قلة أدب

كنت دايما وانا صغير باسمع شتايم في الشارع...كنت ببقى عايز اعرف معنى الشتايم دي...عمري ماجربت اقولها او انطقها او اني اهين بيها حد...عيب
بس مكانش عيب ابدا اني احاول اعرف معناها وخصوصا ان احنا كمصريين عندنا قدرة غريبة في تلوين الكلام واستنباط الفاظ جديدة وشتايم غريبة
والحقيقة اني لما كبرت وشفت الدنيا واديني ماشي فيها بشوف واتعلم عرفت ان الشتايم والالفاظ دي مش دايما عيب
لأ ساعات بتتقال في موضعها وبتكون مطلوبة جدا لتوصيل معنى واقعي او تفريغ انفعال ووقتها عمرها ماتبقى قلة ادب

يعني لما اتفرج على محامي ممدوح اسماعيل وهو بيتكلم في العاشرة مساء واعلق عليه...دي عمرها ما تبقى قلة ادب

ولما اتفرج على اي مسئول حكومي او وزير بيتكلم عن التنمية ورغد العيش والمواطن المصري واقول رأيي...دي عمرها ماتبقى قلة ادب

ولما الناس كلها ميبقلهاش سيرة غير سبوبة الاسعاف...قصدي شنطة الاسعاف وارد واتكلم...دي عمرها ماتبقى قلة ادب

لما الثانوية العامة يحصل فيها كل اللي حصل والوزير يفضل في مكانه يبقى وقتها الكلام عمره مايبقى قلة ادب

لما الاعلام الحكومي يتكلم عن الطفرة التكنولوجية اللي هتظهر في شوارع مصر بعد تطبيق قانون المرور الجديد يبقى تعليقي وقتها عمره مايكون قلة ادب

لما الحكومة تأكد على توافر بنزين 80 في الاسواق يبقى الرد ساعتها عمره مايكون قلة ادب

لما يطلع احمد الهوان (جمعه الشوان) اليومين اللي فاتوا ويقول انا كنت متجوز سعاد حسني عرفي...يبقى لما اشتم ساعتها متبقاش قلة ادب
.
.
وغيرهم كتييير اوي
ياترى انا عندي حق ولا لأ؟
eek

آاااااااااااااه نسيت

.....

م ن ق و ل

فعلا
لان السكوت في المواقف دي هو اللي قلة ادب
شكرا عالموضوع

مع شديد إحترامي

بس الرد إللي يكون غير محكوم بمنطق

دايما حيكون خالي من الأدب

أنما الأدب كله

لما تقول كل إللي أنت عايزه

و متسيبش حاجه

و من غير ما تغلط في حد أو تجرح حد

ده يبقي قمة الأدب و الذوق

شكرا علي الموضوع الرائع ده

و في أنتظار الجديد منك دائما

تقبل مروري المتواضع

قلة أدب 632320

صح والله ، تقدر تقول رأيك بمنتهى الأدب ، واحياناً لو مش قادر ناخد حقك بتقول رأيك بأدب جواه قلة أدب جامدة ما بيشعرش بيها محدثك ، لكن الأحسن من كده تقول رأيك بأدب من غير أي مقاصد ، وتبقى حليم زي النبي صلى الله عليه وسلم ، وزي معن ابن زائدة ، وشكراً على الموضوع .