هل يعلم احد لماذا لا يذهب الجمهور
الاحمر الى مباريات فريقه ؟! و هو الدافع الاول للفريق ليفوز فى المباريات
و المحرك الاول لقدرات اللاعبين فهو وقود للسفينة و لن يسير قطار الفريق
سوى بعودته مرة اخرى .
حقيقة يعلمها الجميع المال ليس وحده ما يحفز اللاعبين و خصوصا فى الاهلى و لا البطولات لان عنده بطولات كثير .
الاهلى بيكسب عشان يرضى جمهوره احسن حاجة لما الفريق يكسب بطولة و
اللاعيبة تهديها للجمهور يا سلام الله و الله حاجة تفرح بس دلوقت فين
الجمهور اللى يشغل ماكينة النادى الاهلى مين اللى هيقول البطولة دى عشان
الجمهور لانه وقف معانا الموسم ده اللاعيبة دلوقت بتقول عايزين الجمهور
ييجى و اللاعيبة الجديدة بتقول فين الجمهور اللى يهد الفريق الاخر و
يرعبهم من تشجعينا و يحمسنا عشان نبدع و يزقنا ناخد بطولة .
هل هناك دافع حقيقى و قوى يمنع الجمهور الاحمر من الذهاب الى الملعب
لتشجيع الفريق هذا ما اريد اجابة عليه و انا ابحث عن اجابة تبادرت الى
سئلة اخرى هل جمهور الاهلى انحصر فى الاقاليم فقط لانها لا تراه الا مرة
كل عام اين جمهور القاهرة هل مل من مشاهدة نجوم فريقه المفضل ام ان العرض
الذى يقدمه الفريق اصبح ممل لا يجذب سوى المشجع الذى يضحى بوقته فقط
ليؤازر النادى الاهلى صاحب الشعبية الاكبر فى مصر.
و رغم ذلك اذا اعددنا قائمة بالاندية الجماهيرية و مشجعيها سنجد ان
الاهلى اقل الاندية التى يذهب اليها الجمهور فى الملعب على الرغم من انه
الاكثر فوز و الاكثر شعبية و الاكثر بطولات و كمان كان فى ماتشات لم تزاع
تلفزيونيا .ذكر البعض سبب الامن و ان التشدد الامنى هو احد الاسباب و لكن
و ما المانع ما الذى يخيفنا من الامن اذا كنا ذاهبين لتشجيع فريق و لسنا
ذاهبين لغرض اخر هل هو التفتيش الذاتى بصراحة فى حفلات لنجوم كبار بيكون
التفتيش اسوأ بكثير و رغم ذلك الحفلة على اخرها هل التعطيل كما ذكر ان
التفتيش يستغرق وقت طويل و طوابير انتظار ملهاش اخر و ايه المكان اللى
مفيش فيه طابور.
فى النهاية لم يقنعنى هذا السبب لان الامن فى المقام الاول اغلبه
مشجعين للاهلى و مش عايزين يطفشونا دول جايين يحمونا او يحافظوا على مظهر
مش عايزينه يظهر فى التلفزيون ما علينا هم موجودين و خلاص و هم موجوين فى
كل حتة و من زمان و وجودهم فى ستاد القاهرة و التفتيش ده جديد مش من اول
الموسم و مش من سنة او اثنين ثم تبادر الى حالة الاستادات فى مصر و الجلسة
غير المريحة و لكن الاهلى بيلعب بس فى ستاد القاهرة اه بيتحبسوا ساعات
كثير قبل المباراة و لازم نروح قبلها بساعات طويلة من وقتنا و بنكون زهقنا
قبل الماتش و عايزين نروح و فى الغالب لما الماتش بيكون كبير بنتحبس ساعات
كمان لحد جماهير الفريق الثانى لما تروح بيوتها و يا سلام و لو وقفوا شوية
تحت البيت هنتحبس برضه لحد لما يوصلوا بالسلامة و كل واحد يدخل بيته مش
مشكلة ( و طبعا عارفين قصدى بالماتشات الكبيرة) .
و على فكرة ده من زمان و اسألو المشجعين الكبار قبل تطوير الاستاد فى
2006 من زمان و احنا بنروح من بدرى و نقعد نستنى الماتش و بعد الماتش نقعد
برضه مفيش مشكلة لاننا جايين نشجع الفريق و نساعده يلعب ماتش و يكسب بطولة
مش حاجة ثانية ده همنا الاول نشجع الفريق سواء بيلعب حلو او وحش و اثقين
من الفوز او لا. بصراحة خلينا نقول هو الاداء السبب اللعب بنفس الشكل من
خمس مواسم و اللاعيبة اللى بتتغير و الاسلوب واحد و لا الامكانيات اللى
بتقل مع تقدم اللاعبين فى السن لا لا يمكن اعتبار هذا هو السبب الاهلى طول
عمره بيلعب كورة ساعات حلوة بس فى الغالب الاهلى هو الفريق الاكثر تنظيما
داخل الملعب و الاكثر هدوءا و الاكثر حماسا ( بسبب الجمهور فى المقام
الاول ) مش الفريق الامهر طول عمر الاهلى مش امهر فريق فى مصر بس فريق
بطولات بنشجعه لانه فريق محترم الاخلاق اولا.
هو ده فريقنا اللى بنحبه لو خسر مباريات دائما وراه لانه بيخسر بشرف
مفيش لاعبين بيتخاذلو عشان طلعو مرة بره و قعدوا ماتش على الدكة او عشان
زميله بصله بصة جامدة شوية الاهلى فريق رجالة فريق بطولات و عشان كده
بنشجعه مش الاداء هو السبب. طيب هى ثقة المكسب و الفوز حتى لو وحشين و ان
الاهلى اعور وسط عميان زى ما قال صالح سليم فى يوم من الايام طيب اهى ثقة
المكسب غائبة من زمان من مباريات اليابان و لا من ماتش برشلونة لان فى
واحد خبيث قالى ان الجمهور زعلان عشان الادارة بتغلى الماتشات الكبيرة زى
ما عملت فى ماتش برشلونة و وزعت بعض التذاكر فى اماكن معينة لناس معينة و
من ساعتها الجمهور قل كثير غاضبين من التجاهل فى المباريات الكبرى .
و بالفعل الماتش مكانش مليان على اخره زى العادة ده برشلونة و المتش مش
مليان هى حاجة غريبة و لكن ده من زمان الم يغفر الجمهور كل هذه الفترة خطأ
وقعت فيه الادارة يا جماعة احنا فرحنا كثير و ده وقتنا نقف جنب الفريق و
بسرعة لقيت السبب الازمة المالية ياراجل دى اثرت على العالم كله مش هتأثر
فى جمهور الاهلى اه الادارة زودت ثمن التذاكر شوية و كل حاجة ثانية زادت
شوية ما انا عارف و حاسس و شايف طيب ما نجرب نقلل ثمن التذاكر يمكن الناس
اللى بتيجى تجيب معاها حد كمان الفريق محتاجهم فعلا فى الوقت اللى جاى
يارب الادارة تسمعنا لو سمحت زودو زى مانتو عايزين فلوس الدرجة الاولى و
المقصورة الرئيسية زى ما تحب مفيش مشكلة اغلبه مسئولين كبار و مش هتفرق
معاهم.
بس خلو تذاكر الدرجة الثالثة بخمسة جنيه جربوا لنهاية الموسم انتو
وعدتونا كثير باستاد هتعملوا بيه ايه من غير جمهور و على فكرة الاهلى
هينزل مستواه لو مفيش جمهور .
الجمهور هو وقود الفرقة الحقيقى فى المباريات سهلة او صعبة الجمهور هو
رقم واحد لازم ييجى بلاش لف و دوران و تيجبوها فى الامن خلينا نجرب تخفيض
التذاكر و الايرادات هتزيد ده طبيعى لان العدد هيزيد بلاش نستنى و نقول
هييجى عشان الفريق فى موقف صعب يلا نلحق قبل القطر ما يفوت و الدورى يضيع
.هو ده السبب ممكن اكون وصلت للنهاية لوحدى بصراحة انا مقتنع ان ده السبب
الحقيقى طبعا الاسباب الباقية جزء و لكن السبب الرئيسى هو التذاكر
بالاضافة الى كسل الجمهور مش عايز يقف فى طوابير مش عايز يستنى ساعات
يشترى تذاكر مفيش مشكلة الحل موجود لو حبينا يا ادارة يا كبيرة يا اصحاب
الافكار الممتازة و الله مش نفاق ايه المشكلة لو تعاقدنا مع شركات سياحة
فى الاقاليم تبيع التذاكر و تعمل رحلات لمباريات الاهلى اللى فى القاهرة
بلاش ايه المانع ان الاهلى يعمل شباك تذاكر فى جامعات المحافظات و طبعا
منهم جامعة القاهرة.
يعنى بدل ما حد ييجى يشترى تذاكر فى يوم و يروح و بعدين ييجى ثانى يوم
يتفرج على الماتش نسهل الموضوع و نبيع التذاكر هناك فى جامعة مكان محترم
له مصداقية و نعمل كمان رحلات بالاتوبيس يا جماعة الافكار كثير نحاول لو
سمحتوا الواحد قلبه بيتقطع لما يشوف الاستاد فاضى دى مشكلة مش ازمة عابرة
و هتفوت يلا بينا نحاول نرجع الجمهور بجد مش نخاطبه عن طريق القنوات
التلفزيونية خلينا نحسس جمهور الاهلى ان الفريق محتاجه و نزلل الصعاب عشان
يرجع الخمسة جنيه حتحل جزء من مشكلة بس هتفرق كثير فى شكل ستاد يحفز
الفريق و يرجعنا لموسم 2005
موضوع: الجمهور يروح الاستاد ليه؟! 
الأربعاء 18 مارس - 23:29
