حلول التمارين " الشيتات "

السلام عليكم

ارسال المحاضرات مفيد أكيد

وبعض التقارير والمقالات ممتاز

ولكن

حلول الشيتات ...

أم هى طريقة مبتكرة للنقل لمواكبة التطور التكنولوجى

أود أسمع رأى أخوانى الطلبة فى ذلك ووجهة نظرهم

فى رعاية الله

بصراحة انا مش مع الفكرة ولا ضدها كلياً

يعني انا مش بحب المعلومة توصلني ببساطة زيادة عن اللزوم
يعني مثلا كنا السنة اللي فاتت
بنزل حلول لبعض مسائل شيتات الحاسب
بس بيبقي في حد مش فاهم مسألة معينة وطريقة حلها وهو اللي بيطلب الحل بتاعها
فبييجي واحد يكون فاهم حلها وينزله ويشرحه
طبعا ده بيبقي غالبا في مواد الحاسب
لانها كده كده مكتوبة علي الكمبيوتر خلاص
بس ان الحل كله يكون نازل ما اعتقدش انها فكرة كويسة
رغم اني بعملها في مادة واحدة بس
ألا وهي الفيلد وده لاني اصلا مش لاقية حد يوصلي المعلومة كويس
فبشوف حلول النسخة 6 وأحاول أحل النسخة 5 لوحدي
وهكذا كل الطلبة بتعمل لعل وعسى نفهمها
بس لو المادة فاهماها او فاهمة معظمها مش بحب انقل خالص
حتي لو المعيد قال الحل
لازم الاول الواحد يفكر في الحل لوحده وبعدين لو ما عرفش يحل لوحده يشوف أفكار تانية

وده رأيي الشخصي ومش بقول انه الصح لا لا

الصراحة أنا رأيي

إن حلول الشيتات مطلوبة

100% في المواد المحترمة جداً

وأولها الفيلد طبعاً

ومواد تانية كتييير

إلا المواد الى الواحد يكون فاهمها

وبيحبها

ويحاول يحلها بنفسه زى مواد الكمبيوتر مثلاً بالنسبة لى

لكن في مواد تانية

تلاقى الدكتور بيشرح قواعد المادة واهميتها وستخدامها والتفاصيل

ومايتطرأش من قريب أو بعيد عن المسائل مع إن الإمتحانات بتيجى مسائل بس

وفي السكاشن

المعيد يقول أنا مش من واجبى إنى أشرح

أنا المفروض اشوف لو حد محتاج مسألة مش عارفها

ييجي لي

والصراحة الواحد بيتكسف يروح للمعيد يقول له أنا مش عارف الشيت كله

لإنى أول مرة أشوف مسائل زى دى

ولو انا فاهم المحاضرة 150 % مش حقدر أحل أكتر من 10 % من المسائل

لأنها بعيدة جداااااااااااا عن المحاضرة

فعشان كدة بندور ع الشيتات المحلولة

ونحاول نفهمها الصراحة

مش نحاول نحل وحدنا وبعد كدة نشوف الإجابة

وكمان دة بيحصل في مواد الكمبيوتر

المحاضرة بتبقى بعيدة جداً عن المسائل أو البرامج

بس الواحد بيحب يحاول يحلها مع نفسه ومايسألش حد

والحمد لله بتتحل

شكرا للمهندس رؤوف على طرح الموضوع الهام

وأرى شخصيا أن وجود الحلول يساعد بطريقة كبيرة فى الإستذكار الجيد
ولا يعنى ذلك نقل الشيت ولكن ما أقصده هو التأكد من الحل بعد المحاولة وكذلك فى حالة الوقوف عند نقطة معينة فى المسألة فيصعب سؤال المعيد عن كل شىء كذلك عدم توفر امكانية سؤال المعيد فى كل الأوقات ولذلك نحن نحتاجها للتأكد من الحلول أو مواصلة الحل دون النقل

هذا ما أردت أن أسمعه منكم و ألا يتم نقل الشيت مباشرة بل محاولة الحل أولا بمفردك ثم المقارنة

بالحل الجاهز.

وأتمنى لكم التوفيق

so it's a trick

thank you eng_raouf
ALLAH bless you

» C++ Plus Data Structures
» الموسوعة الرسمية لحلول الجافا *(Review / Exercise / Sheets)*
» حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى
» ّّّّّ::::كل /::سنة:::وانتي:::طيبة""""يا """"Eng_amenreds""""
» "المايسترو" .. رحلة "الصالح السليم" بداية من "هجمات" سبتمبر ونهاية بنادي القرن