عجبا لهذا المنتدى

بسم الله الرحمن الرحيم
السلام عليكم ورحمه الله وبركاته
فى البداية اول ما سمعت ان هناك منتدى بين طلبه الكلية فرحت وعلى طول اشتركت فى هذا المنتدى حتى اشارك فيه وايضا حتى نتبادل المواضيع وكل ينفع الاخر
لكن ما لاحظته فى هذا المنتدى فى هذه الايام بتغير فى بعض الاشياء التى لم تعجبنى وفعلا انا متضايق جدا لانى ما اراه فى المنتديات الاخرى من عيوب اجدها فى هذا المنتدى هذا موضوع يجب لا اسكت عليه
اولا ما لاحظته فى البداية وسكت عليه هو ان عدد الاعضاء فى المنتدى قد وصل الى 1000 عضو وسكتنا على هذا الموضوع
قريبا افاجئ على الاميل تم ارسال رساله لى ولكل من فى المنتدى ان عدد الاعضاء وصل الى 2000 عضو
بالله عليكم اسال سؤال هو ليه كل ده اعلم ان المنتدى المحترم مبيهمهوش كام عضو اشترك فيه اهم شئ هو ايه الموضيع اللى عليه بالله عليكم يعنى ادارة المنتدى مش عارفه انى اغلب الناس فى المنتدى ليها اشتراكين او اكثر الله اعلم فى هذا المنتدى يبقى بتضحك على مين على نفسنا؟ الله اعلم
ثانيا موضوع الحصريات ده اللى ظهر الايام ده كل اما ادخل على الاميل بتاعى الاقى نتابع الحصريات ومش عاوز اقول انى الموضوع ده موجود فى اغلب المنتديات مش عارف على خيبه ايه انها تتبع الحصريات ده بيكون اللى منزل الموضوع واخده من منتدى تانى عجبا فعلا على هذا الكلام
ثالثا موضوع اللينك يكون مخفى حتى يتم الرد يعنى الواحد لازم ينزل اى تعليق اى كلام فى اى كلام عشان يعرف يشوف اللينك سبحان الله
اعرف فى المنتديات المحترمه انى لو انت دخلت باسمك محدش يمنع منك اللين اكرر المنتديات المحترمه مش المنتديات اللى اى كلام
الغريب انى احنا بقينا بنعمل زى المنتديات اللى اى كلام بس عاوزين يخلوا الناس ينزلوا تعليق وخلاص
انت مالك انزل تعليق ولا لا ياخى انا افترض انى لما انزل الاول بعد كده انزل تعليق انت ليه تجبرنى
انا مش هقول الا سبحان الله فعلا عجبا لهذا المنتدى

انا لم اقصد التجريح لاى احد او للمنتدى ولكن انا قلت اللى انا شايفه والله الموفق
السلام عليكم ورحمه الله وبركاته

MASA_2010 كتب:

اعتقد اني اتفق معك في كلامك , ياسيدي نحن مجتمع التقليد مجتمع الاستهلاك فقط دون انتاج مجتمع "خد علي الجاهز وماتتعبش نفسك ودماغك"
الذي اقصده بهذا الكلام ليس ان ياخد شخص ما موضوع او برنامج من منتدي معين ويضعه هنا , لان هذا ليس عيبا ويفيد الاخرين , لكني فعلا اتضايق من جملة " حصريا علي منتدانا " وحصريا علي منتدي جيراننا , واشياء لا اعلم ماهي فائدتهه ولا اهميتهه طالما كلنا نعرف ان معظم البرامج والكتب - ولا اقول جميعها - موجوده علي كثير من المنتديات العربية والاجنبية لدرجة اني لا انظر اطلاقا الي البرامج او الكتب التي يتم وضعها في المنتدي لاني استطيع الوصول الي ما اريد من مواقع ومنتديات اخري كثيرة .

كل المشكلة ان هذه الجمله كتبها شخص ما لاندري من هو وتكررت في منتديات كثيرة وبالتالي نذهب نحن لكتابتها دون حتي ان ندري مافائدتها في الموضوع بالاساس.

ثانيا موضوع ضع ردا كي يظهر لك الباسوورد او يظهر لك اللينك , فهذا شئ عجيب اخر , يدل فقط علي اننا نحب استجداء كلمات المديح والشكر من الاخرين , حتي ان كانوا من يريدون الشئ ليس في نيتهم ان يشكروا معطيه لهم ,- يعني بالعافية هترد وهتشكر غصب عنك -,
ويجب ان يعلم من يفعل ذلك ان اي شئ يحضره للمنتدي له فائدة للناس سواء هو مؤلفه او صانعه او كان مقلده وناسخه , فطالما مفيد فيعلم تماما ان له جزاءه المحفوظ له عند الله حتي وان لم يشكره المستفيد من الموضوع . ولن اتحدث بالمزيد فعلي ما اعتقد ان كل ماردت قوله قد وصل اليكم والي اي شخص

والي اللقاء مع حصريات الردود ,

أولا : مع شديد أحترامي


لكاتب الموضوع , ولمن قام بالرد , أنا مكنتش ناوي أرد أنما مدام الموضوع وصل للدرجه دي



اسمحولي ,,,,,,,,,,,,,



أحنا هنا في المنتدي , بنعمل اللي علينا و مش مستنين حاجه من حد


و من الأخر كده , عشان أوفر عليكم تعب المهاترات اللي شامم ريحتاها من بعيد


انا كعضو , وككاتب موضوع ,


طالما أن موضوعي , لم يتخطي حدود قوانين المنتدي

و طالما أنه يهدف لمصلحة الطلبه , يبقي ( محدش ليه عندي حاجه )

لأن ( ده من حقي , أكتب بقي حصري ولا مكتبش دي ترجعلي أنا )

و حتي لو ناقل الموضوع , و الكلام ده بيحصل في اي منتدي تاني


بغض النظر ( محترم ولا لأ ) .,,


و اللي عنده اعتراض علي النقطه دي ... يتفضل



ثانيا : وبرضو مع خالص أحترامي



الناس اللي بتقول أننا جماعه قص ولزق بس , أحب أوضح لكم


الحقيقه اللي انتو مش شايفينها , في



المواضيع التاليه :





::.: المجموعه الكامله لكراكات شركة اوتوديسك 2009 All Autodesk Keygens::



::: موسوعة الهيدرولوجي :::



:: حصريه جديده في منتدانا ... أحترف جميع أصدارات الاوتوكاد 2009 مع هذا الكتاب الخارق AutoCAD 2009 & AutoCAD LT 2009 All-in-One Desk Reference For Dummies ::




::: بشري لكل مهندسي المساحه في منتدانا.. دوره تدريبيه لبرنامج Arc Map من برامج Arc GIS الأصدار 9,1 :::





::: حصري علي منتدانا .. الدليل الكامل لأختبارات المواد المستخدمه في مشاريع الطرق :::




ولأن الحصريات معنا لاتنتهي :: لكل من يريد أحتراف أوتوكاد 2009 مع الكتاب المعجزه Mastering AutoCAD Civil 3D 2009::



و علي منتدانا فقط تتوالي الحصريات ..:.: مع كتاب التنفيذ من الألف إلي الياء :.:...





::: هام جدا لكل مهندسي عماره .... بحث شامل و متكامل عن السلالم بالعربي :::




و غيرهم , كتيييييييييييييير



جميع الملفات المرفقه في تلك المواضيع و أكيد أكثر منها



تم رفعها خصيصا , للمنتدي بعضهم مفتوح بدون رابط مخفي و الأخر لا



بعضهم تم عمل باسوورد بأسم المنتدي علي تلك الملفات



وهكذا .......... وده دليل علي ان مش كل المواضيع منقوله و ان في اجتهاد شخصي




لأعضاء المنتدي .... لعمل تلك المواضيع




أكرر .... لا يوجد قانون في أي منتدي لا يسمح بعمل تلك الروابط المخفيه


و هي في منتدانا ....حريه شخصيه ترجع فقط , لصاحب الموضوع


و سأكمل ردي بعد أن أعود من المحاضره ...

اقتباس :

أولا : مع شديد أحترامي


لكاتب الموضوع , ولمن قام بالرد , أنا مكنتش ناوي أرد أنما مدام الموضوع وصل للدرجه دي



اسمحولي ,,,,,,,,,,,,,



أحنا هنا في المنتدي , بنعمل اللي علينا و مش مستنين حاجه من حد


و من الأخر كده , عشان أوفر عليكم تعب المهاترات اللي شامم ريحتاها من بعيد


انا كعضو , وككاتب موضوع ,


طالما أن موضوعي , لم يتخطي حدود قوانين المنتدي

و طالما أنه يهدف لمصلحة الطلبه , يبقي ( محدش ليه عندي حاجه )

لأن ( ده من حقي , أكتب بقي حصري ولا مكتبش دي ترجعلي أنا )

و حتي لو ناقل الموضوع , و الكلام ده بيحصل في اي منتدي تاني


بغض النظر ( محترم ولا لأ ) .,,


و اللي عنده اعتراض علي النقطه دي ... يتفضل



ثانيا : وبرضو مع خالص أحترامي



الناس اللي بتقول أننا جماعه قص ولزق بس , أحب أوضح لكم


الحقيقه اللي انتو مش شايفينها , في



المواضيع التاليه :





::.: المجموعه الكامله لكراكات شركة اوتوديسك 2009 All Autodesk Keygens::



::: موسوعة الهيدرولوجي :::



::
حصريه جديده في منتدانا ... أحترف جميع أصدارات الاوتوكاد 2009 مع هذا
الكتاب الخارق AutoCAD 2009 & AutoCAD LT 2009 All-in-One Desk
Reference For Dummies ::




::: بشري لكل مهندسي المساحه في منتدانا.. دوره تدريبيه لبرنامج Arc Map من برامج Arc GIS الأصدار 9,1 :::





::: حصري علي منتدانا .. الدليل الكامل لأختبارات المواد المستخدمه في مشاريع الطرق :::




ولأن الحصريات معنا لاتنتهي :: لكل من يريد أحتراف أوتوكاد 2009 مع الكتاب المعجزه Mastering AutoCAD Civil 3D 2009::



و علي منتدانا فقط تتوالي الحصريات ..:.: مع كتاب التنفيذ من الألف إلي الياء :.:...





::: هام جدا لكل مهندسي عماره .... بحث شامل و متكامل عن السلالم بالعربي :::




و غيرهم , كتيييييييييييييير



جميع الملفات المرفقه في تلك المواضيع و أكيد أكثر منها



تم رفعها خصيصا , للمنتدي بعضهم مفتوح بدونرابط مخفي و الأخر لا



بعضهم تم عمل باسوورد بأسم المنتدي علي تلك الملفات



وهكذا ..........



أكرر .... لا يوجد قانون في أي منتدي لا يسمح بعمل تلك الروابط المخفيه


و هي في منتدانا ....حريه شخصيه ترجع فقط , لصاحب الموضوع


و سأكمل ردي بعد أن أعود من المحاضره ...

السلام عليكم
عزيزي , لا داعي لان ترد بعد محاضرتك , فمجرد ردك بان هذه حرية شخصية- وانا اتفق معك في هذا - يعني انك تتفق معنا ايضا او تري صحة كلام المهندس المحترم الذي لا يريد اي مصلحة من موضوعه ولا يريد ايضا ان يدخل في مهاترات معك انت او غيرك - دون ان تيقظ انفك وتشم رائحة المهاترات التي تقول عنها - , واحب ان اقول لك انه لا يوجد مكان للمهاترات هاهنا وانما تعصبك الاعمي - لاحظ اني اصف تعصبك وليس انت - وربما مساس لب الموضوع بشخصك هو مادفعك لان تقول ان هذه مهاترات , ورأيك احترمه ايضا كما تري ولن اصفه بشئ كما وصفت ردي وموضوع المهندس الفاضل مصطفي بالمهاترات واترك هذا لتحضرك الكريم .

ثانيا : لقد تعمدت ان اقول في كلامي هذه الجملة

اقتباس :

ان معظم البرامج والكتب - ولا اقول جميعها -

لاني علي علم اكيد انه ليس هناك اشياء كلها منسوخة وايضا علي جهل بما ايضا هو جديد وحصري كما تقول او يقول غيرك - وان كنت لا احب هذه الكلمة -

ثالثا: اعلم تماما ان معظم الروابط والباسوردات في المنتدي مفتوحة ,ولكني تعثرت في مرة في موضوع يطلب صاحبه الرد ليظهر الرابط - ولا داعي لذكر اسم الموضوع - ويقيني تام بان هذه حرية شخصية له او لغيره كما هي حرية شخصية لي ان استمتع وافرح بهذا او امقته

رابعا : موضوع قوانين المنتدي هذا او اي قوانين لاي منتدي ليست منزلات من عند الله كي نحتج بها عند كل صغيرو وكبيرة وتكون هي حجتنا , فهي من وضع انسان يخطئ ويصيب وله وجهة نظر يراها صحيحة ولكنها قد لا تكون كذلك بالمرة و واقول "قد" حتي اضيع عليك الفرصة لاقتناص المهاترات التي تسمعها.

اخيرا:
اقول لك اخي العزيز ودون اي ضغينة - ثق من ذلك - ان كلام المهندس او رأيي ليس بالمفترض ان يكون صحيحا فقد يكون مخطئا باكمله ولكن يبقي واجب عليك وعلي غيرك احترام رأي من امامك وتقصي الصواب فيما يقول , لانه قد يكون علي حق وتكون انت علي تشدد وتعصب لا مبرر له ولا حق , وانما لزم المهندس عندما رأي هذا ان ينوه اليه لا من اجل ان يتشدق عليكم بمجرد كلمات يتسلي بها , فوقته فوق كل هذه الترهات , ولكن فقط من اجل ان يحاول ان يسمو بالمنتدي فوق الهفوات ومن تحت المنتدي اعضاءه

شكرا اخي واكرر لا داعي لردك فقط لان وجهة نظرك وصلت الي كما انا علي يقين ان رأيي قد وصل اليك

اشكركم جميعا بس يابشمهندسين اعتقد ان المنتدى كان ولم ينتهي من وضعه كساحة مفتوحة لكل الطلبة لابداء رأيهم ولولا هذا المنتدى ما كان الطلبة ليطرحوا كثير من المشاكل التي لا نرى لا ادارة لكلية ولا حتى اتحاد فقط لينظروا فيها وما كان ايضا للطلبة قول كلمة الا بحانب الحرس0
ثانيا : ان موضوع حصري فالكلمة ليس بها اي لفظ جارح حتى يتم الاعتراض عليها وانما تدعو الطلبة لرؤية الموضوع مع العلم ان كل ماهو مكتوب تحت كلمة حصري هي موضوعات لافادة الطلبة وايضا لمساعدتهم وليس لتضييع الوقت 0 اما وجود تلك البرامج على منتديات او مواقع اخرى سواء كانت تنتمي لنا او اجنبية فالمفروض يابشمهندس انك تشكر الناس انها تعبت ووفرتهالك على المنتدى من غير ما تدور0
ثالثا: انا متفق معاكم على حكاية وضع الرد ليتم اظهار اللنك فهذا اسلوب اطلب من ادارة المنتدى النظر فيه0
رابعا ا:ان عدد المشتركيين حتى لو زاد فان المنتدى مش محتاج ناس تعمل اكتر من اشتراك لان المنتدى مفتوح و حر وتقدر تقول فيه اللي انت عايزه من غير ما تستخبى عن نفسي ايه اللي هتستفاده اما اعمل اشتراك تاني واضيع وقت وانا اقدر اقول اللي انا عايزة ومن غير اي اعتراض في المنتدى 0

أولا أحب أشكر يحي و محمد الجزار علي ردودهم



و بالنسبه للأخ ماسا ... أنا لم أقصد بالمهاترات أي معني خطأ


الموضوع وما فيه هوه ان حضرتك اتكلمت و قولت

اقتباس :

موضوع ضع ردا كي يظهر لك الباسوورد او يظهر لك اللينك , فهذا شئ عجيب اخر , يدل فقط علي اننا نحب استجداء كلمات المديح والشكر من الاخرين

والكلام ده فيه اتهام صريح ....



وحاجه زي دي انا ما أسمحش بيها .... عشان كده أنا أستعرضت قدامك


معظم مواضيعي واللي هيا عينه من مواضيع المنتدي .... عشان تعرف حضرتك انها مش تقليد ماشي علي كل المواضيع



و علي فكره انا كمان بنقل مواضيع .... زيي زي باقي الأعضاء


وحاجه زي دي انا بوضحها تحت كل موضوع حتي لو عامل الرابط مخفي


و لو نسيت مره .... حضرتك أعرف انه جل من لا يسهو


و بالنسبه للكلام ده

MASA_2010 كتب:

وربما مساس لب الموضوع بشخصك هو مادفعك لان تقول ان هذه مهاترات ,

من الأخر ..... كده



حضرتك انت ما ادراك بشخصي عشان تتكلم عنها ...



مع احترامي .... بس لو حضرتك عايز تتكلم ابقي اتكلم عن نفسك


و دع الأخرين في حالهم .... لأنه مش من شغلك ...

اقتباس :

رابعا : موضوع قوانين المنتدي هذا او اي قوانين لاي منتدي ليست منزلات من عند الله كي نحتج بها عند كل صغيرو وكبيرة وتكون هي حجتنا , فهي من وضع انسان يخطئ ويصيب وله وجهة نظر يراها صحيحة ولكنها قد لا تكون كذلك بالمرة و واقول "قد" حتي اضيع عليك الفرصة لاقتناص المهاترات التي تسمعها.

قوانين المنتدي ولوائحه ... هي اجتهاد شخصي لأعضاء المنتدي

وانا لم أقل أنها من المنزلات ... و بالنسبه للمهاترات

أنا بقول أني حكيت الحكي ده كله ... عشان أوفر كلام المهاترات ده مش العكس

اقتباس :

اخيرا:
اقول لك اخي العزيز ودون اي ضغينة - ثق من ذلك - ان كلام المهندس او رأيي ليس بالمفترض ان يكون صحيحا فقد يكون مخطئا باكمله ولكن يبقي واجب عليك وعلي غيرك احترام رأي من امامك وتقصي الصواب فيما يقول , لانه قد يكون علي حق وتكون انت علي تشدد وتعصب لا مبرر له ولا حق , وانما لزم المهندس عندما رأي هذا ان ينوه اليه لا من اجل ان يتشدق عليكم بمجرد كلمات يتسلي بها , فوقته فوق كل هذه الترهات , ولكن فقط من اجل ان يحاول ان يسمو بالمنتدي فوق الهفوات ومن تحت المنتدي اعضاءه

عزيزي .....


و كلنا بنحاول نرتقي بالمنتدي ... وبنعمل اللي علينا دون أنتظار


كلمة شكر ...... و لكن أغفرلي أي تقصير لأن .... كلنا يحاول حسب استطاعته ومعرفته

اقتباس :

شكرا اخي واكرر لا داعي لردك فقط لان وجهة نظرك وصلت الي كما انا علي يقين ان رأيي قد وصل اليك

أكيد طبعا ..... وجهة نظرك وصلت و أشكرك بشده

يا أخواننا هدوااا الامور شوية

مفيش حد مقصود بالإتهامات دىىى

ولا حاااجة _ الموضوع مش محتاج كل دة

السلام عليكم ورحمة الله وبركاته

أهلا وسهلا بالأعضاء الكرام...

فى البداية كى نوجه الموضوع فى الحيز الصحيح أو الإتجاه الدقيق والمشار إليه
ولكن للأسف فى الخفاء هو أننى أكذب عليكم أخوتى فى قولى حصريا والكلمات
المشابهه لذلك "لأن لا أحد غيرى وزميلى جوست ينعت المواضيع بالحصرية وأقصد
هنا الأكثرية فى الذكر" وزميلى البشمهندس إسماعيل "إنج جوست " يأتى فى المرتبة
الثانية فى ذكر هذه الكلمات لأننى أسرف بالفعل فى إستخدامها وذلك لا يقلل من شأن
أخى إسماعيل ولكن هذا للتوضيح بأن الموضوع يقصدنى.
بالإضافه إلى أننى الوحيد من يبعث الرسائل الجماعيه والمواضيع على الإيميلات
وأيضا ذكرت وصول عدد الأعضاء إلى 2000 عضو "ما شاء الله" فى موضوع
خاص وبعثته أيضا للإيميلات.

معنى ذلك أن عنوان الموضوع للأسف غير دال على محتواه ولربما كان الأفضل
عنونة الموضوع ب "عجبا لهذا الحبار !!!"

نبدأ فى السرد أخوتى...

1/بخصوص الأعضاء ووصولنا لهذا العدد ولله الحمد فهذا ليس من فراغ فنحن نعمل
ونكد كى يرتفع إسم المنتدى ونعلن عنه كى يشترك به الأخوه المهندسون من جميع أنحاء
العالم كى تعم الفائدة وتختلط لدينا الخبرات والثقافات ويبدأ المشتركون فى تبادل المنفعه
العلمية والثقافيه والحوارية وكل ذلك من خلال زيادة المشتركين .

اقتباس :

اولا ما لاحظته فى البداية وسكت عليه هو ان عدد الاعضاء فى المنتدى قد وصل الى 1000 عضو وسكتنا على هذا الموضوع
قريبا افاجئ على الاميل تم ارسال رساله لى ولكل من فى المنتدى ان عدد الاعضاء وصل الى 2000 عضو
بالله عليكم اسال سؤال هو ليه كل ده اعلم ان المنتدى المحترم مبيهمهوش كام عضو اشترك فيه اهم شئ هو ايه الموضيع اللى عليه بالله عليكم يعنى ادارة المنتدى مش عارفه انى اغلب الناس فى المنتدى ليها اشتراكين او اكثر الله اعلم فى هذا المنتدى يبقى بتضحك على مين على نفسنا؟ الله اعلم

بخصوص سؤالك فهذا ليس سؤال بل إنك تسأل وتجيب فى نفس الوقت وهذا شىء خطأ
وإن كنت تعلم الإجابة فلماذا السؤال منذ البداية ؟؟!!!

ولنعتبره سؤالا
بشأن وصولنا لهذا العدد أخى فلله الحمد عدد المشتريكن بأكثر من إسم لا يكاد يزيد
عن المئة ولكن كرما منى سأجعله 500 عضو مشتركين باسماء مكررة ومطرودين
مع إختلاف الحالات ودعك من الأرقام الغير صحيحة ليتبقى لدينا 1500 عضو
هم المشتركين الفعليين لذلك "ولا تنس أن هذا فرض منى وإن كان الفرض خاطىء"
ولعلمك أيضا فى الأيام الماضية كنت أكشف عن الأى بى لدى الأعضاء الجدد
والذين يمرون على المنتدى كزائرين "وأقسم بالله أن كلامى هذا صحيح مئة بالمئة"
أننى كنت أرى أشخاصا من تنزانيا وفلسطين والأردن وألمانيا وإيطاليا وفرنسا
وأمريكا واليابان والمغرب والسعودية وكما تتخيل تتخيل لدرجة أننى رأيت
أى بيهات وليس من زمن بعيد كانت من إسرائيل !!!

أبعد كل هذا النجاح "ما شاء الله ولا قوة إلا بالله" أنظر إلى عبث التكرار الذى تزعمه
وأترك هذا الجمال الذى يجعلنى أفخر وأفخر ثم أفخر بأن منتدانا دار الكرة الأرضيه
وطوى الدنيا بأكملها وكل البشر يدخلونه ومن كل حدب ينسلون وانظر لما تقول !!
"وتذكر أن فخرى هذا مجرد فخر عضو وليس أكثر والحمد لله لأننى ما زلت وسأظل
إنسانا ضعيفا ولا يستحق شيئا ولكنى أستحق أن أفخر بكليتى وبمنتدى كليتى هذا" .

ويا من تزعم العلم والمعرفه لو دخلت على أى من المنتديات الخاصه بتقنيات المنتديات
ستجد أنهم يبيعون قاعدة بيانات مثلا فيها ربع مليون عضو وأكثر أو أقل بالإضافه
إلى الهاكات التى توضع ويخيل لك بأن ألف عضو موجود وعشرين ألف زائرين
بالمنتدى وهو مجرد هاك أو خدعه يضعها أصحاب المنتديات لمزيد من الثقه من
أعضائهم أو العبث بالواقع أو درب من الأحلام التى يودوا أن يصلوا إليها ونحن
ولله الحمد نترك الأمر للناس ولا نغصب أحدا على الإشتراك مره أو اثنين بل إننا
نحرم ذلك فى قوانين المنتدى التى يمكنك مراجعتها ولن نستطيع منع تكرار الإشتراكات
تلك إلا إذا علمنا ما فى نفوس وظللنا بالمرصاد لكل الأخوه وهذا الأمر يحتاج إلى
إنسان خارق للعاده أو إنسان لا يجد شىء ليفعله سوى تتبع خطى المشتركين !!

وبخصوص "سكاتك " عن إننا وصلنا للألف والآلف الثانية هى التى قسمت ظهر
البعير وجعلتك تخرج عن صمتك الدفين وتخرج علينا وفى يدك جنزير المصلحة
الذى تود بطشنا به إياك إياك والسكات فإنه نار ولا تدع الكلام يسكن إلى جوفك
حتى لا يحترق صدرك ورغم إن من يسكت مره يكست ألف مره فأدعوك إن شاء
الله أن تفتح موضوع آخر عندما نصل إلى الألف الثالثه والرابعه وإلى المليون
بإذن الله ولن أتوانى فى الرد عليك أو الرد على أى أحد لأننا لا نجازى من بشر
بل نجازى من رب البشر ولا خوف من بشر ما دام رب البشر معنا.

اقتباس :

ثانيا موضوع الحصريات ده اللى ظهر الايام ده كل اما ادخل على الاميل بتاعى الاقى نتابع الحصريات ومش عاوز اقول انى الموضوع ده موجود فى اغلب المنتديات مش عارف على خيبه ايه انها تتبع الحصريات ده بيكون اللى منزل الموضوع واخده من منتدى تانى عجبا فعلا على هذا الكلام

فى البادىء بخصوص الخيبه فأرجو أن يكون كلامك أفضل من ذلك وأن تتلفظ بما هو
مسموح وإن كان ما نفعله خيبه فاترك لنا خيبتنا وإمضى أنت فى نجاحك.

كما ذكرت فى السابق أننى من أنزل الحصريات ولو علمت أخى ما ألقاه من التعب
والعنت والذنوب والآثام ما قولت هذا القول الشائن:

أولا : عمرى ولله الحمد ما كتبت موضوع منقول إلا إذا ذكرت إنه منقول لأنه
"لا ينسب الفضل لأهل الفضل ذووه" ويمكنك ملاحظة ذلك فى المواضيع ما دمت
تلاحظ كل شىء وبخصوص ما طرأ فى المنتدى من جديد فهى نقلة لى شخصيا
وللمنتدى أيضا فقد عثرت على المصادر الأساسية للبرامج وذلك لدى المنتديات
والمواقع الأجنبية وهى السورس لكل المنتديات العربية التى تراها وأشهرها
أيضا وبمجرد نزول البرنامج هناك تبدأ كل المنتديات بالنقل وهذا ليس نقل
بالمعنى المفهوم ولكنه برنامج من المصدر أو كأنة المصدر وذلك ما أتابعه
دوما وأنتظره والفرق فقط فى أن المنتديات الأخرى تعيد رفع الملفات مرة
أخرى بإسمها وأنا ليس لدى سرعات تستطيع رفع هذا الكم الهائل من البرامج
أو الوقت أيضا فما زلت طالبا وإنسانا لا يحتمل العمل لأكثر من 14 ساعه
وهى عدد ساعات عملى على المنتدى أو أكثر قليلا.

ثانيا أقوم بتجربة جميع اللنكات وأتأكد من صحتها وللأسف أكتسب الذنوب من
رؤيتى للصور الإباحية "سكس ملط يعنى" والتى ترتع فى تلك المنتديات
وأقول لنفسى سأكتسب حسنات أكثر من خلال النفع الذى سيعود على أخوتى
المسملين ومن تيسير الأمور على الآخرين "والحسنة تمحق السيئة" وأحاول
حماية جهازى الذى يظل يردد الشهادتين من خلال الفيروسات التى تلعب وتكمن
فى هذه المواقع وأحاول فك طلاسم البرامج ومعرفة فائدتها وتنقيحها لك وللجميع
وأعيد الرفع على مواقع أخرى للتحميل "لو إحتاج الأمر" وأحاول الشرح بالصور
وأدعم ذلك بمتابعتى للمواضيع وحل جميع المشاكل لها وضمان كامل لك لأى
برنامج قد يكون به فيروسات وتسهيلا عليك أبعث لك بخبر نزول البرنامج
وأكاد أوصله إلى المنزل فى صندوق "الديلفيرى" وأخيرا حضرتك تقول
ننقل ونضحك وخيبه وكلام كثير اقبح من السب أخى.

لذلك لو وجدت إزعاجا فى رسائل المنتدى يمكنك منعها من ملفك الخاص أخى
ونحن لا نرضى لك بالإزعاج وسنحترمك ونحترم جميع رغباتك ما دامت بالمسموح
ولو جهلت منع الرسائل عن نفسك يمكنك ذكر ذلك لى فى رساله خاصة وسأمنعها
عنك وإن وجدت شيئا أفضل فى الخارج لا مانع من أن تحبه وتهتف له ولا داعى
بأن تثبط عزيمتنا أو عزائم الآخرين لأن لا أحد يستطيع تثبيط عزيمتى والحمد لله.

نضرب مثال للمهندسين ولمن أراد الفهم وليس الحفظ :

حدثت مثلا حرب وذهب الصحفيون والمراسلون والجزيرة والعربيه وبدأوا
فى نقل الأخبار فهل إن تشابهت الأخبار قولنا عليهم ينقلون من بعضهم؟؟!!
أم هل لو إختلفت قولنا أحدهما صادقة والأخرى كاذبه؟؟!!
أم هل نجاح الأخرى أكثر يمنعنا نحن من المنافسة أو شرف المحاولة؟؟!!!

اقتباس :

ثالثا موضوع اللينك يكون مخفى حتى يتم الرد يعنى الواحد لازم ينزل اى تعليق اى كلام فى اى كلام عشان يعرف يشوف اللينك سبحان الله
اعرف فى المنتديات المحترمه انى لو انت دخلت باسمك محدش يمنع منك اللين اكرر المنتديات المحترمه مش المنتديات اللى اى كلام
الغريب انى احنا بقينا بنعمل زى المنتديات اللى اى كلام بس عاوزين يخلوا الناس ينزلوا تعليق وخلاص
انت مالك انزل تعليق ولا لا ياخى انا افترض انى لما انزل الاول بعد كده انزل تعليق انت ليه تجبرنى

بخصوص الإحترام فدعك منه فلا يوجد منتدى محترم بمعنى الإحترام ومعنى ذلك أن
أمور المنتديات الأخرى مادية بحتة ووصولهم إلى عدد كبير من الأعضاء يجعلهم
زاهدين فى الإشتراكات بالإضافه إلى أن كثرة عدد الزوار تدخل فى تسعيرة الإعلانات
لديهم ونحن ولله الحمد منتدى مجانى لا يتربح منه ولن يتربح منه أحدا ما دمت على
وجه الأرض بالإضافه إلى أنك لم ترى بدايتهم كانت بأى شكل ويمكنك النظر إلى توقيع
الأخ طارق عبد الله العيدان "مشرف عام منتدى إقلاع سوفت " وهذا المنتدى من أكبر
المنتديات العربية وقد تجاوز المليونين وسترى أنه توقيعه لا يظهر إلا للمشتركين فقط
وهذا من ضمن المنتديات المحترمه التى تذكرها!!

بخصوص أيضا ذكرك الشكر فأنا لم أذكر ذلك فقد طلبت الرد فقط ويمكن الرد بجارى
التحميل وأعتقد هذا ثمن قليل للموضوع فأنت تستيقظ الواحدة ظهر وتتكأ على الكرسى
وتنظر إلى آخر المواضيع وتختار ما يطيب لك وترد مثلا بقول " بخ " ويظهر لك
كل شىء وهو ثمرة ليالى قد سهرتها تجنيها فى لحظة واحده وهذا شىء ليس
بالصعب أو المحرج لك.

ملحوظه :كنت أود ألا أذكر ما سأذكره الآن حتى أجعلها مفاجأه ولكن للأسف لا بد من ذلك
لو راجعت أخى إعلانات منتدى الدعم التابعين لها ستجد أن المنتدى الأكثر نشاطا
والأكثر زوارا ومشاركات وأعضاء سيحصل على دومين مجانى مدى الحياه وهذا
ما أخطط له وربنا يعينى على ذلك ويعينكم أيضا إن شاء الله وذك حتى لا نأخذ
مليما من أحد وليبقى عملنا هو الفيصل والجزاء من عند الله.

أخيرا أخى قبل أن تنقد إنظر ماذا أفدت منتدانا وماذا قدمت لنا وماذا فعلت فيه كى
تستحق النقد أو الشكوى أو على الأقل الإفتخار أرجو منك العمل والإجتهاد
فمن إجتهد وأصاب فله أجر ومن أجتهد وأخطأ له أجران وربنا يصلح حالك
وحالنا جميعا.

اقتباس :

انا مش هقول الا سبحان الله فعلا عجبا لهذا المنتدى

بخصوص قولك سبحان الله المفروض تبعتلى عريضة شكر إننا بنخليك تذكر الله
وتسبحه وبإذن الله سأجعلك تسبح الله وتمجده وتشكره وتثنى عليه كلما رأيت
المنتدى بحوله وقوته أنت وجميع أخوتى المهندسين.

والله الموفق

بسم الله الرحمن الرحيم
السلام عليكم ورحمه الله وبركاته
ولا اشكر كل من رد فى هذا الموضوع ولكن الردود فى هذا الموضوع اولا غير لائقه خاصه بين المهندس اسمعايل والمهندس محمد
للاسف الشديد الموضوع وصل الى المشاده فى الكلام بدون اى سبب
المشكله ان هناك عصبيه وخلاص
انا لا اريد ان يصل الموضوع الى هذه الدرجه من المشاده بين الاعضاء ولكن هناك بعض الردود التى لم تعجبنى شخصيا مثل رد المهندس اسماعيل والذى ذهب الى المحاضرة وتركنا فى هذا الوضع فسوف اقول لك مهندس اسمعايل مع احترامى الشديد لك ايه قصدك بكلمه
مقالة:
[size=25]( محدش ليه عندي حاجه )


انا فعلا متعجب من اسلوب الكلام
ثانيا انت حضرتك بتقول
مقالة:
( ده من حقي , أكتب بقي حصري ولا مكتبش دي ترجعلي أنا )
و حتي لو ناقل الموضوع , و الكلام ده بيحصل في اي منتدي تاني

مقالة:
ان موضوع حصري فالكلمة ليس بها اي لفظ جارح حتى يتم الاعتراض عليها وانما تدعو الطلبة لرؤية الموضوع مع العلم ان كل ماهو مكتوب تحت كلمة حصري هي موضوعات لافادة الطلبة وايضا لمساعدتهم وليس لتضييع الوقت

ماشى يعنى انت بتقول لينا نشوف الكذب ونسكت
هو ده معنى كلامكم يابشمهندسين المهم ما قضيتنا
ثانيا البشمهندس اللى بيقول
مقالة:
ان عدد المشتركيين حتى لو زاد فان المنتدى مش محتاج ناس تعمل اكتر من اشتراك لان المنتدى مفتوح و حر وتقدر تقول فيه اللي انت عايزه من غير ما تستخبى عن نفسي ايه اللي هتستفاده اما اعمل اشتراك تاني واضيع وقت وانا اقدر اقول اللي انا عايزة ومن غير اي اعتراض في المنتدى
0
انا اعرف شخصيا ناس كتير مشتركه فى المنتدى بكذا اشتراك عشان يتكلموا على راحتهم بدون اما حد يعرفهم اه انا عارف انى فى حرية بس فى نفس الوقت ممكن اخبط فى الكلام دون اما حد يعرفنى
ثانيا انا شايف انى فى ناس كتير فى هذا المنتدى اشتركت دون ان تشاررك حتى بمشاركه وحده او بتشترك عشان تاخد حاجه معينه وخلاص
يبقى ازاى فرحنين وعملين هوليله على 2000 عضو واغلب الناس مش مشاركه وقد لخص هذا الموضوع المهندس يحيى
بس انا لى تعليق على كلامك يايحيى على موضوع

اقتباس :

دة غير ان فيه دكاترة كتيير ومعيدين أكتر ودكاترة من خارج الكلية من كلية هندسة أسيوط
وفيه كبار شخصيات مشتركة معنا في المنتدى
dr_kassab
المدير التنفيذى لمشروع الطرق المؤديه للتعليم العالى"pathway"
د./ مصطفى صفوت القاياتى
استاذ بكلية الهندسة بحلوان - جامعة حلوان

Ibn Mazhar
دكتور مهندس علوم الفضاء والطيران ، أوبرن الاباما

عمرو عرجون
مدير مركز المعلومات بوزارة الاسكان

بالله عليك قلى اخر مرة دخلوا الناس دول على المنتدى وكام مرة شاركوا فيه
ياريت ترفعوا من قيمه هذا المنتدى متخلهوش كده زى المنتديات اللى همها انى تبين انها افضل المنتديات بس بالكذب والضحك على الناس
يله عموما الموضوع ده الواحد استفاد كتير منه انى احنا لسه نقصنا حجات كتير فى اسلوب الحوار ولما بنختلف فى الاراء بنبقى وحشين خالص مع بعضنا
ربنا يرشدنا الى ما فيه الصواب
السلام عليكم ورحمه الله وبركاته

اقتباس :

تم التعديل

mostafa ahmed كتب:

ماشى يعنى انت بتقول لينا نشوف الكذب ونسكت
هو ده معنى كلامكم يابشمهندسين المهم ما قضيتنا

كدب ايه .... حضرتك تابع كلامي كويس لو سمحت




أنا و أي عضو تاني لما بنكتب موضوع .... بنوضح اذا كانت المواضيع روابطها منقوله ولا لأ


ودي حاجه أنا بقول ان محدش ليه حاجه عندي لسبب أنك مش هتعرف ان الرابط ده منقول ولا لأ


لو أنا منسق الموضوع كويس .......... حاجه زي كده انا وضحت انها بتكون راجعه للعضو


لأن مفيش قانون في اي منتدي يمنع الروابط المخفيه ... و أنا مش بكدب


و بالنسبه لموضوع القص و اللزق فانا وضحت ان في اجتهادات شخصيه للأعضاء عندنا


و حصريات بجد مرفوعه باسم المنتدي ..... ولسه ومافيش حاجه هتوقفنا


و هافضل اقول حصريات .... و مره تانيه ... أنا مبكدبش


لو موضوع منقول بقول منقول ... ولو روابط مروعه بأسم المنتدي برضو بقول


و مع خالص احترامي .... بس اتمني ان الناس قبل ما ترمي الاتهامات جزافا


أنها ( تعقل الكلام وتوزنه ) لأن أكيد صوابعك مش زي بعضها


و لردي بقيه ......


و اكرر ...... دي حريه شخصيه متروكه لصاحب الموضوع .. طالما ما فيش منها اي ضرر

برضو خللى بالك يا بشمهندس أنا فتحت جميع الأقسام فى المنتدى ومن السهل جدا
الدخول على أى موضوع وأى قسم كزائر ومش معنى إن إسم الشخص مش موجود
فى المتواجدين بآخر 24 ساعه يبقى خلاص مش بيخش بالعكس ده فيه ناس بتتابع
المنتدى كزائرين فقط وقبل كده كانت أقسام البرامج والهندسية لا تستطيع الدخول
عليها سوى بعمل "LOG IN " ونحن حجبنا ذلك حتى تكون حرا فى الدخول
أو لا و90 % من المواضيع لا تحتاج لرد وفقط الهام هو من يحتاج ولو لاحظت
هتجد إنى ممكن أحط أيقونه الإخفاء ومفيش حاجه مخفيه بس اللى يفكر ويشغل
دماغه هيعرف إن كل حاجه متاحه.

وأرجو عدم القذف بالإتهامات فنحن جميعا أخوه هنا وحتى لا ينغلق الموضوع
وهذا ليس من سياستنا وأعلم أن رأيك يحترم ما دام لم يخالف العرف والقانون
واعلم أن حرس الكلية يتابعون منتدانا عن كثب واعلم أن معظم الشخصيات
بالمنتدى معروفه .

والله الموفق

للاسف الشديد ولقد قلتها فى ردى السابق احنا هنا معندناش اى احترام فى الراى المضاد ومفيش اى احترام لاى انسان مهما كان هذا الانسان وللاسف الشديد انى وجدت الكارثه الكبرى فى ادارة هذا المنتدى انها هى التى لا تملك نفسها بالافاظ التى تقال ولا يعرفون على من يردون
ولا يابشمهندس حبار انا والله مكنش قصدى على اى حد انا كان كلامى عامه على اللى بيعملوا هذا الموضيع
ثانيا انا هبين لك انك لم تراعى الفاظك فى الرد على :
اولا

اقتباس :

معنى ذلك أن عنوان الموضوع للأسف غير دال على محتواه ولربما كان الأفضل
عنونة الموضوع ب "عجبا لهذا الحبار !!!"

زى ما قلتلك انى انا والحمد لله اخترت العنوان الصحيح والحمد لله دال على محتواة ولم اقصد عليك هذا الموضوع
ثانيا

اقتباس :

بخصوص سؤالك فهذا ليس سؤال بل إنك تسأل وتجيب فى نفس الوقت وهذا شىء خطأ
وإن كنت تعلم الإجابة فلماذا السؤال منذ البداية ؟؟!!!

الحمد لله السؤال باين وانا سائله حتى ابين للناس ماهى الاجابه ومش حضرتك اللى حتفهمنى ايه السؤال وايه الاجابه

اقتباس :

كرما منى

ليه كرما منك لا حضرتك مش لازم كنت تحط العدد ده يعنى بلاش تتكرم سيادتك وتقول العدد ده

اقتباس :

أنظر إلى عبث التكرار الذى تزعمه

هو حضرتك انت تقلى تزعمه على العموم شكرا ياسيدى ده من زوقك وادبك

اقتباس :

ويا من تزعم العلم والمعرفه

لا ياسيدى انا ولا بدعى علم ولا حاجه انا راجل على قد حالى

اقتباس :

[b]وبخصوص "سكاتك " عن إننا وصلنا للألف والآلف الثانية هى التى قسمت ظهر
البعير وجعلتك تخرج عن صمتك الدفين وتخرج علينا وفى يدك جنزير المصلحة
الذى تود بطشنا به إياك إياك والسكات فإنه نار ولا تدع الكلام يسكن إلى جوفك
حتى لا يحترق صدرك ورغم إن من يسكت مره يكست ألف مره فأدعوك إن شاء
الله أن تفتح موضوع آخر عندما نصل إلى الألف الثالثه والرابعه وإلى المليون
بإذن الله ولن أتوانى فى الرد عليك أو الرد على أى أحد لأننا لا نجازى من بشر
بل نجازى من رب البشر ولا خوف من بشر ما دام رب البشر معنا.

[/b]
انت بس قايل كلام فى الجزء ده مش عارف انت قايله ليه بالله عليك انا ايه مصلحتى فى موضوع زى كده غير انى انا شايف الغلط وبقولهوانت قايل صمتى الدفين بسراحه انت ملكش اى حق انك تقول لى هذه الكلمه او بمعنى اصح هذه الجمله اللى انت قيلها لانى فعلا انا هذه الجمله تاثرت منها كثيرا وللاسف الشديد ده ان دل يدل على احترام حضرتك لى
وياسيدى متعلش وعدا منى ان لا ادخل هذا المنتدى ثانيا

اقتباس :

فأنت تستيقظ الواحدة ظهر وتتكأ على الكرسى
وتنظر إلى آخر المواضيع وتختار ما يطيب لك وترد مثلا بقول " بخ "

كلمتك ده ضحكتنى كثيرا خالص ممكن يكون كلامك ده يمشى على الناس اللى تعرفهم انت بس انت باين عليك متعرفش انا مين انا مش عاوز اقلك انا باجى الكلية من اوائل الناس والحمد لله بمشى من الكلية على الاقل الساعه 8 بالليل بس انت معذور لانك المشكله متعرفش انت بترد على مين وتبقى تتعلم قبل اما ترد تشوف انت بترد على مين

اقتباس :

[b]أخيرا أخى قبل أن تنقد إنظر ماذا أفدت منتدانا وماذا قدمت لنا وماذا فعلت فيه كى
تستحق النقد أو الشكوى أو على الأقل الإفتخار أرجو منك العمل والإجتهاد
فمن إجتهد وأصاب فله أجر ومن أجتهد وأخطأ له أجران وربنا يصلح حالك
وحالنا جميعا

فعلا انا لم اقدم الكثر الى هذا المنتدى لانى فعلا انا وجدت منتديات تانى افضل بكثر وهدفها سامى جدا ومفيده جدا وفعلا نصيحتك ممتازة انى انا لازم اجتهد واعمل فعلا ويارب يصلح حال الجميع
بس المشكله انى انا بطلت دراسه خلاص خلصت ومبقتش طالب

اقتباس :

بخصوص قولك سبحان الله المفروض تبعتلى عريضة شكر إننا بنخليك تذكر الله
وتسبحه وبإذن الله سأجعلك تسبح الله وتمجده وتشكره وتثنى عليه كلما رأيت
المنتدى بحوله وقوته أنت وجميع أخوتى المهندسين

ماشى ياعم اصلا انتوا اللى علمتمونى ازاى اشكر واسبح ربنا !!!!!
اخيرا والكلام موجه الى حبار انا الان اقتنعت باللى عمله بشمهندس عصام فى هذا المنتدى واقتنعت ايضا باللى عمله الدكتور عبدالله فيك شخصيا وانى موفقش على انى يكون منتدى رسمى فعلا كان صادقا وانا اللى كنت غلطان لانى لما سمعت باللى حصل على المواقف السابقه غلطت اصحابها بس للاسف انا اللى كنت مخطئ وهم كانوا على صواب طبعا اولا لانهم اكبر منى سنا وهم ادرى بالطلبة منى
بس انت تسرعت فى اتخاذك فى قرار المهندس محمد سعد(ماسا) لان هذا الرجل سوف يصبح معيد فى الكلية وعيب انى واحد معيد يرد طالب عليه بهذا الاسلوب
واكرر اوعدك يا حبار انى لن اشارك فى هذا المنتدى مرة اخرى
والسلام عليكم ورحمه الله وبركاته[/b]

اقتباس :

الحمد لله السؤال باين وانا سائله حتى ابين للناس ماهى الاجابه ومش حضرتك اللى حتفهمنى ايه السؤال وايه الاجابه

يا بشمهندس اللى عاوز يصلح ميدخلش ينقد وبس اللى عاوز يصلح ويرتقى بيخش يحل
أو يطلب فى أسلوب أفضل من ذلك ولو كان تفسيرك خلاص أنت مقتنع بيه ومش
عاوز تصلحه خلاص هنعمل إيه إحنا تانى بس بلاش تقول أننا على خطأ وأنت
على صواب.

اقتباس :

هو حضرتك انت تقلى تزعمه على العموم شكرا ياسيدى ده من زوقك وادبك

كلمة تزعمه وتدعيه كلمات من اللغه العربيه الفصحى وليس فيها أدنى خطأ تجاهك ومعناها ما تقوله أو ما ذكرته والمعنى السىء هو ما تداولته اللغه العاميه وأنا لا أقصده ويمكنك مراجعة
ذلك بمعاجم اللغة العربية الفصحى.

اقتباس :

انت بس قايل كلام فى الجزء ده مش عارف انت قايله ليه بالله عليك انا ايه مصلحتى فى موضوع زى كده غير انى انا شايف الغلط وبقولهوانت قايل صمتى الدفين بسراحه انت ملكش اى حق انك تقول لى هذه الكلمه او بمعنى اصح هذه الجمله اللى انت قيلها لانى فعلا انا هذه الجمله تاثرت منها كثيرا وللاسف الشديد ده ان دل يدل على احترام حضرتك لى
وياسيدى متعلش وعدا منى ان لا ادخل هذا المنتدى ثانيا

أومال أنا ملييش الحق إنى أقول صمتى الدفين وأنت بتقول خيبه وبتكذبنا وكلامك فيه
شبه تهديد لينا وكأنك هتقتلنا لو مسمعناش كلامك !!
وبخصوص الإحترام فأنا لم أمس شخصك بشىء واعلم تمام أننى لا أخطأ فى أحد
وأعامل الجميع بصدر رحب مهما كانت شخصياتهم ومهما كانت الوانهم وأجناسهم
ومراتبهم وقرارك بعدم دخول المنتدى لك مطلق الحريه فيه ولكن هذا لا يعتبر
قرار حكيم فهذه ليست لعبه أو أنا من أتحكم بها فأنت لك الحق وغيرك بالإلتحاق
بهذا المنتدى ولكن أرفق بنا قليلا بكلامك وإنظر لما تقول قبل أن تنظر لقول الآخرين.

اقتباس :

كلمتك ده ضحكتنى كثيرا خالص ممكن يكون كلامك ده يمشى على الناس اللى تعرفهم انت بس انت باين عليك متعرفش انا مين انا مش عاوز اقلك انا باجى الكلية من اوائل الناس والحمد لله بمشى من الكلية على الاقل الساعه 8 بالليل بس انت معذور لانك المشكله متعرفش انت بترد على مين وتبقى تتعلم قبل اما ترد تشوف انت بترد على مين

أسرفت فى قول أنا يا أخى وأنت من تراب وستظل من تراب ومهما وصلت بعلمك أنت
وغيرك فكلنا جاهلون فى بحر علم الله وأنا لا أقصد عدم إنتظامك بل أقصد أنك ترتاح
وغيرك يعمل من أجلك وبخصوص أنت مين أو طريقة ردى فانا على دراية بطريقة
ردى واسلوبى وليس من الضرورى أعرف من أنت كى أعاملك فالناس سواسية لدى
وحدود حريتك تقف عند حدود حرية الآخرين وبخصوص من أعرفهم فقد تركت لك
الأفضليه فيها وإن كانوا كل من الأعرفهم من الشخصيات الأرجل على الإطلاق.

اقتباس :

فعلا انا لم اقدم الكثر الى هذا المنتدى لانى فعلا انا وجدت منتديات تانى افضل بكثر وهدفها سامى جدا ومفيده جدا وفعلا نصيحتك ممتازة انى انا لازم اجتهد واعمل فعلا ويارب يصلح حال الجميع
بس المشكله انى انا بطلت دراسه خلاص خلصت ومبقتش طالب

رايك وأنت حر فيه وبخصوص أهدافنا وأوجه الإفاده فأنت تعلم جيدا وغيرك أننا
لا نبتغى سوى وجه الله ونحن ننافس ونحاول ولن نكف عن المحاوله والعمل بإذن الله
وإسلامنا لم يبدأ كبيرا بل تدرج إلى أن وصل إلى هذه المرحله وبخصوص دراستك
التى أنهيتها فالإنسان يتعلم إلى أن يموت والشافعى إمامنا كان يبحث عن العالم حتى
آخر لحظة فى حياته.

اقتباس :

ماشى ياعم اصلا انتوا اللى علمتمونى ازاى اشكر واسبح ربنا !!!!!
اخيرا والكلام موجه الى حبار انا الان اقتنعت باللى عمله بشمهندس عصام فى هذا المنتدى واقتنعت ايضا باللى عمله الدكتور عبدالله فيك شخصيا وانى موفقش على انى يكون منتدى رسمى فعلا كان صادقا وانا اللى كنت غلطان لانى لما سمعت باللى حصل على المواقف السابقه غلطت اصحابها بس للاسف انا اللى كنت مخطئ وهم كانوا على صواب طبعا اولا لانهم اكبر منى سنا وهم ادرى بالطلبة منى
بس انت تسرعت فى اتخاذك فى قرار المهندس محمد سعد(ماسا) لان هذا الرجل سوف يصبح معيد فى الكلية وعيب انى واحد معيد يرد طالب عليه بهذا الاسلوب
واكرر اوعدك يا حبار انى لن اشارك فى هذا المنتدى مرة اخرى
والسلام عليكم ورحمه الله وبركاته[/b]

أرجو ألا تتدخل فيما لا يعنيك ولا شأن لك فيه ولا تخلط الأمور ببعضها وإنظر إلى كلامك
جيدا لتعرف من منا المخطىء ومن المصلح وشكرا جزيلا على هذه الشماته الرائعه التى
تزيدنى قوة وإصرارا على إصرارى وبخصوص الأخ ماسا أدعو الله هو والناس
أجمعين أن يعتلو القمة دائما ولكن لا أحد منا أفضل من أحد وأيضا لا تدافع عنه فهو
لديه لسان وعقل ويد يستطيع أن يرد بهم وعندما يصبح معيدا بإذن الله لربما أكون
تحت التراب أو أكلنى الدود حتى لا يتكبر على هو أو غيره أو فارقت هذا المنتدى ليجد
متسع لك وله كى تفعلوا ما تشاءوا وتوعدون وعدوكم تلك وتقولون كلامكم هذا.


والله الموفق