اهانة هنيدي في امتحانات أولى ثانوي

اهانة هنيدي في امتحانات أولى ثانوي

محمد هنيدي في مشهد من الفيلم

أعرب الفنان محمد هنيدي عن استيائه الشديد من الاهانة والشتاتم التي وجهت له من قبل واضع امتحان اللغة العربية في الفصل الدراسي الأول للصف الأول الثانوي بإدارة كفر الدوار التعليمية، حيث تم توجيه الشتائم له خلال ورقة الأسئلة.
جاء ذلك في السؤال الخامس الخاص بالنحو حيث قال بالنص: في الوقت الذي بدأت فيه الدولة قائدها وحكومتها الاهتمام بالمعلم عن طريق إنشاء كادر خاص له يجعله يطيب نفسا، خرج علينا الساخر محمد هنيدي بفيلم جديد اسمه "مبروك رمضان أبو العلمين حمودة" مستهزئا بالمعلم المهيب، بهدف قتل القيم التي طالما سعت الدولة الي ترسيخها.
واسترسل واضع الامتحان في الأسئلة قائلا في السؤال ج عبارة "أن الممثلين الساخرين من القيم فاشلون" وطلب من الطلبة وضع فعل يفيد الرجاء مكان الحرف الناسخ لإلصاق الاتهامات التي وجهها الفنان محمد هنيدي في ذهن الطلبة.
من جهته أعرب محمد هنيدي لصحيفة "الوفد" عن اندهشه من مثل هذا التصرف غير المسبوق من واضع الامتحان لأن الفيلم يطالب بعودة الاحترام للمعلم ويؤكد الخلل في منظومة التعليم.
واضاف هنيدي أنه لا يصدق أن يصل الامر بمعلم أياً كانت خبرته ان يضع امتحانا من الشتائم والاهانات لشخصه بعد وقوفه في صف المعلمين ومناقشة قضاياهم من خلال فيلمه الذي حصل علي استقبال رائع من قبل كثير من المعلمين الذين يعرفهم كما أنه تلقي اكثر من دعوة لتكريمه من قبل مؤسسات تعليمية بعد عرض الفيلم.
واستنكر هنيدي ان تصل الحرب علي الفن الهادف الي استخدام اسئلة الامتحانات كسلاح ضده لأنه قد يؤدي الي الاستهانة بدور الفن والفنان ورسم صورة سلبية في نفوس الاجيال الجديدة معتبراً ما تعرض له اهانة شخصية لا يجب ان يمر بدون التحقيق فيه.
واضاف: انه قد يلجأ للقضاء لمحاسبة مرتكب هذا الفعل مؤكدا حزنه الشديد علي ما وصلنا اليه من انغلاق يستهدف الابداع، كما اعلن الدكتور اشرف زكي نقيب الممثلين ان النقابة لن تتغاضي عن اهانة هنيدي وأنه سيقدم احتجاجا رسميا لوزير التربية والتعليم وهناك وفد من الفنانين سيلتقي بالوزير للوقوف علي اسباب هذا التصرف المهين ومعاقبة المسئول عنه.

************ ***

بص يا عم الحج كل اللعبة عبارة عن طبخة عملينها للاعلان عن الفلم ....

مدرس مين اللى يكتب الهبل ده فى ورقة الاسئلة ....ولو كان ده صح لو كان يبقى اكيد قابض من الممثل علشان يعمل ضجة على الفلم .

بالرغم من اني مشفتش الفيلم لسة
بس اكيد كغيره من الافلام الكوميدية اللي بتكون علي شخصية معينة او وظيفة معينة
اكيد بتهزأها وبتتريق عليها والا مكنش هيبقي كوميدي اصلا

الفلم كان جميل و هادف و مفيش فيه اي سخرية

miss_esadora كتب:: بالرغم من اني مشفتش الفيلم لسة
بس اكيد كغيره من الافلام الكوميدية اللي بتكون علي شخصية معينة او وظيفة معينة
اكيد بتهزأها وبتتريق عليها والا مكنش هيبقي كوميدي اصلا

أنا شوفت الفيلم ,,,, و بصراحه كده مستغرب

هوه مين المفروض أنه يزعل ,,,

ياجماعه الفيلم ليه جانبين ,,, السئ و الحلو

الحلو ,,, أنه أتكلم عن موضوع الدروس الخصوصيه

بشكل ساخر كوميدي جدا ,,,,

و أن أزاي المدرس اللي يسمح لنفسه

بكوباية شاي ,,,, من الطالب يبقي كده بيبيع نفسه

و الجانب السئ ,,,, أنه كان بيمجد في موضوع ضرب التلاميذ

و أن الحل الوحيد أن التلميذ يتعاقب و يتعبط و يتضرب ,,, لو معملش الواجب

أو حتي كتبه غلط ,,,, وده برضوا بطريقه كوميديه .

وده هنا الغلط ,,, لأني كنت بتفرج علي الفيلم ده في الاسكندريه

و أحنا عندنا الحادثه اللي فيها المدرس قتّل الطالب ,,, بسبب الضرب

و يعني بالبلدي كده ,,, مكنش حتي دمّ الولد برد

فهيا دي ,, أكتر حاجه نفرزتني في الموضوع

غضبان

أنك بتمجد في حاجه ,,, أثبتت عقمها و خطورتها

و كمان بتروجلها ,,, بشكل يلاقي القبول عند الناس

عموما أكيد أن الفيلم ناجح بدليل الأيرادات الضخمه اللي عاملها

بس القضيه اللي بيدور عليها ,,, هي اللي مش مخليه الحلو يكمل

لا لا

بس علي فكرة موضوع الضرب دة انا من رائي انو مهم جدااااا والوفروض مايتمنعش خااااااااااالص
لان بصراحة الطلبة اليومين دول بقو اخر قلة ادب
والمشكله
اساسا
ان الطفل اليومين دول
بيقل ادبه علي والده وولدته في البيت
فطبيعي هيروح المدرسة يعمل كدة
فلازم يبقي في عقاب
لانو من الاخر مبيلاقيش اللي يعاقبوا في البيت
فبيعمل ما بدالو في المدرسه
انا افتكر زمان
ان بابا لما كان يروحلي المدرسة كان يوصي المدرس لو عملت غلط يضربني
وهو هيكمل في البيت
لكن دلوقتي
الولد لما يروح البيت يقول لابوه امدرس الزفت الفلاني ضربني
يسب مين ملة ويقوله انا هربيهولك بكرة
دانا هطلع عينه
و
دانا..دانا
وينسي اول حاجة المفروض يسألها لابنه
وهي انت عملت ايه؟؟؟؟؟
فالعملية باظت من كل ناحية

» استفسار يخص أولى عمارة .
» أولى مشاركاتى بالمنتدى
» ؛¤ّ,¸¸,ّ¤؛°`°؛¤ّ,¸ (يوميات سنة أولى زواج ( سارة وعمر ) !!!) °؛¤ّ,¸¸,ّ¤؛°`°؛¤ّ,¸
» الاتحاد الليبي يتغلب على شبيبة القبائل في أولى مباريات دور ا
» الامارات تتلقى أولى هزائمها من كوريا الشمالية في تصفيات كأس العالم