الي قاطني سلالم الكلية ...لو سمحتوا........

في حاجة لفتت نظري بل وضايقتني كتيييييييير
واعتقد في ناس اتكلمت كتير فيها
وهي
شباب الكلية اللي بيترصوا علي السلالم اللي جنب المظلة واللي يتودي للمبني التاني

وبلاحظ دايما انهم بيكونوا من بكالريوس او سنة تالتة ايا كان السنة
هو اسمه سلم العظماء واحنا منعرفش؟؟؟؟

وبعدين هما بيقعدوا عالجانبين
ودة طبعا في حد ذاته شيء محرج للبنات انها تعدي بين صفين رجالة وكلهم متربعين عالسلم
واللي يرمي كلمة كدة وكلمة كدة
انا عايزة الكلام دة يوصل للبشمهندسين دول
عشان كدة اعتقد دة تعدي علي الحريات
والسلم مش معمول عشان الناس تملاه وتتفرج
وبعدين انا عايزة كل واحد يتخيل اخته هيا اللي معدية في وسط الموكب دة
هترضاها لاختك؟؟؟؟؟
والكل باصصلها من تحت لفوق
اعتقد لا
فياريت نتقي الله في بنات الناس
وبلاش العادة السيئة جدا دي

فعلا الموضوع ده بيضايق جدا
وعلي فكرة انا لما كنت في الكلية(الله يمسيها بالخير) كانت عندنا الظاهرة الغريبة دي
وكانت السلالم ضيقة جدا بس كنا بنلاقي دفعة بحالها قاعدة مستنية السكشن
وطبعا واحنا نازلين أوطالعين كنا بنقوللهم يبعدوا شوية لكن لا حياة لمن تنادي
واللي يستجيب فيهم يادوب يبعد حوالي شبر
واحنا الصراحة كنا بندوس عليهم عشان يحرموا لأ جابها

بس بجد نصيحة جميلة ياميس ايسادورا
وكل واحد يتقي الله في اخواته وزميلاته

فعلا هو كلامك صح وكنت عاوز اتخذ اي اجراء فعلي بس معرفش موضوع زي كده من اختصاصات الحرس ولا من اختصاصات عميد الكلية واللي زود حيرتي كمان ان عميد الكلية عدى من قدامنا وكان الطلبة قاعدين ولا كلمهم !!!!!!!! عن نفسي اي اجراء انا هقدر اعمله انا مستعد مهما كان سلطته لان الوضع ده مش يرضيني بالمرة واضيف الى كلامك قول الرسول صلى الله عليه وسلم فقد ثبت عن أبي سعيد الخدري رضي الله عنه أن النبي صلى الله عليه وسلم قال: ( إياكم والجلوس في الطرقات ) فقالوا: يا رسول الله ، ما لنا من مجالسنا بد نتحدث فيها ، فقال: ( فإذا أبيتم إلا المجلس فأعطوا الطريق حقه ) قالوا : وما حق الطريق يا رسول الله ؟ قال: ( غض البصر ، وكف الأذى ، ورد السلام ، والأمر بالمعروف والنهي عن المنكر ) ( أخرجه البخاري في صحيحه ، كتاب المظالم ، باب أفنية الدور والجلوس فيها ، 5/112 برقم 2465 ، وفي كتاب الاستئذان 11/8 برقم (6229) ، وأخرجه مسلم في صحيحه ، كتاب اللباس والزينة ، باب النهي عن الجلوس في الطرقات 3/1675 برقم(2121).

الأصل في الطريق والأفنية العامة أنها ليست للجلوس، لأنه يترتب على الجلوس فيها أضرار، منها:
أـ التعرص للفتنة. ب ـ إيذاء الآخرين بالسب والغمز واللمز.
ج ـ الاطلاع على الأحوال الخاصة للناس.
د ـ ضياع الأوقات بما لا فائدة منه

لا لا لا لا لا

انا فعلاً كنت بقعد ع السلم دة

بس مش كتييييييييير

وماكنتش واخد بالى من النظرية دى

وان شاء الله

حلغى الموضوع دة خاااالص

خالص اعتذاراتى لكل الى اتضايقوااا

بجد كتييير قوى مش قصدهم حااااجة

وخصوصاً ان الكلية مش واسعة والمنطقة دى بتبقى ضل دايماً

صيفاً وشتاءاً

فعلاً يا جماعة موضوع الجلوس على السلم دا بقى حاجة مستفزة جدا

ماكدبش عليكم انا قعدت على السلم ده مرة او مرتين بالكتير قبل كدة

وعمرى ماحسيت بالإساءه والمضايقة غير فى الأونة الاخيرة

وعلى فكرة الولاد بيتعرضوا للمضايقة بس مش طبعاً ذى البنات

او بمعنى المضايقة اللى تقصده miss_esadora

وانا باشكرها جدا على اثارة هذا الموضوع و فتح مجال الكلام فيه

لان فعلا الموضوع بقى حاجة تخنق

والمشكلة اللى بتقابل الناس كلها ان اللى بيقعدوا على السلم ده

بيقعدوا بعرض السلم لدرجة ان ميبقاش فى مكان كفاية علشان الناس تتطلع او تنزل

وعلى فكرة الناس اللى على السلم ده دول الناس اللى فاضية واللى مابتحرضش

واللى اصلا ما ينفعش يكونوا مهندسين ...وكل واحد ادرى بنفسه

كويس يا بشمهندسه اميره انك فتحتي الموضوع وفعلا السلم ف الفتره بين الساعه

10 لغايه 2 بيبقي مجلس الناس مع ان المظله افضل و انضف يعني بس اظاهر التعود بقي

بس النهارده تقريبا لمحت الكابتن ياسر كلم مجموعه من الشباب ايلي كانوا قاعدين

و اظاهر انه نبه عليهم ميقعدوش هنا تاني لانهم بعد ما كلمهم قاموا علي طول

والله عندك حق يا بشمهندسةدى فعلا حاجة بتضايقنا كلنا وشكرا على انك لفتى النظر للموضوع ده

الي قاطني سلالم الكلية ...لو سمحتوا........ 700120

اقتباس :: انا فعلاً كنت بقعد ع السلم دة

بس مش كتييييييييير

وماكنتش واخد بالى من النظرية دى

وان شاء الله

حلغى الموضوع دة خاااالص

ياريت الشباب كلهم يكونوا ايجابيين زيك يايحيى ربنا يكرمكز
وفعلا منظر الشباب على الجانبين والطالبات بتعدى فى وسطهم كأنهم عارضات أزياء
كان الموضوع محرج جدا وكنت احيانا عندما أكون فى منطقة المصلى وأريد أن أذهب إلى مبنى المدرجات أو المظلة وأجد الطلاب بهذا المنظر كنت أستحى أن أمر فى وسطهم وكنت أفضل أن أسير من المصلى إلى الطريق المؤدى إلى معمل الحاسب ثم الطريق المؤدى إلى الحرس ثم أنزل من السلالم التى هى أمام البوابة الرئيسية متجهه إلى الطريق المؤدى إلر المظلات .فكنا نفضل ذلك التعب عن الإحراج الذى نجده. وربنا يهدى شبابنا إلى ما يحبه ويرضى

والله المستعان

والله انا بقعد على السلم وهعقد على السلم

بس عمرى فى يوم ما اتكلمت على حد او ضايقت حد
والناس اللى بتتكلم وتقول المظله او غيرها
مظلة ايه اللى كلها مكسره ومش نظيفه
وثانيا انت او انتى لو فى اعتراض على شئ
فياريت تقول للناس اللى بتقعد وتكلمهم
وثالثا انتوا ماسكين فى الشباب اللى بيقعدوا على السلالم وسايبين الباقى
طيب دا يرضى مين؟
ورابعا فى حاجات كتير فى الكليه عايزه تتغير وهى الاولى من الكلام عن السلالم وغيره
وانا عمرى ما شفت واحد فى المنتدى راجع على كلام اى حد
وانا بحيى المهندس يحيى لانه قال وجهة نظره باحترام ومن غير فلسفه
ياريت تكون وجهات النظر محسوبه قبل ما تتقال
وشكرا للتنبيه
وشكرا على الافاده

معلش يا بشمهندس بس خد بالك انى فى بنات كتير و اولاد كمان ممكن يحرجوا انهم يكلموا اللى قاعد على السلم

ثانيا لو انت غيرت اللى تقدر علية وخليتة ايجابى هتلاقى ربنا ساعدك وساعدننا و كل شي بالتدريج بدا يكون ايجابى من حولك

ثالثا الموضوع خلاص مش مستاهل يتفتح تانى يا جماعه هو كان تنبية اتقال و خلاص

ارجو ان تتقبلى ردى برحابة و سعة صدر

تحياتى ..........

أمير الانتقام كتب:: والله انا بقعد على السلم وهعقد على السلم

بس عمرى فى يوم ما اتكلمت على حد او ضايقت حد
والناس اللى بتتكلم وتقول المظله او غيرها
مظلة ايه اللى كلها مكسره ومش نظيفه
وثانيا انت او انتى لو فى اعتراض على شئ
فياريت تقول للناس اللى بتقعد وتكلمهم
وثالثا انتوا ماسكين فى الشباب اللى بيقعدوا على السلالم وسايبين الباقى
طيب دا يرضى مين؟
ورابعا فى حاجات كتير فى الكليه عايزه تتغير وهى الاولى من الكلام عن السلالم وغيره
وانا عمرى ما شفت واحد فى المنتدى راجع على كلام اى حد
وانا بحيى المهندس يحيى لانه قال وجهة نظره باحترام ومن غير فلسفه
ياريت تكون وجهات النظر محسوبه قبل ما تتقال
وشكرا للتنبيه
وشكرا على الافاده

لا تعليق

اقتباس :: بس عمرى فى يوم ما اتكلمت على حد او ضايقت حد

حضرتك يا بشمهندس مش هتقدر تعرف انهم بيضايقوا ولا لأ

اقتباس :: والناس اللى بتتكلم وتقول المظله او غيرها
مظلة ايه اللى كلها مكسره ومش نظيفه

بصراحه كل واحد ليه وجهه نظر و انا وجهه نظري ان المظله افضل من قعده السلالم و الناس

تفضل رايحه جايه وسطينا كده

وشكرا لتعليقك

أمير الانتقام كتب:: والله انا بقعد على السلم وهعقد على السلم

بس عمرى فى يوم ما اتكلمت على حد او ضايقت حد
والناس اللى بتتكلم وتقول المظله او غيرها
مظلة ايه اللى كلها مكسره ومش نظيفه
وثانيا انت او انتى لو فى اعتراض على شئ
فياريت تقول للناس اللى بتقعد وتكلمهم
وثالثا انتوا ماسكين فى الشباب اللى بيقعدوا على السلالم وسايبين الباقى
طيب دا يرضى مين؟
ورابعا فى حاجات كتير فى الكليه عايزه تتغير وهى الاولى من الكلام عن السلالم وغيره
وانا عمرى ما شفت واحد فى المنتدى راجع على كلام اى حد
وانا بحيى المهندس يحيى لانه قال وجهة نظره باحترام ومن غير فلسفه
ياريت تكون وجهات النظر محسوبه قبل ما تتقال
وشكرا للتنبيه
وشكرا على الافاده

أنت منين يابابا ؟

باين عليك من عالم تاني

أبفي خليك قاعد علي السلم

و صدقني بجد

و أحلفلك لو عايز

محدش بيشتري لا الذوق و لا الاخلاق

دول بيبقوا جايين معاك من البيت

و لو أنت شايف أن في حاجه أهم من كلمة حق تتقال

و إيه الصح من الغلط

يبقي خليك قاعد علي الأرض يابا

الرسول صلي الله عليه وسلم قال " أماضة الأذي عن الطريق "

حتي لو أنت أضطريت أنك ولموأخذه توسخ بنطلون جناب معالي سعادتك

و لو أنت شايف أن اللي انت بتعمله ده مش أذي

يبقي خلاص .....

يمكن أنت شايف نفسك أدري من النبي صلي الله عليه وسلم ولا حاجه

يبقي ده رأيك لوحدك

****

... هوه أنا بكلم فمين ؟

علي رأي جودز " لا تعليق "

بس ياجودز أسمحلي ح أزود كلمه عليك

:twisted:

مفيش فايده:twisted: Evil or Very Mad

و ربنا يصلح حالنا و حالك

خلاص يا بشمهندس جووست ايلي فيه عاده مش بيغيرها و ربنا يصلح الحال

أمير الانتقام كتب:: والله انا بقعد على السلم وهعقد على السلم

ليه بس كده يا باشمهندس............

ده بدل ما تنصح باقى الباشمهندسين اللى بيقعدوا ؟؟!!
انت ترضى لاختك انها تعدى من السلم و فيه ولاد قاعدين من الناحيتين ,و كل واحد و تعليقه ؟!!!!!!!!!
و بعدين اصلا السلم مش مكان للقعاد , فيه اماكن تانية ابسطها المظلة اللى هى مش متكسرة ولا حاجة,
ده غير طبعا ان الرسول (عليه الصلاة و السلام) ناهى عن الجلوس فى الطرقات............

eng_ghost 2008 كتب:

[mention][/mention] كتب:

محدش بيشتري لا الذوق و لا الاخلاق

دول بيبقوا جايين معاك من البيت

فعلا مقدرش اكتب حاجة بعد العبارتين دول

اللى عاوز يقعد يقعد ولكن لاضرر ولا ضرار..

فعلا مفيش كلام تانى بعد كلامك eng_ghost
الي قاطني سلالم الكلية ...لو سمحتوا........ 700120

وأكيد أكيد كله "سلف ودين", واللى بيقولوا انهم قاعدين كده كده على السلالم ومش هممهم حد وبيرموا كلام للبنات وسيادتهم فرحنين أوى وفاكرينها شطارة دول أكيد ميعرفوش ايه معنى الرجولة والشهامة " مصطلحات أكيد اول مرة يسمعوا عنها".............................

شكرا لبشمهنس جوست على كلامه وبعدين احب اقول للبيقعدوا على السلم هل ترى ان هذا

هو مقامك كالمفروض مهنس محترم يجلس على الارض واى شخص من الماره يدوس عليه.............
من يجلس على السلم سوأ ولد او بنت يهين نفسه قبل اى احد

بسم الله والصلاة والسلام على رسول الله

بعد اذن الاخوة الزملاء عدم الرد على الرد المستفز الذي طرحه الاخ امير الانتقام سابقا فهو لم يصغي لقول سول الله صلي الله عليه وسلم في حديثه الذي كتبته سابقا (اياكم والجلوس في الطرقات .....الى اخر الحديث) الرد نم عن شخص لا يحترم قول الرسول الكريم صلي الله عليه وسلم واطرح عليه بعض التساؤلات هل انت مسلم؟؟هل تعلم ان التعريف الاصطلاحي للاسلام انه الاستسلام لله والانقياد له بالطاعه ؟؟هل تعلم ان هناك ايه في القران تحث على طاعة الله وطاعة الرسول واولي الامر منكم ؟يبدو من رد هذا العضو هو رد لاثارة الجدل يمكننا القول(خالف تعرف ) وعند ردي ب(لا تعليق ) هو عملا بالمقولة الشهيرة (اذا نطق ----- فلا تجبه فان كلمته فرجت عنه وان خليته كمدا يموتوا اخيرا نصيحه للاخ الكريم اتق الله واطع الرسول صلى الله عليه وسلم تنعم في حياتك وتنهض امتك

أحب ان انوه للساده الزملاء

انى احمد لله مسلم بس والله ياريت متتكلموش على الادب ولاأخلاق
الأخ الخريج مسألش نفسه هل كان على ايامه ناس بتقعد على السلالم ولا لا ولو كان فى هل هو نصحهم
ثانيا انا ردى مكنش يقصد انى هقعد على السلالم واقول كلام عن اخواتنا الزملا
لا دا كان كلام بسيط على انى عايز الكليه تتغير من جذورها مش نمسك فى اى حاجه تبين ان احنا خايفين على الكليه
وردا على كلام الاخ جودزيلا(؟يبدو من رد هذا العضو هو رد لاثارة الجدل يمكننا القول(خالف تعرف ) وعند ردي ب(لا تعليق ) هو عملا بالمقولة الشهيرة (اذا نطق ----- فلا تجبه فان كلمته فرجت عنه وان خليته كمدا يموتوا اخيرا نصيحه للاخ الكريم اتق الله واطع الرسول صلى الله عليه وسلم تنعم في حياتك وتنهض امتك)
انى لا أثير الجدل ولا بخالف علشان اتعرف بس دا كان رايى ولو انت بصحيح منضم لمنتدى بيحترو وجهة النظر مكنتش رديت الرد دا
وثانيا انا مكنتش منتظر ردك علشان تجيبنى بنو كومنت
وثالثا احب انى اعيد وجهة نظرى مره اخرى انى مبقعدش على السلام علشان اتكلم على اللى رايح واللى جاى
لا
انا والله لو فى اى حد ضايقته او اتكلمت عليه ممكن يقولى
بس انتوا يا اعضاء او مشرفى المنتدى الكرام قلبتوا الموضوع واعتبرتونى انى انا الوحيد اللى بقعد على السلم وانا اللى بتكلم
وشكرا للمعمارجى لانه بجد فهمنى صح
انا مقولتش انى حابب اقعد على السلم
لا انا بقول انى هقعد على السلم لحد ما تتغير الكليه تغيير كلى وليس جذرى
وياريت تكون وجهة النظر مبنيه على الفهم الصحيح
وشكرا لجميع الاعضاء الللى ردوا على او (نصحونى)
وشكرا على النصيحه
وأخيرا احب ان اقول للخريج يا ريت تنتقى الفاظك وتكون غير جارحه لانك خلاص على ما اعتقد انضميت لفئه جيده من الشعب تحترم الغير وتحترم وجهة نظره
وشكرااااااااااااااا

أمير الانتقام كتب:: أحب ان انوه للساده الزملاء

انى احمد لله مسلم بس والله ياريت متتكلموش على الادب ولاأخلاق

مع أحترامي ....

بس المسلم هو من سلم المسلمون من لسانه و يده

المسلم هو زي ما قال جودز

ENG_GODZELA كتب:: التعريف الاصطلاحي للاسلام انه الاستسلام لله والانقياد له بالطاعه ....
مش كده وبس .....

قولنا و عدنا كتييييييير

قال رسول الله صلي الله عليه وسلم : "اياكم والجلوس في الطرقات .....الى اخر الحديث"

[size=29]........

ف إزاي تبقي مسلم و تفعل ما نهي رسول الله عنه .... !!!

أعمل زي ما أنت عايز

في رب فوقك هوه اللي ح يحاسب

بس متتكلمش عن الإسلام مرة تانيه

لأن

أنا أعرف ناس مسلمين بالأسم بس " و في البطاقه كمان "

أعرف ناس مسلمين بيسبوا الدين ....

فهل ده معناه أنهم مسلمين

أعرف ناس مسلمين مبتصليش

فهل ده معناه أنهم مسلمين

ف أعتقد أن الحكايه واضحه

مش محتاجه كلام تاني

أمير الانتقام كتب:: احب ان اقول للخريج يا ريت تنتقى الفاظك وتكون غير جارحه لانك خلاص على ما اعتقد انضميت لفئه جيده من الشعب تحترم الغير وتحترم وجهة نظره

أحب أقولك أن أنا قبل ما أنضم للفئة دي

أنا مسلم

قلبا و قالبا

و أنا عارف كويس أنا بتكلم أزاي

******

أنا لو ح أرد عليك أكتر من كده حبقي بضيع وقتي

لأنك مبتعملش حاجه غير أنك تجادل

بتشوف اللي علي مزاجك وبس

و الباقي .

ف ال.....

ف ما منوش فايده الكلام

و خسارة كمان ......

*****

و معلش يا جودز أني رديت عليه

بس .....

معرفتش أمسك نفسي

و أرجو من باقي الأعضاء الألتزام بما قاله البشمهندش جودزيلا

و أرجوا أن يتم أغلاق الموضوع

مع شديد أحترامي لأميره ولجميع أعضاء المنتدي

شكرا2

الأخوه الأعزاء

حرية الرأى مكفوله للجميع ولا نستطيع إقناع الناس أجمعين بوجهة نظر معينه
لأن الناس ليسوا على شاكلة واحدة ومنهم من يرضى بالحق ومنهم من يرضى
بالباطل ومنهم من لا يرضى بذاك أو ذلك أو من يسمع صوت نفسه فقط.

مثال

شخص يدخن السجائر وهو مقتنع تماما أنها شىء صحيح ولا ضرر منه فهذا
رأيه وهو حر فيه "حتى لو ولع فى نفسه هوه حر برضو" إنما ينادى بالسجائر
ويعملها قضيه أو يمنعنى إنى أقول رأيى دى شىء غير مقبول بالمره لأنك حر
مالم تضر أخى المهندس وحدود حريتك تقف عند حدود حرية الآخرين.

لذلك أرجو إن كل فرد منا يقول رأيه فى الموضوع ده ومحدش يرد على حد
وأعتقد الرأى الغالب واللى الناس هتجمع عليه هوه اللى هيبقى صح طبعا
وهو اللى هيسود رغم آراء قلة من الناس والحق كلمته فوق دايما.

وأنا ضد قفل المواضيع عشان رأى فرد غلط بالعكس لازم يبقى فيه ضد ونقد
عشان يبان كل حد حقيقته ويبان الجوهر وطعم الحق والشىء الصح يبقى أحلى.

وبخصوص رأيى فى الموضوع فأنا بقول يعنى
مينفعش أقعد فى كبارية مثلا واقول هقعد بإحترامى أو هشرب شاى وبس!!
أو أروح عند شقة بنات وأقول مثلا أنابييييب!!!
أو أروح فى نص الليل للمدرج وأقعد فيه وأقول أنا مش هضر حد ومحدش له دعوه بيا!!

أعتقد إنى مينفعش أحط نفسى فى شبهه أنا فى غنى عنها

وممكن أخد الموضوع ببساطه أكبر من كده إنى البنات متضررين من قعاد السلالم ده
وهما طالبين إنى محدش يقعد عشان بيتكسفوا من الحكاية دى والأسلوب طبعا بمنتهى
الذوق والأدب والإحترام وعشان محدش منهم يقدر يكلم حد ويتحرج حد من الطرفين
فتبقى رساله عامه إنى الفعل ده بالنسبالهم غلط وبيأذيهم وبسسس.

وأنا عن ذات نفسى بحاول قدر الإمكان ماقعدش لأنها قعدة مش اللى هيا يعنى
عشان أنادى بحلالها وحرامها وإن شاء الله لما تفتح الكافيتريا يمكن العملية تتنظم أكتر
من كده وربنا يصلح الحال.

والله الموفق

بسم الله الرحمن الرحيم

انا طبعا بوجه الشكر الى الساده الاعضاء والمشرفين والمديرين
وبحب اقول تعقيبا على رد المدير انى باحترم كل كلمه قولتها
وانى اخوانى ما اذيتش حد
لكن انا معترف انى بقعد على السلم مع ان فى ناس اتكلمت فى الموضوع وهى بتقعد
بس فالاعتراف بالخطا مش عيب او دا ميدلش على انى انسان غلط او ناقص او زى ما تقال فى حد تعبير الناس انى مش مسلم
أعوذ بالله
انتوا رمتونى باقبح شئ وهو التشكيك فى اسلامى
طيب تعقيبا على الكلام
ان فى ناس برده بترو تصلى او بتبان قدام الناس انها بتعمل حاجات كويسه مع انها مش كويسه من داخلها ولكن
"لاترموا الناس بالباطل " وعلى ما اعتقد برده انتوا لسه ما فهمتوا كلامى
وردا على كلام الخريج
انا لاحظت انى مش بجادل دا انت اللى بتجادل ودليلى على كده انك فى البروفايل بتاعك وظيفتك انك بتدور على المشاكل مشكلجى يعنى طيب واحد وظيفته يدور على المشاكل بيحاول يحل مشكله ازاى!!!!!!!!!
وعلى فكره انا ليا فتره مش كتيره ولا قليله مبقعدش على السلم
بس برده بحب اوضح انى عايز نتطلع الى مواضيع اخرى تفيدنا وتفيد كليتنا
وثانيا انا عارف ان فى الكتير من اخواتنا الطالبات بتضايق انها تعدى من على السلالم
بس برده ليه ما اتكلمتوا على الاماكن المخصصه لل ( ) اللى هى ممكن من خلالها تأذى المسلم او المسلمه
انتوا تعرفوا انى بحاول انى اعمل معسكر جواله من شهر او اكتر وبحاول انى الاقى طريقه لتمويل المعسكر وذلك للأتى:
نقل المظلات لأماكن أخرى
دهان المظلات القديمه و إصلاح التالف منها
طيب برأيكوا لو المظلات دى اتحسنت هل فى حد هيقعد على السلم
دا اللى كنت بقصده
لكن لقيتكم اتقلبتوا عليا ونعتونى بألفاظ مش كويسه
واخ فاضل يقول انا غلطان انى رديت عليه وانا اسف يا أخ جودز انى رديت عليه وما عملتش بكلامك
طيب انت ليه ما سالتنيش انا قولت الكلام دا ليه
مع ان مش البنات لوحدهم هم اللى بيتحرجوا فى كليتنا دى بس
محدش اتكلم هو ليه فى تعنت من جانب أحد الناس بعدم الرقى بالكليه
وكأن الواحد لو طور الكليه ممكن يموت فيها
محدش اتكلم ان ( ) مكروه ومن عمل الشيطان
وبرجع فى الاخر واقول زى ما بتقول الناس كلها وبالذات فى كليتنا "وانا مالى"
فياريت اللى يتكلم فى الموضوع ميردش على كلامى تانى وياريت يأتى بحاجه جديده او مفيده
ومنقعدش اللى نبات فيه نصبح فيه
وهو دا اللى مأخرنا
وشكرا على سماعكم لرأيى بصدر رحب
وأنا اسف لو انى جرحت اى حد فيكم
بس انا كده ومش كونى انى لازم اعارض
لكن الاعتراف بالحق فضيله
وشكرا مره اخرى

» طلب لو سمحتوا
» طلب برنامج بريمافيرا 6 لو سمحتوا
» ممكن أطلب لعبة لو سمحتوا ...
» ممكن رسم هندسى لعمارة سكنية لو سمحتوا
» قاعة الاستذكار داخل الكلية