أمر بخصوص الحبار.....

بسم الله الرحمن الرحيم

اقتباس :

بالإضافه إلى أنه ذكر أيضا أننى لا أستحق إدارة هذا المنتدى
ويوجد من هم أحق منى بكثير فى ذلك
لذا
من أراد منكم أن يتقدم فليدفع بنفسه إلى إدارة
هذا المنتدى وسأتنحى عنه راضيا مرضيا
ولأننى لن أسمح لأحد أن ينقص من قدر هذا المنتدى
حتى إن كنت أنا السبب
وأسمحوا لى أن أستمر بهذا المنتدى سواءا
كنت مديرا له أو عضوا فيه وأعدكم بأن
أزداد نشاطا عن ذى قبل بإذن الله.

انا مش همدح الحبار ومتعودش امدح حد...لان الحبار بغنى عن كلامى وكل واحد متابع للمنتدى وبيدخل عليه بستمرار يعرف مين الحبار ....وى واحد شاف المنتدى من بداية ..وشاف المنتدى دلوقتى يعرف كم الجهد المبذول فيه

بخصوص مدير المنتدى فانا موافق انه يجى مدير اخر غير الحبار بس بشروط :
1- يكون المنتدى شغله الشاغل انه يشتغل على المنتدى 14 ساعة فى اليوم او اكثر
2-انه لايغيب عن المنتدى ولا يوم واحد حتى يوم العيد الصبح يكون موجود .
3- انه يرد على المواضيع كله ويتابع المنتدى باكمله ويشجع ده ...ويجاوب ده ويشجع على السؤال حتى لوكان السؤال بسيط ...ويقرى شكوى ده ...ويثبت موضوع ...ويبعت موضوع مهم الايميلات ...ويحط موضوع مهم فى البوابة .
4- انه يكون رقم عضوية 3 ميكنش الف وشوية دخل ولقى المنتدى على الجاهز.ويكون بنى المنتدى من البداية
5- انه يكون يعرف يتحكم فى لوحة الادارة كويس
6- انه يحافظ على المنتدى ليكون هادف يؤدى رسالة علمية وثقافية ...ميخليش المنتدى يتحول الى منتدى تعارف و اغانى وافلام

الشروط متنطبقش الا على الحبار

واخيرا نصيحة للحبار من اخ اصغر :
لا تلتفت لكل هذه الدعوى و وامضى فى سبيلك وعليك انت تفخر بانك عملت منتدى للكلية يكون واجهة مشرفة لهندسة اسوان ولطلبة هندسة اسوان ...ولا تنتظر الجزاء الا من الله ..وابتغى فى هذا العمل وجه الله.....

وده رأى عن قناعة

اقتباس :

الموقف ده انا بنتقد ( ده من عشمي )


بنتقد حدتك و قصر بصيرتك ... ( يعني كان ممكن انك تتنازل شويه عشان المركب تمشي )


لأن ساعات كتير أوي ... الواحد بيبقي كاتب كلام وفي نيته حاجه تاني ..


و أنا واحد من الناس ... بقولك لا انت ولا أنا ملايكه ... وأكيد كلنا بنغلط


بس لو الواحد كان يقدر يشوف اللي في ضماير الناس ... مكنش حد غلب


فمعلش .... نصيحه من أخ لأخوه .... ( وده من عشمي )


اي انسان انت متقدرش تعرف ايه اللي في نيته ... ولو انت اخدت علي اللي


بيكتبه .... اكيد انت هتظلمه , لأنك ممكن تفهمه غلط , أو متفهمش قصده كويس


فمعلش حاول ... أنك تاخد احسن مافي الناس ولو مفيش ... يبقي احسن حل هو


التجاهل .... لأن في مشكلات مابتتحلش الا لو الواحد .... تجاهلها


اشكر لك سعة صدرك .... و أسف علي التطويل


و الله الموفق

طبعا عشمك فى محله يا بشمهندس إسماعيل وأنت من الأشخاص اللى باعجب بآرائهم
بس يا بشمهندس إسماعيل كثرة التنازل وكثرة سلب الحق من الإنسان وخصوصا الكرامة
وبرضو الظلم ده شىء طعمه وحش جدا ولو أنا اتحملت مره واتنين أكيد الواحد هيصل إلى
مرحله يزعل جدا على نفسه فيها وأنا مطلوب منى دائما التنازل وأنا بالفعل بحاول اسوى
الأمور وبعتذر لكل الناس وبعتذر لناس يمكن مغلطش فى حقها وبحاول دايما أجى على
نفسى والناس بيعجبها كده وبترتاح وبقول خلاص عادى الأمور تعدى مفيش مشاكل
رغم إن فى الطبيعى والحياة خارج المنتدى يستحيل بل ويعتبر أعجوبه عندما أترك حقى
أو أجعل أحد يهزأ بى لذلك يا ريت الأخوه كما يحبون أن ألتمس لهم العذر "اللبس
فى الأمور" فليلتمسوا لى العذر إن أخطأت وأنا فاتح الموضوع لأجل تصفية النفوس
أيضا ومن له حق فليأتى ويأخذه وبإذن الله سيأخذه "تالت ومتلت" وربنا يصلح الحال.

اقتباس :

على الرغم انى لا انتسب للكلية و بصراحة انى ادعى متابع للمنتدى كنت فى اوقات احس انك تحابى شخصيات معينة ربما تكون معذور لانهم اكيد اصدقائك و زملائك و تتحامل على اخرين لانك لاتعرفهم لانهم ربما لانهم بالنسبة لك مجهولين او بمعنى اصح منتسبين للمنتدى فقط ولكن بعد هذا الموقف الذى تعرضه علنا وعندك الجراءة الكافية لتحمله نتائجه بالفعل بصراحة وبكل امانة تأكدت انك بالفعل شخصية محترمة يصعب وجودها هذه الايام واقول لك وفقك الله الى ما يحبه و يرضاه و انت بالفعل تسحتق ان تكون مدير لهذا المنتدى و ربما يأتى اليوم لالتقى بك و اسعد بمعرفتك

شكرا لكلامك أخى "ليدر" وبخصوص ظنك بأنى أحابى شخصيات معينه فأنا بالفعل
أحب تشجيع الأخوه الأعضاء وأصدقائى أيضا حتى يبادروا بالمشاركه واشخاص
كثيره كانوا يحتاجون دفعه صغيره والحمد لله كنت أوفق فى ذلك بفضل من الله
ولو تعلم ما يحدث فى شأن الإشراف لعلمت أننى لا أحابيهم إطلاقا.

شكرا لكم جميعا

والله الموفق

قرارك ده وان دل يدل علي انك شخصيه قد المسئوليه اللي احنا كلفناك بيها وانك اكتر شخص امين علي المنتدي بتاعه قبل ما يكون منتدي الكليه وانك اكتر واحد حريص انه المنتدي بتاعنا يكون في احسن صورة واعتذارك لكل واحد علي كلامك انت اسات ليه ده منتهي النبل منك