كل الأمور أتلخبطت

كل الأمور أتلخبطت
ومعدش نور
مفيش مرور
مفيش دخول
طب روح شمال
طب روح يمين
عسكر شمال
عسكر يمين
كل الأمور أتلخبطت
ممنوع عليكوا يا جائلين
تبيع عنب ولا حتى تين
عارف مين ساكن هنا
دا يبقى مين
هو ده أدم الهنا
والفقر جالكوا يا فلاحين
هو ده شبل الأسد
اللى يكلكو يا شحاتين
حط قدمه فى البلد
قول سلام رحمن رحيم
كل الأمور أتلخبطت
ما بين أشاعه
ما بين بتاعه
خلاص دا مات
راح الوجوم
وأتبسمت كل الوجوه
وفى عز فرحك يا مصرى
طلعت أشاعه
وعميت بصيرتك
ومشيت تخبط فى البيبان
مين حيفتح كلهم سكه واحده
كلهم سكه لومان
كل الأمور أتلخبطت
والناس تعود تكلم نفسها
تندب حظها وتقول دا مات
أو يمكن حتى بيحتضر
طلعت أشاعه
منحوس يا مصرى
أنت وبلدنا عايشه بحلات
كل الأمور أتلخبطط
أتشخبطط
أتنططت
أتبططت
وكأن مكتوب علينا الهموم
مش عارف أعوم
كل يوم غرقان ف عرقى
جوه الهدوم
والحزن كاسى
سحنتى
طلعتى
طلتى
وغنايا موال ألم
يا وكستى
يا نايبتى
وبقيت أعدد زى الولايا
خلاص بقى
يا حظ قوم
كل الأمور أتلخبطط
ما بين هموم
ما فيش فرح
خلاص يأست
حموت أنا م العفن
مليان عرق
من غير حموم
جوه الهدوم
من غير كفن
يمكن يقولوا مات شهيد
مات بطل
عليل
مسكين
فقران
غرقان
مات بطل من غير هدوم
كل الأمور أتلخبطط
خلاص غرقت
مش عارف أعوم
حد يرمى حبل
طب يدينى قشايه
أتعلق بيها
خلاص
بقبقبقبقبقبقبقبقبقبقبقبقبق
________**** *******__