أهداااااء لبرنسيس PRINCESS ... ( يوميات اتنين مخطوبين ) قصة

تذكير بمساهمة فاتح الموضوع :

جايبلكم مفاجأة يا جماعة بس يارب محدش يكون سبقني بيها

قصة قرأتها عالنت ( منتدي عمرو خالد ) وحبيت انقلها لكم ....قصة رومانسية كوميدية ولكن في اطار عاداتنا وتقاليدنا

ودينا

بس لازم تتابعوا القصة لاني هنزلها حلقة حلقة

إن شاء الله ....

يعني يوميا

عشان تكون مشوقة ليكم

بس اول مرة هنزل حلقتين متتاليتين

القصة هي يوميات اتنين مخطوبين

ابطالها عمر و سارة

قصة جميلة قوي قوي قوي والله عجبتي جدا يارب تنال اعجابكم وتستمتعوا

اهم حاجة فيها انها بتبين كيفية تعارف ولد وبنت في اطار شرعي وده عن طريق جواز ما نسميه

بجواز الصالونات اللي اصبحنا بنقول عليه دقه قديمة واللي بيدخل البيت من بابه

لكن فعلا مفيش احلى من جواز الصالونات اللي بيتم في اطار شرعي قدام الاهل والناس

وبتم الخطوبة بسرعة والجواز بسرعة ....من غير خروجات وخلوة وكلام فاضي

يلا تابعوا اول حلقتين ويوميا هنزل حلقة حلقة

( إهداء خاص لبرنسيس PRINCESS )

lol!

معلش بقي ياجماعه ............

بس كفايه كده النهارده

لأني بجد ........ بجد تعبت نفسيا .....

دايخ

جداااااااااااااااااااا

تصوروااااااااااااااااااااااا

لغاية دلوقتي عشان بس يخطب

و لسه ......

ممكن يبقي فيها إن ...

عموما ....

و بإذن الله ......

لينا تكمله ....

و .............. راجعييييييييييييييييين

cheers

علي رأيي عمر ..........

مزأطط

بس عمرو دياب

مع التحيه

جميله القصه دى فعلا
هى فيها حتت طبيعيه جدا
ونفس الوقت فيها حتت مبالغه شويه

تضامنا مع أخواننا في غزه

و نظرا لظروف الحرب القائمة الأن ...

في الاراضي الفلسطينيه المحتله ...

سيتم تأجيل باقي حلقات ( يوميات اتنين مخطوبين )

إلي أن تضع الحرب أوزارها .......

" هيا مش حرب ......... دي مجزره

لأن نتيجتها معروفه مسبقا ....... بس برضوا عشمنا في الله كبير "

:البسمله:

.... كم من فئة قليلة غلبت فئة كثيرة باذن الله والله مع الصابرين.)

صدق الله العظيم
سورة البقرة - آية 249

عموما .........

أسف مره تانيه ...

لكن أكيد الواحد مالوش نفس حتي أنه

ياكل أو يشرب من اللي بيحصل ....

و أرجوا من أعضاء المنتدي قرأة سورة الفتح أقل ما نقدمة لغزة بنية نصرة أهل غزة

اقتباس :

مرة تانيه ... بكرر أعتذاري و أسفي

من غير اعتذار
القرار اللي اخدته هو الصح
الواحد بقي مش عارف ينام ولا يصحي ولا يفكر في حاجة غير غزة
والله حتي لما بضحك بفكر في حالهم وبدعيلهم وبدعي لنفسي
ربنا يرحمنا برحمته

الحرب خلصت .....

عايزين الباقي cheers

vandiesel كتب:: الحرب خلصت .....

عايزين الباقي

حاااااااااااااضر حاااااااااضر

معلش أتأخرنا عليكوا أوييييييي

و النهارده أن شاء الله هنكمل السلسله >>>

عشااااااااان نريحوكووووووووووووووووو

و دلوقتي ,,, و صلنا لغاية فين ,,, لغاية فين :study: :study:

أههه ........ نتابع

( 16 )

آدي آخرة اللي يسمع كلام العيال.. معقول نلحق نجهّز كل حاجة في الكام يوم دول؟ الله يسامحك يا سارة

هذه كانت عينة صغيرة من القذائف التى تنهال على رأسي كل دقيقة من أمي وابي بعد ما أقنعتهم بكل وسائل الزنّ والالحاح المعروفة عند البنات ان تكون حفلة خطوبتنا انا وعمر بعد اسبوعين.. يعنى أكسر كلام سى السيد؟

وبعد صاعقة المفاجأة التي هبطت على رأس أمي وأبي من الميعاد المفاجيء العيالي على حد وصفهم وبعد الرجاء المتواصل من جانبي وافقوا على مضض على ان تكون الحفلة في بيتنا على الضيق تجمع الأسرتين فقط.. وأعجبني الحل ده جدا لأني أصلاً لا أحب حفلات الخطوبة في الأماكن العامة لأن العروسين لا يكونوا يربطهم شيء وفي بداية التعارف..يبقى ليه نفرّج الدنيا كلها علينا؟.. مش يمكن ما يحصلش نصيب ؟؟؟

" ساره "

الخطوبة فى البيت؟.. ليه بقى ان شاء الله هو احنا عندنا كام عمر؟.. ما ينفعش الكلام ده أبدا

هذه كانت عينة صغيرة من القنابل التى كانت تلقيها أمي على أذني عندما علمت بموضوع حفلة الخطوبة المنزلية.. ولما كنت لا أريد ان تتكرر مأساة الشبكة مرة أخرى أخبرت أمي اني انا وسارة متفقين على هذا ولا داعي أبدا ان تفتح هذا الموضوع معهم.. وبعد الحاح كبير جداً وافقت على مضض مشيرة الى اني من دلوقتي ح امشى ورا كلام الست هانم

طبعا عملت نفسي مش سامع ولا عارف مين هيّ الست هانم المذكورة

" عمر "

بجد انا مجنونة اني وافقت عمر.. طب هو ح يشتري بدلة فى نص ساعة طب وانا ح اعمل ايه فى الفستان ؟

ده حدوتة كبيرة جدا

وللأسف لم اجد في الجاهز شيء يناسبني بعدما تطوعت صديقة مقاتلة لي ان تلف معي على المحلات.. وبعد 3 أيام متواصلة من اللف المتواصل وبعد ما أصابنا كساح وشلل رباعي من كتر المشي توصلنا الى نتيجة رائعة مفادها ان كل ملابس السواريهات الآن مصممة للسباحة وليس للحفلات

ما شاء الله كله عريان جداً جداً وكأن الطبيعي جداً ان البنات تلبس الكوارث دي !!!.. وكل ما كنت أسأل على شىء يصلح للمحجبات كانت البائعة تخرج لي شىء ملائم تماماً لماما أو لحماتي العزيزة لكن شيء شبابى محتشم لاااا يمكن.. ليييييه مااااعرفش ؟

" ساره "

والله وبقيت عريس يا واد يا عمر -

قالها صديقى وانا اقيس البدلة الفاخرة التى اشتريتها بتحويشة العمر وجدناها في المحل الذى اتعامل معه دوماً.. بس لسه الكرافتة.. قال البائع انها موجودة فى الدور التاني من المحل.. ياااه لسه ح اطلع؟.. ده مفيش اسانسير

الظاهر الجواز ده كله ارهاااااااق

" عمر "

خلاص بقى كفاية عياط موتّي نفسك يا بنتي خلاص فصّلي الفستان ويارب صاحبة الاتيليية ترضى تخلّصه بسرعة

قالتها لي ماما بعد ساعتين من البكاء المتواصل وانا احكي لها رحلتى الفاشلة اليومية بين المحلات وقد تورمت أصابع قدمي واصبحت فى حجم الكورة الشراب.. واكيد صديقتي ح تقطع علاقتها بيّ بعد العذاب اللي وريتهولها والكساح الذي أصابها.. لا و ح اتفرس اني اتصلت بعمر لقيته صاحي من النوم تعبان علشان نزل اشترى البدلة فى نص ساعة زي ماتوقعت

لا صحيح بجد الرجالة دول بيتعبوا

" ساره "

انا مش عارف سارة مكبّرة موضوع الفستان ليه؟.. ما أي حاجة وخلاص.. صحيح البنات دول فاضيين ورايقين اوي.. وبعدين ح تفصله اخيراً وما رضيتش تقولّي لونه ايه علشان المفاجأة

ربنا يستر ويليق على البدلة أحسن يبقى شكلنا آخر بيئة

بجد البنات دول عليهم تقاليع عجب

" عمر "

أمامى ألف مجلة أختار منها الموديل وفي الآخر رميت كل المجلات وأخرجت قلم وورقة وقعدت أرسم مليون تصميم وكلهم طلعوا وحشين جدا.. ياربي ليه البنات على طول تعبانين فى كل حاجة من الصغيرة للكبيرة؟

انا ح اسيب صاحبة الاتيلييه تختار حاجة مناسبة ليّ وخلاص.. هو يعني فرح الأميرة ديانا ؟؟

قلتها فى سري وهي تجلس أمامي من عشر ساعات تنتظر اختيارى النهائي وهي ح تطقّ مني

وبعد طول عذاب "اختارَنا" الموديل انا وهي وتنفستْ الصعداء وهى تكاد تطردني من المحل وتقول بابتسامة طهقانة: والفرح امتى ان شاء الله يا عروسة؟

رديت وانا اكاد اجري من أمامها من رد فعلها المتوقع: بعد عشر أيام

وكان الرد: اييييييه مووووش مممكن ابداااا

" ساره "

ح اضطر أسيب ذقني ما احلقهاش اليومين دول ولا شعري كمان حسب تعليمات الكوافير واستحمل التريقة من اصحابي والعيلة عندنا

يالاّ اهو الواحد لازم يضحّي ويتعب علشان يتجوّز

" عمر "

خلّصت كل انواع الماسكات والسنفرة والكريمات المعروفة والمجهولة وأي واحدة كانت بتقترح عليّا وصفة للبشرة او الايدين اجرّبها فورا.. واصبحت غرفتي مطبخ به أعاجيب الدنيا السبعتاشر من قشر خوخ.. بياض بيض.. جلسرين وليمون.. زبادي وعسل واي شىء أجده فى التلاجة عند ماما انقض عليه فوراً واجري عليه تجاربي الجهنمية

انا عاوزة اعرف كل البنات بيتعذبوا العذاب ده ولاّ انا بس اللي لاسعة؟

بس كله يهون علشان خاطر عيونك يا عمر

" ساره "

( 17 )

ترتيباااات يوم الخطوبه

أكاد افتح عيوني بالعافية وأغالب النوم بقوة وانا جالسة عند الكوافيرة

امبارح سهرت فى الاتيليه علشان أخلّص الفستان.. وكانت خناقة كبيرة بيني وبين عمر على الموبيل لما لقاني الساعة 11 لسه مارجعتش البيت رغم ان ماما كانت معايا وبابا وصلنا بالعربية الساعة 12 ونصف بعد ما خلص الفستان اخيييييييرا

ورغم كده عمر كان بيتخانق بمعدل كل ربع ساعة.. ويقولّي خلاص اللي خلص من الفستان كفاية ومش مهم الباقي وكفاية تأخير

يعنى اخده بكم آه وكم لأ ؟

يالاّ أهو تغيير برضه

طب أنا ذنبي ايه في كل الدوشة دي ؟

هو زعلان منى ليه؟

وعلشان اليوم ما يقلبش نكد أرسلت له رسالة قبل ما أروح للكوافير قلتله: انا آسفة على تأخير امبارح.. انا نفسي أكون جميلة علشان أليق بيك النهاردة

وطبعا اتصل بي فورا وكان فى منتهى الرقة

آه من عقل الرجالة ..

" ساره "

رسالة سارة الجميلة امتصت كل غضبي.. فعلاً سارة ذكية جداً وبتعرف امتى توقف المشكلة بيني وبينها

انا مش مصدق ان النهاردة ح ابقى عريس بجد!!.. أصحابي كل شوية يكلموني و يبعتولي مسجات ملخصها كلها: بكرة تندم يا جميل

معقول الجواز يبقى خنقة وجحيم زي ما بيقولوا ؟

لا أعتقد.. لأن أنا وسارة متوافقين فى الشخصية وطريقة التفكير و.. والمشاعر كمان.. يبقى الفشل ح ييجي منين ؟

قمت توضئت وصليت ركعتين قضاء حاجة ان يوفقنا الله انا وسارة طول العمر

" عمر "

انا بجد خلاص ح انفجر.. من 4 ساعات وانا عند الكوافيرة ولا أفعل شىء.. المحل فيه 7 عرايس غيري !!.. بجد كأننا في سيرك

الحرارة عالية جدا.. والعرايس كلهم متوترين وخايفين يتأخروا عن ميعادهم وكلهم بيتحايلوا على الكوافيرة علشان تخلّصهم كلهم مع بعض.. ازاي ما أعرفش

عملتْ لي ماسك اول ما جيت الصبح وعملت شعري رغم اني ح أغطيه!!.. يعني باختصار لسه ما عملتش حاجة خالص والساعة 4 وعمر حييجى الساعة 7

كلمني عمر وسألني: عملتي ايه؟

قلت له: ولا حاجة خالص.. وصوتي مخنوق بالبكاء

قال لي: ولا يهمك انتي قمر من غير حاجة.. طيب أكلتي حاجة ياسارة ؟

رديت باستغراب: أكل؟!.. يعنى ايه الكلمة الغريبة دي؟

" ساره "

سارة عاملة زي الأطفال.. لازم حد يتحايل عليها علشان تاكل

اتصلتْ بمطعم بيتزا وأعطيته عنوان الكوافيرة كي يرسل لها طعام.. ورأتني أمى وأنا أرتب هذا وكادت ان تنطق بعصبية جملة بها: ...ست الحسن... كالمعتاد

ولأول مرة أرى فى عينيها نظرة تشبه الغيرة

وبدل ان أعاتبها وتقلب نكد كالعادة أخذتها فى حضني وقلتلها: عارفة ياماما انا باحب سارة ليه؟.. علشان نسخة منك.. بس انتي الأصل يا جميل والباقى تقليد

فوجئت بضحكتها الصافية وهي تضمنى لها وتدعو لي بالسعادة مع سارة

ياااااخبر.. ماما بتغير عليّ ؟؟؟

" عمر "

بيتزا للانسة سارة.. العريس باعتهالك -

دوت الجملة فى مركز التجميل كالرصاصة وصاحبَتها همسات وضحكات مكتومة من بقية العرايس معناها: شايفة عريسها بيحبها ازاي؟

غرقت فى الخجل من نظرات الجميع.. وفتحتها وانا اتذوق أغلى وألذ بيتزا أكلتها فى حياتي

بجد.. من يقولون ان الحب أهم ما في الحياة.. لا يعرفون شيئاً

أهم ما فيها هو الحنان

Pudently

" ساره "

( 18 )

الساعة 6 وانا عند الكوافير الرجالي.. خلاص خلّصت كل شىء.. واديتها جل على شعري والبرفان الجامد جدا ولبست البدلة وكله تمام

ايه الشياكة دي يا واد يا عمر؟

صديقي ذهب يزيّن العربية وسيأتي بعد نصف ساعة كي نأخذ سارة من الكوافير الساعة 7 تماما

مش عاوز أتأخر عليها أحسن تزعل مني

" عمر "

ياستي انا ميعادي كمان ساعة ولسه ما عملتش حاجة خالص

قلتها للكوافيرة وانا أكاد أبكي.. ردت عليّ ببرود كبير معتادة عليه: لسه 3 عرايس وبعدين انتي!! ما تقلقيش ياعروسة

يالهوي.. 3 عرايس ؟!!!!!!!!!!!.. ده انا ح أخلص الساعة 12 ان شاء الله !! وصوت الموبيل لا يتوقف عن الرنين من عمر وماما

الكل بيستعجلني وكأن الذنب ذنبي.. ارتديت الفستان ومن عصبيتي جزء صغير منه اتقطع من الذيل؟.. آه فعلاً هذا ما ينقصني الآن

انطلقت صديقتى تبحث فى المحلات المجاورة عن ابرة وخيط بلون الفستان كأنها تبحث عن ابرة فى كوم قش.. وأخيرا جاءت وحاولنا محاولات مستميتة ألا يظهر هذا العيب.. يارب استر يارب

" ساره "

الساعة 8 ونصف وانا واقف أمام مركز التجميل انا وأصدقائي وبعض من أهل سارة

همّ بيعملوا ايه جوة بالضبط ؟

ولاحظت وجود عدة سيارات مزينة وعرسان مثلي والجميع منتظر الفرج وكأننا فى كرنفال وكل ما تخرج عروسة من الكوافير الجميع يجري عليها.. ثم يفوز واحد بها ويتنفس الصعداء والباقي يعودون يجرون أذيال الخيبة !!! وسارة لا ترد على الموبيل ابداً

" عمر "

أخيرا حنّت على الكوافيرة وبدأتْ في تجهيزي والغريب اني لم استغرق معها نصف ساعة والساعة أصبحت 9 ونصف.. ونظرت الى وجهي فى المراة بعد كل هذا التعب.. وجدت الفستان أنيق للغاية.. ووجهي لم أره بهذا الصفاء من قبل خلاص بقيت عروسة ؟؟

يارب أعجب عمر وكل الناس.. بس عمر أهم من كل الدنيا طبعاً

" ساره "

تسمّرت من مكاني عندما رأيت سارة تخرج من مركز التجميل.. ونسيت الانتظار الطويل والمكالمات الغاضبة من أهلي وأهلها على كل هذا التأخير

نسيت الدنيا كلها عندما رأيتها تتألق فى فستان رائع من اللون الأزرق الصافي المشغول برقة بخيوط فضية خلابة..ووجهها لم أرْ أجمل منه فى حياتي

وكأن كل نساء الدنيا تجمعت فى امرأة واحدة

جريت عليها وهمست لها: بحبك يا سارة

" عمر "

» حوار جامد بين اتنين سمعهم تقيل خالص....ادخل وشوف........
» حوار بين اتنين طرش
» يوميات أبو السيد ... (2)
» يوميات صرصار
» قصة اتنين حبو بعض من النت واتطلقوا...حلوة خالص...