أحتلااااااااااااال

[ندعوك للتسجيل في المنتدى أو التعريف بنفسك لمعاينة هذا الرابط]

زمان كلنا كان لينا ذكريات لعب فى الشارع مع اصحابنا

النهارده انا هحكى على موقف واحد من عشرات المواقف اللمضه والشقيه اللى حصلتلنا

يوم من الايام لقينا انا والواد لمض اخويا خبط على الباب جامد

لمض لماضه الحقوااااااااااااااااااا
مين ده قلبظ جارنا اللى تحتينا ومن نفس سننا جاى ينبهنا وجايبلنا خبر وحش
قلبظ : الحقواااااااا لازم تنزلوا الشارع حالاااااااا
لماضة : ليه يعنى ايه اللى حصل استنى هنتغدى وننزل اهدى يا قلبظ فيه ايه احكى براحه
قلبظ : لا مينفعش مش هتلحقواا العيال بتوع الشارع اللى جنبنا احتلوا الشارع بتاعنا وجايبين لعبهم وحاجتهم وجايين يلعبوا فى شارعنا

احتلوااااااااااا شارعنااااااااااا

لمض ولماضه (وشنا احمر والنار طلعت من ودانا ) : لا ده مش لازم نسكت احنا نازلين حالا محدش يقرب من شارعنا كل واحد يلزم شارعه احنا لازم نوريهم شغلهم ونحرمهم يعدوا من الشارع ده هما فاكرين نفسهم ايه ولا ميعرفوش احنا ميييييييييييين
يلا بينا ونطينا فى الشباشب بتاعتنا وديلنا فى سنانا وعلى السلم
لماضة : قلبظ اجمعلى القوات حالا نادى على كل عيال الشارع كله يجمع تحت البيت
قلبظ : علم وينفذ
حمااااااااااصه
بوجي
زئرده

صفارة
كيمو
عينو
حمو
شلاطه

..

..

الخ..
اجمعواااااااااا حالا
لماضة : شوفوا يا رجاله حصل سطو على الشارع بتاعنا والعيال بيلعبوا فى منطقتنااااااااااا

هما مش عارفين احنا مين ولا ايه ده احنا بنرعب المنطقه كلها مش هنعرف نأدب عيال زى دول
لازم نقطعهههههههههههم
بس قبل ما نتحرك هنبقى فى جماعات
يعنى محدش يبقى على الخصم لوحده كل اتنين يستلموا واحد
وكمان مش هنروح ادينا فاضيه كله يعبى جيوبه طوب
نقوا زلط وطوب اللى مبيتكسرش ابعدوا عن الطوب الاحمر انا مجرباه مش بيوجع وكمان بيتفتفت
انتى يابت يا كنشوا (اصلها على طول مش بتسرح شعرها ) مش تلبسى بجامه بجيوب هتحطي الطوب فين دلوقتى يلا خليكى بقى مع الواد حمكشة اهو بجامته باربع جيوب خزنى طوبك معاه
يلا نتحرك هااااااااااااااااا
[ندعوك للتسجيل في المنتدى أو التعريف بنفسك لمعاينة هذا الرابط]
وفجأه واحنا رايحين على العيال لمحت فى الارض كنز
لماضة : يا عيااااااااااال المنطقققققققة الحقوا شوفوا لقيت ايه؟؟؟؟؟
واذا على الارض طقم صينى مكسر بس حتت كبيره
يلا كل واحد يتسلح بحته صينى من دول احنا لازم نقطع العيال دى
[ندعوك للتسجيل في المنتدى أو التعريف بنفسك لمعاينة هذا الرابط]
وطبعا اعددنا العدة وفجأه
لماضة : قلبظ خد امسك الحته دى حلوه طرفها حامى موس
قلبظ : ورينى كده
لماضه : آآآآآآآآآآآآآآآآآآآآآآآآآآآآآآآآآآآآآآآآآآآآآآآي
الحقووووووووونى اديا اتقطعت اديااااااااا
الصينى المكسور وانا بناوله للواد قلبظ عورنى فى ايدى وهو بيشاور بيه غصب عنه
روحونى البييييييييييت عاوزه اموت على فرشتى
اه يانى
ااااااااااه

العيال شالونى طلعونى بيتنا
بابا اول ما شافنى

ابويا : ايه اللى عمل فيكى كده

لماضة : اه يا بابا اديا بتوجعنى وبتخور دم اهيييييييييييييء

بابا قام غسلها وربطها الجرح كان سطحى جدا الحمد لله بس لحد النهارده لسه سايب اثر صغير

ابويا : ها يا لماضة احكيلى براحه مين اللى عمل فيكى كده

لماضة (على استحياء ) : بصراحه يا بابا حصل كذا كذا كذا
وعينكم ما تشوف الا النور
يومها اخدت علقه تمام مش انا لوحدى والواد لمض وكل عيال الشارع ويعينى على قلبظ علقته قعدنا نحكى بيها اسبوع

مامته اديتله علقه سخنه كل عيال المنطقه بقت تحكى بيها

وطبعا اتحرمنا اننا نزل الشاع لمده اسبوعين وما ادراكوا من ده عقاب

بس كنا بنقف فى البلكونه ونحدف العيال مع احنا معانا مخزون طوب يكفى شهر

والعيال اللى احتلوا منطقتنا برضه عرفنا نمشيهم سلطنا عليهم عيال اصحابنا فى الشارع اللى جنبنا

[ندعوك للتسجيل في المنتدى أو التعريف بنفسك لمعاينة هذا الرابط]

بس تفتكروا روح الاتحاد دى لسه موجوده بينا ؟؟
ولسه روح الثورجية دى عايشه جوانا ؟؟

بذمتكم مش عندى حق لما اقول ظلمونى وقالولى لماضة ؟؟

منقول2

راااااااااااااااااااااااااائع يصفق

ونعم الثورجية

أنا كنت كده برضو لما كنت صغيره ....:joker:

بس عمرها ما وصلت للزلط و الطوب و الصيني

lol!

شكرا علي القصه

شكرا للمرووووووووووووووووووور

منورني ........ بيضحك 3