حوانـيت الكــلام ... قـفلـــتْ

***********






وداريني
من الحلم اللي متلخبط على وش الكلام داري
وخليني
أكمل سكتي مش خايفه م الآخر في مشواري
نطير والأرض تبقا جناح
أنا عايزه اللي جاي فرحه على جبين النصيب ترتاح
و(ممنوع) الفراق كلُّه
ولو خيط الوصال مغزول بأوجاعنا في توب ضلُّه
وممنوع في الغرق موتي
مدام مسك الشراع ملاح
!أنا مش أد يا بحر الغرام غدرك
ولا في برّك......
لقاني وراح
ولا أد الجراح تتمس
يا راسم كلمتينَك غنوة مرصوصه في سِياجَك رص
متسألنيش عن القمر اللي مش قادر يكون فرحان
ولا قادر كمان يحزن
و تتعصب أوي جدا
عشان الضحكة لو قامت على كتاف الأدان تدّن
يقوم الفجر لو باهت
لكن بايت....
بخير جدا
لا طال حلمُه...
ولا طال النهار موجوعْ
....
....
....
....
....
حوانيت الكلام قفلتْ
وباعت للقلوب الوقت
(عزيز عيني)
على عيني ....
يكون الحلم مش دلوقت






للمبدعه ,,,,,,, رشا عبد الرازق

القبطان كتب:

ولو ان الكلام تعبنى كتير علشان اقراه وأفهمه

بس لقيت فى النهايه أنه فعلا يستحق الشكر

شكا يا بشمهندس إسماعيل على نشاطك المتميز فى المنتدى.

طبعا ,, صديقي العزيز


مما لايدع مجالا للشك ,,, منورني