ENG_GODZELA
مشرف مرشح لمنصب مشرف عام
عدد المساهمات : 3368
تاريخ التسجيل : 25/07/2007
العمر : 39
الموقع : كلية الهندسة _قسم الهندسة المدنية
رقم العضوية : 31
Upload Photos : 
 |  موضوع: سيدى ياحاكم البلد بالسيف وبالسندان  الأربعاء 29 أكتوبر - 20:58 | |
| سيدى ياحاكم البلد بالسيف وبالسندان
سيب الكلب يتحكم فى أهل الفضل والأحسان
ومد له من سطوتك بدل القيراط فدان
وقل له يحكم ويتحكم فيهم كمان وكمان
جوع فقيرك موت خلى عظامه تبان
أملأ بيوتنا خوف وبحرها أحزان
أزرع غيطانها دمار وبحرها أحزان
عرق الكرامة أقطعه خلى الجميع متهان
واللى السفه صنعته يبقى أكيد فنان أكتب لنا قصته وأجعل حياته ديوان
ماهو دا زمان الوباء خلى الحليم حيران
والقمح ليه تزرعه شالله ياأمريكان أدونا عيش ذلنا
وخذوا بلدنا ضمان
خلوها مسرح زنا وللفجور ميدان
خمر وشذوذ للركب ماهى دى حقوق أنسان
شياطينا مالها عدد مش محتاجين شيطان
يايهودى شرفتنا أهلا وبالأحضان
أن جيت فى يوم عندنا تلقانا لك خلان
ماأنت حبيب أمنا أوعاك تكون زعلان
أعمل فى أخونا البدع وأقتل كمان وكمان
مبدأنا خذ دنيتك وعيش خسيس وجبان
أنا بس أفضل ملك وييجى بعدى طوفان
ياخد الفقير والغنى وأنسها والجان
قلبى يحب الغنى وعلى الفقير صوان
واللى يعارضنى أنا ماله غير الليمان
قعدت على تلها وملتها بالغربان
أرحل كفاية بقى متغطى بك عريان
شعبك خلاص أنفجر ولبس لك الأكفان
ياللى الضمير فيك صحى أرحل مالكش مكان
فى بلدنا لازم تكون خالى من الأيمان
عشان تعيش وسطنا لازم تكون ثعبان
ناعم جميل ملمسه والسم فيه ألوان
أوديب سعاره غلب مينمش يوم شبعان
جوع الحرام حيره خلاه كما الددبان
حتى الجراد طفشه مالقاش فى بلدى حفان
يارب فين رحمتك أرحمنا يارحمان
صلح لنا اللى أنكسر وأعدل لنا الميزان
| |
|
طموح الأمل
مهندس نشيط
عدد المساهمات : 206
تاريخ التسجيل : 03/09/2008
العمر : 35
الموقع : ~ على شاطئ الأمل~
رقم العضوية : 1683
Upload Photos :
| | موضوع: رد: سيدى ياحاكم البلد بالسيف وبالسندان الخميس 30 أكتوبر - 16:53 | |
| جميلة
لكن
إن الله لا يغير مابقوم حتى يغيروا ما بأنفسهم
اشكرك | |
|
MISS_R
مشرفة قسم شخصيات هامه والأدب والشعر
عدد المساهمات : 3628
تاريخ التسجيل : 13/12/2007
العمر : 34
الموقع : Inside you
رقم العضوية : 381
الأوسمه : 
Upload Photos :
| | موضوع: رد: سيدى ياحاكم البلد بالسيف وبالسندان السبت 1 نوفمبر - 17:08 | |
|
العيب فينا لاننا ساكتين
شايفين الظلم وبنقول آمين
وربنا يصلح الاحوال
شكراً بشمهندس جودزيلا
| |
|
thehunter
مهندس بيشارك كويس
عدد المساهمات : 98
تاريخ التسجيل : 01/01/2008
العمر : 34
رقم العضوية : 452
Upload Photos :
| | موضوع: رد: سيدى ياحاكم البلد بالسيف وبالسندان الأحد 2 نوفمبر - 15:06 | |
| - طموح الأمل كتب:
- جميلة
لكن
إن الله لا يغير مابقوم حتى يغيروا ما بأنفسهم
اشكرك صح والله | |
|
