهدومها قديمه باليه
ودمعتها بتجرى جريان
عطتنى ورقه موصوف
فيها حالها العيان
سكر وضغط وقلب
والقرحه معاهم كمان
وبصوت مجروح قالت
يكفيك شر الحرمان
شهر ماخدت العلاج
لاحن أهل ولا جيران
با الله عليك ياسيدى
بنادى فيك الأنسان
حسنه لله تكف
عنك حر النيران
رق قلبى لحالها
سألتها بكل حنان
اسمك ايه ياست
قالت اسمى احسان
قالتها بذله وكسره
قالتها بلدغة لسان
اتحسست محفظتى اليتيمه
رفيقة الأحزان
وساكنها خمس لحاليح
يخلوا الجسم دفيان
عطيتها كل ما املك
واصبحت خالية الأركان
أخدتهم بلهفه وشوق
ولسانها بيدعى بحرقان
الهى مايمرضلك جته
ولايجعلك با لدنيا عريان
وتاهت وسط الزحام
وأنا بدعاها فرحان
أأمن على دعاها
أمين.. أمين يا حنان
لحد ما فى يوم
أسود من البتنجان
الجيب أفضى من
قلب الكفران با لأيمان
رحت لوسط البلد
أرفه عن حالى التعبان
قلت اتفرج ع الفتارين
وأمتع عينى با لقمصان
أتخيل إنى اشتريتهم
وأعيش فى الوهم أحيان
وجوه محل أشوفها
أى والله ياجدعان
لابسه هدوم أستريتش
وبترقع ب اللبان
مكياج على سنجة عشره
ومنها يفوح البرفان
وهز يا وز وهز
وراحت فلوسك يا غلبان
بره المحل وقفت
زى التعلب الحيران
وقررت أخوض معركه
وجسمى بيغلى غليان
أنا تفرطسينى يا بنت
ماعشتى ولا اليوم ده كان
وهى خارجه من المحل
تتدلع كا لغزلان
حطيت عينى فى عنيها
بتحدى الأسد الجعان
ولا كأنها تعرفنى
عدت بكل اتزان
دخلت عليها بغيظى
وقلت بصوت رنان
انتى مش عارفانى
ولا أ يه يا أ حسان
بصت لى بقرف
من الراس لحد
مداسى التلفان
وبعدت خطوه لورا
تقولش شافت جربان
احسان مين يا استاذ
هو انت سكران
يا ولاد الحلال هيه
والدليل لدغة اللسان
صرخت فيها الخمس
لحاليح ياتلميذة الشيطان
على جثتى .. فلوسى
يا حروح فيكى اللومان
وفجاه نادى صوت
كأنه فحيح تعبان
ياله خلصى بسرعه
معندناش وقت يا احسان
برقتلى بعنيها
حتى افتكرتها شيطان
وصرخت بصوت عالى
بتقول أيه يا فلتان
أنا ست شريفه
ما ليش فى العوجان
مش مكسوف من نفسك
ياراجل يا خرفان
ا لحقونى يا أهل النخوه
من الديب السعران
الف عين وعين
خرجت منها النيران
الكل عايز يجامل
ويفرغ همه الغضبان
بدون سؤال ولا معرفة
مين الغلطان
تقولش فرح والنقوط
ضرب وامتهان
من رعبى ياساده
اتشل فيه اللسان
جريت زى الحمامه
قول طرت طيران
الطياره النفاثه جنبى
نمله ماشيه ببستان
وأ نا بشتم جدو د
عقلى الخربان
وكل ما اسمع صوت
ورايا ازود
بنزين الجريان
ولا زلت لحد دلوقتى
بجرى منك يا أنسان
الله لايسامحك يابنت
المجنونه يا أحسان

معلش
تعيش وتاخد غيرها

لكن دي كانت فين في الكليه ولا في اسوان

كده برضه يا بنت يا احسان

ههههههههههههههههههههههههههههههههههههههه

تعيش وتاخد غيرها
ههههههههههههههههه

زائر

ماتنساش ياحبار انه يخلق من الشبه اربعين
وبعدين انت هتقعد تبكى على 5 جنيه
اكبر شوية
الخمسة جنيه الواحد بيشرب بيها ساقع فى اليوم
ههههههههههههههههههه

ما هى دى الدنيا يا انسان
اللى تعمل معاه معروف يتردلك بالوم والحرمان
يلا ما حدش بيكلها بالساهل
والعزاء بجامع الطابيه بعد صلاة الظهر

ولابد من يوم معلوم تترد فيه المظالم

ابيض على كل مظلوم واسود علىكل ظالم
بيبكى

شكرا على الردود الجميله دى.

اهو كله بيتعلم غمزه

تعيش وتاخد غيرها تعظيم سلام

بس ابقى خلى بالك

اقتباس :: لا تاسفن على حال الزمان لطالما
رقصت على جثث الاسود كلاب
لا تحسبن برقصها تعلو على اسيادها
تبقى الاسود اسودا والكلاب كلاب

يتهألي انك مش هاتصلح الكون بتصرفك الغير عاقل ده
بس اللي عاوز يساعد يساعد بحاجة على قد جيبه او بكلمة كويسة وريح دماغك من وجع القلب ده
مش تساعد بكل اللي معاك كان كفاية جنية.................
واللي عند ربنا مش بيروح و هنيالك يافاعل الخير

لو جاك ولدك فى يوم وجالك يا بوى عاوز ادخل كليةالهندسه وأبجى مهندس.......طُخْه واغسل عااااره

الموضوع إنك مشيت وراها ، عارف لو واحده تستاهل المساعده كان الموضوع بيس ، إشرب يا صاح !!

يا باشا انت محدش يقدر يقرطسك طبعا

انت الغلطان؟؟

انااااا بصرااااااحه... قعدت ااااااضحك.... من ااااااول ااااالنص لاخرررره....

ههههههههههه....ههههههههههه.....ههههههههههه...

كلمااااات رااااائعة ....وتعيش وتاااااااخد غيرهااااا .....ياااااا بااااشمهندس...

يا حبار ممكن تعمل مواضيع قصيرة شوية علشان الواحد بيتعب وهو بيقرا موضوع واحد من مواضيعك

ممكن يعني سيادتك

علشان يعني نقرا كذا موضوع بدل ما نقرا موضوع واحد

صح ..... ولا إيه ؟

على فكرة انا فريت الموضوع
بس هتعمل ايه ليها
كلهم كدة
وبرضه ..... تعيش وتاخد غيرها

عادي يا مدير
قرطاس يفوت ولا حبار يموت
وتسلم لينا يا ريسناااااااااااااا
هههههههههههههههههههههههههههههههههههههه

هههههههههههههههههههههه
حلوة ياحبار
معلش بقا نصيبك كده
وبعدين ياعم انت حد دلوقتي بيصدق الشحاتين

داحنا خلاص قربنا نعمل دكتوراة في اساليب خداعهم

طيب استني احكيلك حاجه

لسه في اخر مرة انا سافرت فيها القاهرة كان في شارع في وسط البلد
ولد صغير في ابتدائي كده
قاعد قدام محل ملابس مشهور جدا

وقدامه قال ايه؟؟؟؟؟؟

كتب بيذاكر

ياسلام المذاكرة مقطعه بعضيها معاه مش عاوز بضيع دقيقة

طبعا حركات فارغه عشان يستدر عطف الناس يعطفو عليه

عوضك على الله ,هو صحيح المبلغ كبير اوى بس يلا هتعمل إيه يعنى اهو كله صدقة $$$$$

فلوس كتير

ههههههههههههههههههههها بيضحك2

عندما تتصدق تصدق ابتغاء مرضات الله , فلا يعيبك نصب نصاب .

بيضحك

صحيح.......الدنيا مبقاش فيها أمان
(لا تنقص صدقة من مال) اذا كنت مفلس ومعكش غير جنيه اتصدق بيه وهيجيلك مكانه عرة (من حيث لا تحتسب) خليك شاطر وفكر كويس