ادخل هنا هتضحك بس حتستفيد

يا أخى الدنيا فانية وكل من عليها فان (فان يعني مش مروحة يعني ميت)
عشان يوم النتيجة لازم عدة عمليات بتبدأ من قبل النتيجة بشهر
1- ابدأ اتفرج على أفلام مأساوية كتير (إنتي فين يا هنادي ؟) عشان تتدرب على نظرة مأساوية
2- ربي ذقنك ومتستحماش وخليك معفن بتاع أسبوع 3 سنين كده
3- اتمرن على لعبة قتالية (بلى مسافات طويلة)
4- كل لحد ما تقلبظ وتبقى شبه شوال البطاطس المحشي بطاطا
- جينا لأخطر يوم يوم (النتيجة):
- اصحى قبل أى حد في البيت (دا مهم جداً) وروح مكان دراستك (الجامعة-المدرسة-الخرابة ... أى داهية)
- ابدأ اخترق الجموع اللي حوالين ورق النتيجة
- أول ما تشوف النتيجة يا ريت ما يجيلكش صرع اللي إنتا شايفه حقيقة إنتا فعلاً ساقط في كل المواد وإنتا والحمار حاجة واحدة ومتتخيروش عن بعض
- وهنا يأتي مفعول النصيحة رقم 3 عشان تضرب الفراشات اللطيفة اللي بتيجي تقولك (لحلاوة وألف مبروك)
- قطع الورق عشان محدش من أصحابك الغتتين الظرف يقولك إنتا ساقط في 3 مواد بس (لييييييييه ؟؟؟؟؟)
- وهنا أخطر جزء نقل الخبر للأعداء (أبوك وأمك) قبل ما تخش عليهم ابدأ استخدم النظرة المأساوية وإنتا واقف قدام أبوك بص لصابع رجلك الصغير وارفع إيدك الشمال فـ وش أبوك وفجأة غير نظرة عينك من صابع رجلك للسقف وقول بلهجة أوبرالية (حراااااااام الخونة عملوها الأندال)
- وطبعاً الكلام ده مش هيخش على أبوك لأنه فاقسك فيا إما هتتطرد من البيت أو هتتحبس في أوضة الفيران وهنا تتجلى النصيحة رقم 4 عشان هتصوم فترة طويلة

ودية كانت أهم نصايح لأسوأ يوم في الدنيا
( يوم النتيجة )

هههههههههههههههههههه
لا نصايح مفيده بجد

انا دخلت مكان غلط انا مش طالبة هندسة والحمد لله ههههههههههه
ايه التفائل دا كله حتى النكت كلها تفائل رينا يكون فى العون

» هتضحك..هتضحك...
» ده رقم تليفون بيتك....مش مصدق...طب ادخل واتأكد...والله ما بهزر..ادخل وشوف..
» اسمع دي وهتضحك هتضحك
» ادخل شوف صورتك
» ادخل هنا بسرعة