أعزائي المهندسين .....
أقدم لكم اليوم موضوعا عن الخبرات العمليه لمهندسين في المواقع
و الذي أنقله لكم بكل أمانه ... أملا أن تعم الفائده للجميع ....
قبل ما تقول الله ينور خد بالك ....
( 1 )
المعروف انه لتحضير الحوائط والجدران لمرحلة الدهانات
يتم تجليخ الحوائط بالزيت الصافى وهو زيت بذرة الكتان
ونظرا لغلو ثمنه يلجأ مقاول الدهانات لاستعمال الغراء بديلا عنه مما يسبب تشققات الدهانات وهو يعتبر غش فى المواد
والمهندس المشرف لايعلم شىء لانه يرى ماده شبيهه للزيت داخل الجردل وعندما يرى الصنايعيه على السقالة يدهنون بهمة ونشاط يشجعهم ب الله ينور فخد بالك قبل ما تقول الله ينور اغمس صباعك بالجردل وعرضه دقيقة واحدة للهواء وتحسسه ستعرف انه غراء كما ان الغراء يجف سريعا اما الزيت الصافى فقد يحتاج يومان ليجف
وملو الجردل بالغراء يتكلف 3 جنيه اما اذا كان زيت بذرة الكتان فيتكلف مالايقل عن 60 جنيها وربما اكثر
و بالطبع يجب علينا الانتباه ايضا لنوعية التأسيس
فلكل نوع من انواع الدهانات التأسيس المناسب له
فهناك اختلافا واضحا بين نوعية ما يستخدم في تأسيس الزيت مثلا عن البلاستيك
واضيف معلومه مهمه انه يتم التجليخ بالزيت حتى لتحضير الدهانات البلاستيك وذلك حتى يكون هناك امكانية تشغيل البلاستيك على الحائط لانه < بينشف > بسرعة اى بيجف بسرعة وبالتالى بتظهر اللحامات او فواصل كل حطه واخرى
اما اذا كان سيتم دهان البلاستيك عن طريق الرش بالماكينه فى هذة الحاله لاحاجه لاستخدام التجليخ بالزيت حيث انه لن تستعمل الفرشاه او الرولة
و بالنسبة للوجه التحضيرى سواء لدهانات الزيت او البلاستيك اغلب المقاولين بيحاولوا يغشوا فيها
بس ليه اضافة بالنسبة للوجه التحضيرى للبلاستيك اغلب الشركات المعتمدة او المعروفة بدأت تنتج منتج للوجه التحضيرى
اللى احنا ببنسميه (السيلار) وبيبقى مكتوب على العلبة نسبة التخفيف المفترض التخفيف بها
ولى ايضا اضافة اخرى بالنسبة ايضا للمعجون سواء للزيت او للبلاستيك احيان كتيرة بيقوم بتاع الدهانات بإضافة
اسبيداج وزنك ونسبة من الزيت للمعجون الجاهز عشان يغطى معاه لانى فى اغلب الاوقات المعجون الجاهز بيبقى خفيف
ومش بيغطى الا سكينتين كاملتين بس طبعا عشان هو يوفر بيخلط معجون بلدى مع معجون جاهز عشان يغطى من سكينة واحدة وعشان تكتشف المعجون البلدى من الجاهز بنصحكم امسك العلبة اللى بيشتغل منها وخد جزء من المعجون بين اصابعك
وحاول حاول تكور وتفرده عدة مرات لو فضل لمدة 10 دقايق بنفس جودته ولم يفكك تعرف انه مش مضاف ليه اى اضافات
اما اذا جف بسرعة وتفتت تعرف انه مضاف ليه نسبة اسبيداج وبنسبة كبيرة
موضوع: قبل ماتقول الله ينور خد بالك ( متجدد ) 
الإثنين 22 ديسمبر - 17:27
