عنديه .....!!

عنديه ..... !!!

*****

على أد ما نـَفـَسي يِـوَدِّيني
هجري مع الدنيا وهـَتْجيني
بحاجات مولوده فـِ قلب حاجات
وحاجات مِتـْشاله على جبيني
وساعات هتعدي عليَّه سنين
وساعات في ثواني تِعدّيني
أتْكَعْبـِل
أبدأ من تاني
ويزن الحلم على وداني
أسمعلـُه.... وأرد فـ دواويني !
أتلخبط عند الحَوَدايَهْ
في شمالي طريق كُلُّه دواير
وخطوط مفروده على يميني
الأسهل ....
سهل ومش غايب
والصعب.....
جـِناني وتكويني !
أعطش
مشربشي من الدمعه
الحلم سرابُه بـِيـِرْويني !
السّكة بتقصر فـ مرايه
وملامحي بتستنى معايا
تكتبني نهاية متوصلشي
واكتبها على الصبر بداية !
وتعبت ونـَفـَسي المـِتْعَبّي
بيداري عليـّا وبِيْخَبّي
إن أنا مش قادر بالاكفاية!
تراهنـِّي ؟ هتقدر وتكمل
كم مره بدأت من الأول
أحسبلك كام حفره ورايا ؟ ؟
هوّأنا في السكة دَهي لوحدي ؟
آدي واحد بيقرَّب بعدي
دا بَايِـِنـُّه بينده : " عَدّيني ! "
"من فضلـَـك كده بـِتعطليني " !
"من فضلـِـك ثانية وجاوبيني "
" لفيتي ودُرْتي كتير جداً
وندهت عليكي كتير جداً
لو لحظه وِقفْتي هتلـْقيني " !
"هو إنتَ ؟ "
"أخيراً .....
لأ
إنتي "
هرْجَعْلـِك يا شـَقايا وبختي
توِّهتي سنينك وسنيني !"
"ترجعلي لقبل ما نتقابل ؟"
" مش عارف ....
لكن هنحاول
وعلى أد ما نـَفـَسي يِـوَدِّيني ! "

eng_ghost 2008 كتب:: عنديه ..... !!!

*****

أعطش
مشربشي من الدمعه
الحلم سرابُه بـِيـِرْويني !
.
.
.
.
.
.

آدي واحد بيقرَّب بعدي
دا بَايِـِنـُّه بينده : " عَدّيني ! "
"من فضلـَـك كده بـِتعطليني " !
"من فضلـِـك ثانية وجاوبيني "
" لفيتي ودُرْتي كتير جداً
وندهت عليكي كتير جداً
لو لحظه وِقفْتي هتلـْقيني " !
"هو إنتَ ؟ "
"أخيراً .....
لأ
إنتي "
هرْجَعْلـِك يا شـَقايا وبختي
توِّهتي سنينك وسنيني !"
"ترجعلي لقبل ما نتقابل ؟"
" مش عارف ....
لكن هنحاول
وعلى أد ما نـَفـَسي يِـوَدِّيني ! "

بجد حوار رائع

بينها .. وبين حبيبها

إللي عمره ما نسيها

قصيده أكتر من رائعه

عنديه .....!! 2696

شكرا للمرور .........
تعظيم سلام