لا يا صاحبى مش هى دى الرجولة

سلامى لكل اعضاء اللفرز النهارده جايب موضوع حساس شويه ويارب يعجبكم واسمع مشاركتكم فيه

اولا انا مش بهاجم الرجاله بس بهاجم فئه صغيره اوي فيهم كتيير منا فاهمين معنى الرجولة غلط خااالص

وبالذات بعض الشباب.

الرجولة عند هؤلاء الشباب هى أنك تمشى على مزاجك ماتعملش حساب لكلمة أهلك

تشرب سجاير ومايهمكش حد تشيش من غير ماتكح ((راااااجل اوى)) وشويه شويه تدخل فى طريق المخدرات

علشان تكتمل رجولتك أدام اصحابك وتعاكس بنات بصوت عالى ((ونعم الرجال)) وأى خناقه تروح تجامل فيها كل

يوم تخدع بنت وتسيبها وتخدع غيرها .وكتير وكتير يعنى عايش حياتك بدماغك مش بتعمل حساب حد

,دا معنى الرجوله عند بعض شباب

[b]]وفى ناس تانيه فاكرة ان الرجوله هى التحكم فى اى حد ادامه

وفرض رايه حتى لو غلط مثلا لو واحد خاطب او متجوز لازم لما يقول لخطيبته

او مراته أعملى كذا يبقى لازم تعمل كذا , كدة يحس أنه راجل فعلا

وامثلة كتير عن الفهم الغلط لمعنى الرجوله وأنا اقف

واقول لكل الى فاهمين معنى الرجوله بالطريقة دى ((أسف ياصحبى مش هى دى الرجوله)) دى معناها الاصح (( الهمجيه )) ..!
لا يا صاحبى مش هى دى الرجولة 495628383

لا يا صاحبى مش هى دى الرجولة Construction

أما الرجوله الحقيقيه بقى فمعناها

الرجولة كلمة شرف وعزة...الرجولة هى البذل والعطاء والتضحية

هى الاحسان الى من أحسن اليك .. الرجوله هى أن تحترم أراء الناس ولو صح تاخد بكلامهم

.الرجوله هى انك تقول الحق مهما كان بدون أى مجاملة لحد..الرجوله انك تدى لكل واحد حقه وماتستغلش الضعيف ابدا

.الرجوله هى المعامله الحسنه لاهلك سواء ابوك وامك او مراتك ..الرجوله هى انصاف واحد مظلوم ولو حتى اقرب الناس ليك هو الى ظالمة

الرجوله اخلاص مش كلام وخلاص

.الرجوله انك تساعد اى حد محتاجلك على أد ماتقدر

الرجوله أنك تمسح بايدك دمعه من على خد أى حد مهموم

الرجوله أنك تنام مرتاح الضمير من نحيه نفسك

الرجوله ... الرجوله... اشياء كثيره لا تعد ولا تحصى

لا يا صاحبى مش هى دى الرجولة 867373418

وطبعا صعب فى زمنا نلاقى راجل كامل بالمواصفات ..
ولكن فى قليل

بس فى الاول والاخر ((( هو دا معنى الرجوله الصحيح)))

فاياترى كم راجل فى زمننا هذا ... ومن أى الرجال أنت ؟؟؟
منقول

ماشى ياعم الرجل!!!!!!!!!

اقتباس :

دي اسمها صياااااااااااااااااعه...صياعة ها
مش رجوله و اسف علي استخدام كلمه صياعه بس مش لاقي غيرها

اقتباس :

ده بقى يا صاحبي واحد صاحبنا

اقتباس :

في ناس تانيه فاكره الرجوله هي التحم في اي حد ادامه
و فرض رايه حتي لو غلط مثلا واحد خاطب او متجوز لازم يقوله لخطبته او

مراته اعملي كذا تعمل كذا كدا يحس انه راجل فعلا

انسان غير متحضر و بعدين اعظم الرجال هم الرسول عليه الصلاه و السلام و الصحابه
و في احد المواقف حكم سيدنا عمر بن الخطاب بقانون جديد فعارضته احدي النساء فرد قائلا
(اصابت المراءة و اخطأ عمر)
------------------------------

يا زيزو على موضوعك الجميل

موضوع جميل و اتمنى انى ناس كتير تقراه علشان تعرف ايه هى الرجولة كويس

فعلا على راى اللمبى

الرجولة ادب مش هز كتاف
ياريت الناس تقرا الموضوع ده وتتعلم منه
بجد الموضوع حلو جدا ومفيد
انا نفسى اكتشفت انى فى حاجات بعملها خلط ما كونتش واخد بالى منها
شكرا جزيلا على الموضوع

شكرا على ردودكم الجميلة
ايوة يا كيمو فاهمك وعارف مين صاحبنا دة وعلى فكرة انا منزل الموضوع علشانة

» هذه هي الرجولة
» الرجولة الحقيقيه ........