متظلموش طلاب اعدادي

عذرا ياباشمهندسين الموضوع قمة في التفاهة
والله بجد الواحد اسف علي المستوي العلمي المتدني اللي وصلنا ليه؟ الواحد بيشوف اساتذة الخارج ودكاترتهم ويقارن مابين شبابهم الملهوف علي العلم واشوف حال شبابنا واتحسر
الواحد مننا بدل مايشغل دماغه في حاجة تنفع بلده وتنفعه , حاجة يرفع بيها اسم بلده او حتي اسمه هوه بس لو مش هامه بلده تلاقيه بيقكر بس في الكورة واللعب والبلاي ستيشن والتفاهات .

فرحانين قوي بنفسكم , ياسادة يا اساتذة النشاطات دي بعد ما كل واحد يعمل اللي عليه ويجتهد في عمله وبعدين يروح عن نغسه بالنشاطات

فعلا من كلامكم بشوف مستقبل البلد دي ومستقبل الناس لكام سنة قدام , وبقلكم مفيش فايدة لا في البلد ولا فيكم

اقتباس :

ارجو من الأخوه الأعضاء الكرام الألتزاااااااااااااااااااااااااااااااام التام بالردود و عدم التجريح ف

الأخوه لأعضاء

و الكلام مش موجه لشخصيه معينه و لكنه بصفه عامه

واي اشياء تافهه في نظر اي شخص ممكن يكون مهم جداااااااا بالنسبه لشخص أخر فنرجو احترام

وجهات النظر

وابداء كل شخص لوجهة نظره دون التقليل من شأن وجهات نظر باقي الأخوه الأعضاء

براحتكم عموما انا قلت رأيي اللي هتشوفوه في تفسكم بعد كام سنة وفي اولادكم من بعدكم

الأخوه الأعزاء
فى البداية أتمنى لكم التوفيق فى الإمتحانات المبرمة بجميع أشكالها وأنواعها وأسال الله أن يعينكم عليها.

بخصوص ما تم ذكره من الأخ أحمد حمدى فأجيبه

بأنه تم عمل دورى للأسر ومسابقة على مستوى الفرع ومن ثم على مستوى الجامعه "كل ذلك فى كرة القدم " وتقدمت أيضا أسرة بداية بطلب لعمل دورى لجميع الدفعات على ما أظن أو الأسر وسيتم عمل دوريات تباعا لنشاط كرة القدم فى التيرم الثانى ويمكنك متابعة هذه الأخبار من شئون الطلبة أو من الإعلانات التى يتم وضعها بأماكن ولوحات الإعلان أو منتدانا الكريم .وأعتقد لا يمكن عمل أى نشاط فى هذا الوقت الحرج لأهمية الإمتحانات عن النشاط وهذا شىء معروف.

بخصوص رد الأخ ماسا فأرجو منه ألا يقسو على الأخوه الطلبة الجدد وأن يضع النصيحة فى
إطار أفضل من الإطار الحديدى كى تثمر غرضها وتعطى نتائجها وحتى لا تصبح عداء أو
شىء فى النفس يفهم خطأ أو تمارس كعند أوغير ذلك. لذلك أرجو العدول عن هذا الكلام وتعديله لأسلوب
وصيغة أفضل كى يعم مفهوم الأخوه بيينا وليرحم منا الكبير الصغير .

بالإضافه إلى أن النشاط هذا يعتبر شىء ضروريا بالدول المتقدمة التى تشترط
على متقدمى الجامعات والمقبولين بها أن يكونوا من المتميزين على مستوى النشاط أو
يدفعون آلاف من الدولارات كى يلتحقوا بها بمعنى أن النشاط هذا يعطيك منحة الإلتحاق بالجامعه
مجانا أى أنك إذا كنت فقيرا فلا مفر من إتخاذ النشاط وسيله أو حرفة كى تلتحق بالجامعة عموما
وبالمهنة التى تحب خصوصا لذلك يرجى الإلتفات لهذه النقطة جيدا.

وأيضا لو سألت أى معيد وبعض الدكاتره عن النشاط وكرة القدم خصوصا لأجابك على الفور
"يا ريت بس الوقت أو اللياقة البدنية" لذلك أعتقد أنها ليست بالجرم الشنيع أو السفاهه أو
التفاهه التى قصدتها ولو كنت كذلك لما مارسها أولئك الأفاضل وغيرهم من كبار الشخصيات.

كذلك لو رجعت للخلف عندما إلتحقت بالفرقة الإعدادية وفكرت قليلا ستجد كلام الأخ المهندس
كاتب الموضوع منطقيا لأننا كنا لا نعرف شيئا فى هذه الكلية بالإضافة إلى نظرة الإمتقاع
والجملة الشهيره "إيه ده أنت إعدادى!!!!" التى كنا نسمعها دائما ومن خلالها يتم التعامل
ويعتبر هذا الكلام إرثا يتداول بيننا ولا نقدر على إيقافه سوى لجعل العملية التعليمية
أخف عبأ ولتذليل العلاقات بين الدفعات وبعضها.

لذلك لا تحزن أخى أحمد من النصيحة وعدم معرفة جريان الأمور ولا تضغط أخى ماسا على
أـخوتك الصغار فنحن ما زلنا صغارا بالنسبة لآخرين.

ملحوظة : الريس حسنى مبارك بيلعب تنس لغاية دلوقتى وبلياردو كمان ولا إيه؟!!!

اقتباس :

ملحوظة : الريس حسنى مبارك بيلعب تنس لغاية دلوقتى وبلياردو كمان ولا إيه؟!!!

انت متأكد من دي ؟
عموما مش هوه ده موضوعنا . بس كنت اتمني انك تيجي مؤتمر بتاع هندسة الطاقة وكنت شوفت الاساتذة والشباب بتوع الخارج شكلهم يحسر ازاي

اتمني انك كنت حضرت

اقتباس :

انت متأكد من دي ؟

افتكر إنى شوفت الكلام ده فى لقاء الريس مع عماد الدين أديب وقريتها فى جريدة من جرايد المعارضه.

بخصوص المؤتمر اللى بتقول عليه فأنا معاك إنهم متقدمين جدا وفى الرياضة برضو والأنشطه

متقدمين وفى كل حاجه متقدمين بس برضو مينفعش ننط للمستوى الأعلى فى يوم وليلة لازم

ناخد السلم من أوله والحياة مش هتبقى كلها علم لازم شوية ترويح عن النفس وعلى قكرة

حياتهم برضو مش كلها علم لازم شوية ترويح عن النفس بس الفرق إنى إحنا بنلعب كورة

وهما ممكن يدخلوا بار مثلا يظبطوا أمورهم فيه ولا مش بتحصل كمان دى.

على العموم أنا بؤيدك فى إننا لازم نغير من الشباب والناس دى لأنهم وصلوا لمراحل كبيرة

جدا فى العلم ونعرف إزاى وصلوا لكده ونتمنى إننى نوصلهم ونعديهم بس برضو مش عشان

غيرى كويس أموت إبنى أو أقتله أو أحسسه إنى جاهل ومستحيل يوصل وأقتل فيه كل حاجه

لمجرد إنه ذكر شىء فى نفسه !!!!

لازم نسمع منهم عشان نصحح وعلشان محدش يتجه لطريق خطأ أو يعمل حاجه من ورانا

وبعدين نقول ليه الناس مبتتكلمش!!

يا ريت كمان لو تكرمت تنزلنا تقرير عن المؤتمر ده وأوجة إعجابك فيه وإزاى ممكن نستفيد

منه وبلاش يبقى تفكيرنا نبص لتقدم غيرنا عشان نحبط نفسينا ونحبط غيرنا.

أتمنى إنك تكون فهمت وجهة نظرى ومنتظر تقريرك لو مكنش هيعطلك وأهو ممكن تفيد

حد ونتعلم منك برضو.

والله الموفق