هي مصر لسه أمي؟؟؟!!!

كلنا يردد الكلمة المأثورة (مصر هي
أمي....)ولكن هل ما زالت هذه الجملة تحتفظ بنفس البريق ونفس المعني في
نفوس المصريين للإجابة علي هذا السؤال أترككم مع هذا المقال المنقول من
جريدة المصري اليوم ليحاول كل منا الإجابة عليه بطريقته

هىّ مصر لسه أمى؟

كلنا يسأل هذا السؤال.. ونحن ندرك أنه لا حقائق ثابتة وقاطعة، وأن هناك نوعاً من
الأسئلة لا تكتفى بأن تجيب عنها بـ «نعم» أو «لا»، ولا يصلح معها النفى
ولا التأكيد، ومصر قطعاً لم تتخل عن أمومتها، لكنها فى الوقت نفسه لا
تمارسها كما يجب وينبغى، لا تمارسها كما ننتظر منها، وكما يليق بها.
الأمومة ليست مجرد غريزة أو إحساس فطرى، وليست صفة رسمية تثبتها الأوراق
الرسمية وشهادات الميلاد، هى حركة وفعل وأداء وممارسة.وإذا كانت
مصر تستحق بلا شك أن تكون أماً لنا، وإذا كانت تمتلك المقومات لتكون أماً
للدنيا، فمن حقنا أن نسأل: كيف؟ ومتى؟ وأين؟ ما يليق بالأم أن تعطى
أبناءها بعدالة ومساواة ودون تمييز، أن تحب الجميع وتفتح أحضانها للجميع،
أن تمنح الجميع بقدر ما تستطيع، صحيح أن هناك أمهات لا يمارسن سياسة المنح
العادل، ويفضلن أبناء على أبناء، وتميل قلوبهن إلى البعض دون البعض، إلا
أن ذلك يبقى الاستثناء، ومصر لا يليق بها إلا أن تكون أماً كما ينبغى أن
تكون.من أجل مصر نطرح هذا السؤال، ومن أجلها نحاول الإجابة عنه،
ربما يكون فى طرحه قسوة وتمرد، وفى البحث عن إجابته تعرية لواقع، ومواجهة
صادمة مع حقائق هذا الواقع الجلية، ولكن يغفر لنا فى النهاية أننا نتمنىالأم التى
يستحقها الجميع

منقول

أحب أحييك على الموضوع ده يا بشمهندس لان انا واحد من المصريين وفعلا أوقات كتير بينتابنى شعو أن مصر فعلا هى أم قاسيه على ابنها وأنا برده بتفرق بين أبنائها بس اكيد مهما عملت ومهما شفنا منها هى فى النهايه أم فاضله ودى مش شهادتى انا لكن دى شهادة التاريخ فأوقات كتير الواحد بيقول كفايه أنه مصرى أما بالنسبه للتفرقه والكلام ده بأعذرها فيه لان الموضوع ده مش فى بلدنا الحبيب بس لكن ممكن تلاقيه فى أغلب الدول أو تقدر تقول كلها يعنى أكيد مش العيب فى مصر خالص بس ممكن يكون العيب فينا أحنا او فى بعضنا وأنا احب اتكلم عن نفسى أنى اكيد طبعا بده مقصر فى حقها.

شكرا على الموضوع.

موضوع بجد رائع ,, يابشمهندس

وأنا عن نفسي ...مش هأقدر أتكلم غير عن موقف للرسول الكريم صلي الله عليه وسلم

قال الرسول الكريم :

<< والله إنك لأحب بلاد الله إليّ، ولولا أن أهلك أخرجوني منك ما خرجتُ >>

صدق الرسول الكريم

وطبعا الموقف الذي قيل فيه الحديث غني عن التعريف ,

فمن هنا أقدر أقول لحضرتك أن حب الوطن ليس بجديد ولا بغريب علي أي مسلم

بل أقدر وأقول لحضرتك حقيقه هامه جدا من الموقف ده , وهي :

حب الوطن ...... من الأيمان

وصدقني حضرتك ,,,, محدش بيزعل علي البلد دي غير اللي بيحبها

موضوع بجد رائع ,,, ومعلش هقول نقطه متعلقه بشخصي

أنا مش عارف ليه أول ما قريت موضوعك ,, مافيش غير أغنيه واحده بتتردد في وداني

أغنيه لمحمد منير ,,, أسمها قلب الوطن

( قلب الوطن مجروح لايحتمل أكتر ,,, نهرب وفين هنروح لما الهموم تكتر )

وعلي فكره الموضوع كبير وأنا لوهتكلم فيه , ,ممكن أكتب مجلدات ,

بس أكتفي بردي حاليا , ومره تانيه بشكرك علي موضوعك الرائع ده

والله المستعان

موضوع رائع فعلا

و مصر هيه امنا كلنا مهما حصل

لان مفيش حاجة بتفضل على حالها

لازم بيحصل تغيير من وقت للثانى

سواء التغيير ده كان سلبى او ايجابى

المشكلة كلها تقتصر فى اللى حاكمين مصر

مش فى مصر نفسها

و برضه انا بتفق مع القبطان ان فى احيان كثيرة بتكون المشكلة فينا احنا

اننا مش عارفين قيمة بلدنا

و مستعدين نعطى خبراتنا و مجهودنا لبلاد تانية حتى لو احنا هنعيش فيها عبيد

يعنى انت تلاقى اى حد لما يهاجر بره يقولك انا هبتدى من الصفر و هشتغل اى حاجة

فى حين انك لو جبتله شغلانة فى مصر اعلى من اللى هيشتغلها هناك بمراحل هيرفض

و يقولك اصل برستيجى ميسمحش

و ما دام اسماعيل جاب سيرة منير يبقى نقول

يا مصر يا ام الدنيا يا اغلى الاوطان مين ده اللى يقدر يوصل بيكى لبر امان

و شكرا مرة ثانية على الموضوع الاكثر من رائع

أنا عمري ما شاهدت بلد تأكل أبنائها وتضحي بهم مثل تلك البلد

وهنا لا أقصد مصر كوطن ولكن مصر كقيادات ومسؤلين مازالوا جالسين علي قلوبنا

وكأننا ميراث الأجداد الخاص بهم ولسنا أهل هذه البلد التي نعشقها ونضحي من أجلها

بالغالي والنفيس فهم جعلونا للأسف نكره وطننا وبلدنا وأصبحنا لا نطيق العيش فيها

ففي كل دول العالم يحتفون ويقدرون أصحاب الفكر والعقول المستنيرة إلا في بلدنا

فنحن نختلف عن الأخرين وبشدة في هذا الأمر فعندما يظهر لدينا صاحب فكر أو تفكير

مختلف نجاهد من أجل اسكاته وتدمير ما يحاول أن يفعله لهذه البلد!!

والدليل علي كلامي ألالاف من العلماء المصريين تألقوا وتفوقوا في الخارج

وأصبحوا علامات يحتذي بها في مختلف المجالات وحتي عندما يحاولون أن يفعلوا أي

شيء لخدمة بلدهم يصطدموا بالروتين والبيروقراطية والعقول المتخلفة التي تهوي

وأد الأفكار وقتلها والدلائل علي ذلك كثيرة فمثلا حينما حاول الدكتور /أحمد زويل

أن ينشأجامعة في مصر متخصصة في أحدث مناهل العلم والمعرفة احتفلوا به وبفكرته
وحينما جاء وقت التنفيذ لم يجد الرجل أي تعاون فذهب بفكرته إلي من يقدر العلم
والعلماء
وحينما يقبع في غياهب المعتقلات عقول من أرقي العقول وأنجبها فأكيد ده شيء
مقصود
لتدمير هذا البلد وجعله دائما في الأسفل وإلا بماذا تفسرون اعتقال شخصيات مثل

الدكتور خالد عودة(مكتشف محمية الدبايبة الطبيعية في اسنا) لمجرد انتماءاته السياسية
!
وبم تفسرن الإحتفاء بمطرب مخنس تهرب من أداء الخدمة العسكرية وجعله مطرب
المناسبات الوطنية الأول!!!!

وطبعا هناك الكثير والكثير من القصص المحزنة التي تدمي القلب الحزين
وتحزننا علي حال بلدنا ولكن ماذا نفعل؟؟؟
وقد أصبحنا غرباء في بلدنا وأصبح يتحكم بنا شرزمة قليلون بيدهم مقاليد الأمر

ويديرون البلد علي هواهم ويسيرون بها نحو الهاوية
.........
أنا أطرح عليكم هذا الموضوع لنتحاور ونتعرف علي وجهات النظر في حال بلدنا
فنحن أصحاب البلد الحقيقيون مهما حاول الجهلاء دفعنا لغير ذلك
فدولة الظلم إلي زوال مهما طال بها الأمد......

وماذا نقول غير لنا الله واللهم ارفع مقتك وغضبك عنا
ولكن هل ياترى لن تشرق الشمس وسنحيا فى هذا الظلام الدامس
ولكن لكل ظالم نهاية وكم أتمنى حقا أن أرى نهاية هؤلاء الظلمة
شكرا فارس الأندلس على الموضوع الرائع

سيف الإسلام كتب:: وماذا نقول غير لنا الله واللهم ارفع مقتك وغضبك عنا
ولكن هل ياترى لن تشرق الشمس وسنحيا فى هذا الظلام الدامس
ولكن لكل ظالم نهاية وكم أتمنى حقا أن أرى نهاية هؤلاء الظلمة
شكرا فارس الأندلس على الموضوع الرائع

شكرا يا بشمهندس علي ردك ومرورك

وبإذن الله سوف تشرق شمس الحرية علي هذا الوطن الغالي

وبإيدي المخلصين من أبنائه سوف ينهض هذا الوطن ويقف من عثرته

ولا حول ولا قوة إلا بالله العلي العظيم

اذن اين العداله يامصرنا الغاليه

القبطان كتب:: أحب أحييك على الموضوع ده يا بشمهندس لان انا واحد من المصريين وفعلا أوقات كتير بينتابنى شعو أن مصر فعلا هى أم قاسيه على ابنها وأنا برده بتفرق بين أبنائها بس اكيد مهما عملت ومهما شفنا منها هى فى النهايه أم فاضله ودى مش شهادتى انا لكن دى شهادة التاريخ فأوقات كتير الواحد بيقول كفايه أنه مصرى أما بالنسبه للتفرقه والكلام ده بأعذرها فيه لان الموضوع ده مش فى بلدنا الحبيب بس لكن ممكن تلاقيه فى أغلب الدول أو تقدر تقول كلها يعنى أكيد مش العيب فى مصر خالص بس ممكن يكون العيب فينا أحنا او فى بعضنا وأنا احب اتكلم عن نفسى أنى اكيد طبعا بده
مقصر فى حقها.

شكرا على الموضوع.

شكرا علي المرور والرد الجميل يا بشمهندس

وعندك حق كلنا مقصرين في حق هذه البلد الذي أعطانا الكثير وبخلنا عليه بالقليل

وأسف لفتح الموضوع وتجديده مرة أخري

ولكن وجدت في الأونة الأخيرة أشياء كثيرة دعتني لأسئل نفسي هي مصر لسه أمي؟

يتم الدمج لتشابه وجهات النظر

Terminator كتب:: موضوع رائع فعلا

و مصر هيه امنا كلنا مهما حصل

لان مفيش حاجة بتفضل على حالها

لازم بيحصل تغيير من وقت للثانى

سواء التغيير ده كان سلبى او ايجابى

المشكلة كلها تقتصر فى اللى حاكمين مصر

مش فى مصر نفسها

و برضه انا بتفق مع القبطان ان فى احيان كثيرة بتكون المشكلة فينا احنا

اننا مش عارفين قيمة بلدنا

و مستعدين نعطى خبراتنا و مجهودنا لبلاد تانية حتى لو احنا هنعيش فيها عبيد

يعنى انت تلاقى اى حد لما يهاجر بره يقولك انا هبتدى من الصفر و هشتغل اى حاجة

فى حين انك لو جبتله شغلانة فى مصر اعلى من اللى هيشتغلها هناك بمراحل هيرفض

و يقولك اصل برستيجى ميسمحش

و ما دام اسماعيل جاب سيرة منير يبقى نقول

يا مصر يا ام الدنيا يا اغلى الاوطان مين ده اللى يقدر يوصل بيكى لبر امان

و شكرا مرة ثانية على الموضوع الاكثر من رائع

شكرا يا بشمهندس علي مرورك وردك الجميل

وبالفعل فيه كتير مننا ما بيفرقوش بين مصر الوطن ومصر الحكومة والرؤساء

وياريت فعلا كلنا نحس بقيمة هذا الوطن لندرك ماذا فعلنا به وماذا أعطانا؟؟؟!!!

الموضوع رائع بس لازم تكون اجبتنا كلنا نعم ..... لان مهما حصل فى بلدى من فساد وعدم نظام وظلم وحاجات كتير غلط هتفضل هيه بلدى حبيبتى وامى وكل حاجه مفيش حد هيعرف قيمتها غير لما يتغرب .... انا جربت وحاسه معنى انى اكون بعيده عن بلدى نفسى نرجع زى زمان .. ايام جمال عبد الناصرالله يرحمه كان الفقير واخد حقه ومفيش ظلم كانت حاجات كتير صح انا فعلا زعلانه جدددددددددددا على اللى بيحصل فى مصر بس هتفضل هيه امى

انا برضوة اغتربت عنها
اكيييد فيها حاجات كتيير مش مزبوطة
ممكن يكون فيها فساد وظلم بس اكييد
هى لسه امى

الف شكر على الموضوع

nemoo-nemo كتب:: الموضوع رائع بس لازم تكون اجبتنا كلنا نعم ..... لان مهما حصل فى بلدى من فساد وعدم نظام وظلم وحاجات كتير غلط هتفضل هيه بلدى حبيبتى وامى وكل حاجه مفيش حد هيعرف قيمتها غير لما يتغرب .... انا جربت وحاسه معنى انى اكون بعيده عن بلدى نفسى نرجع زى زمان .. ايام جمال عبد الناصرالله يرحمه كان الفقير واخد حقه ومفيش ظلم كانت حاجات كتير صح انا فعلا زعلانه جدددددددددددا على اللى بيحصل فى مصر بس هتفضل هيه امى

شكرا لمرورك الكريم وردك العقلاني جدا

وعندك حق مهما حصل من بلاوي فهي برضو بلدنا ووطنا اللي بنحبه

وياريت نفرق بين مصر الحكومة واأفراد ومصر الوطن

nonh كتب:: انا برضوة اغتربت عنها
اكيييد فيها حاجات كتيير مش مزبوطة
ممكن يكون فيها فساد وظلم بس اكييد
هى لسه امى

الف شكر على الموضوع

شكرا لمرورك وردك الجميل

وعندك حق هي برضو مهما حصل منها أمي ومراة أبويا كمان

الف شكر يا باشمهندس على الموضوع الجميل دا بس فى حاجه غايبه عن كل المصرين احب انوه اليها هى بالرغم من كل الظروف الى احنا فيها كمصريين من بطاله وغلاء اسعار وغيرها كتير بس لازم نفرق بين مصر كبلد ومصر كحكومه لان البلد ملهاش ذنب والحكومه عباره عن مجموعة افراد فهل مجموعة الافراد ممكن يخلو الشعب يتخلى عن البلد بمعنى تانى لو احنا ف حالة حرب يا باسمهندس هتعمل ايه وكل المصريين هتعمل ايه احب اسمع ردك على سؤالى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وكل سنه وانت طيب

رغم ظروفنا وحالتنا فى مصر .....لكن اللى كرم مصر من فوق 7 سماوات ...مش هاجى انا واشتم فيها ...طبعا مصر فى دمنا ليوم الدين

اتفق مع brave-engineerفى اننا يجب ان نفرق بين مصر كبلدى وكحكومتها

فبوجود حكومة جيدة ستصبح مصر بلدنا اقوى بلد
ومهما حدث ستظل مصر بلدنا الغالية علينا والتى سنهب لنصرتها ضد اى عدو
لو حد مظلو م فيها ممكن يحس انه مش حينصرها لكن بدون ما نشعر حنكون يد واحدة لنصرتها
فالشعب المصرى ستظل دائما لديه صفا ت المصرى المكافح الصامد[/size]
[size=24]وجزاك الله خيرا يا بشمهندس على هذا الموضوع الجميل
مفاجأه

انا بردو راى ان مصر هى الارض مش الحكومه هى الوطن هى دى الام المقصوده لكن منقدرش نبعد عنها ونسيبها لمجرد مجموعه من الاشخاص مش قادرين يحكموها ومش مقدرينها ومش عارفين يحافظو عليها كلنا الزم نفتخر اننا مصريين وان بلدنا ووطنا هو مصر يكفينا فخرا ان البلد الوحيده المذكوره فى القران هى مصر
وبكرر تانى ان المقصود الارض والوطن مش الحكومه

brave_engineer كتب:: الف شكر يا باشمهندس على الموضوع الجميل دا بس فى حاجه غايبه عن كل المصرين احب انوه اليها هى بالرغم من كل الظروف الى احنا فيها كمصريين من بطاله وغلاء اسعار وغيرها كتير بس لازم نفرق بين مصر كبلد ومصر كحكومه لان البلد ملهاش ذنب والحكومه عباره عن مجموعة افراد فهل مجموعة الافراد ممكن يخلو الشعب يتخلى عن البلد بمعنى تانى لو احنا ف حالة حرب يا باسمهندس هتعمل ايه وكل المصريين هتعمل ايه احب اسمع ردك على سؤالى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وكل سنه وانت طيب

شكرا لمرورك الكريم وردك الجميل يا بشمهندس

ولو حضرتك رجعت لبداية الموضوع ولردودي السابقة فيه ستجد أنني أركز علي

وجوب التفريق بين مصر الوطن الذي يعيش بداخلنا وبين مصر كأفراد وحكومات فاسدة

فهؤلاء الأفراد يروحون ويجيئون ولكن مصر الوطن باقية إلي قيام الساعة

وبالنسبة لسؤالك في وقت المحن تظهر معادن الرجال وتظهر طبيعة

هذا الشعب الطيب المكافح وزي ما قلت قبل كده مصر هي أمي

وما أظنش أني لما اشوف حد بيعتدي عليها هقف اتفرج!!!!!
وكل سنة وحضرتك طيب