كارثة في هندسة الاسكندريه

انا لقيت الموضوع ده علي FACEBOOK وهو كالاتي
مبنى كهربا في هندسة اسكندرية حيقع فوق دماغ الناس و المبنى يعاني من ساعة ما اتسلم في السبعينات
.... الحقوا الكارثة قبل وقوعها بقى خنقتونا
حنموت تحت الانقاض
المبنى بعد ما كان ايل للسقوط بس دلوقتى مال و العواميد من كتر الحمل شرخت
كل العاملين فى المبنى مرعوبين
المشكله بقى لما الدراسه تبدا و الحمل يكتر يا ترى ايه الى حيحصل و المبنى بيدخل فيه اكتر من 7000 بنى ادم كل يوم
المشكله كمان حتى لو المبنى وقع و مفيهوش حد دا فيه معامل ب ملايين و كتب نادرة كل دا حيتعوض ازاى
ده كان كلام الطلبه في كليه الهندسة بالاسكندريه ودي كمان صور
كارثة في هندسة الاسكندريه 628286555

طبعا انا مش مستغرب علي الموضوع لان بصراحة معظم الكليات الحكوميه
بها تجاهل في الترميمات والصيانه الدوريه
وطبعا ده ظاهر جدا فب مبني الورش عندنا في الكليه وكمان في شروخ في مبني المدرجات
مع العلم ان كلينا لم يمر عليها اكثر من عشرة اعوام
فلماذا يتوقف المسئولين عن هذه الكليات فالحفاظ عليها وتطويرها
مثل الكليات الخاصة

يا ستيييير يا رب
طيب هوه مفيش فلوس يرمموا المبانى يعنى؟!!
لو قسم مدنى عندهم ركزوا فيها هيرمموها وتبقى فل الفل
غير كده دى هندسة إسكندريه أكيد هيظبطوها يعنى
شكرا على الموضوع يا بشمهندس

ياراجل عادي خلاص احنا وصلنا لدرجة اللامبالاة من كتر الكوارث ياعنى نسمع قطر ولع باللي فيه عاادي هات اللى بعده عبارة ولعت وغرقت باللي فيها عاااااادي بردو ا صخور انهارت وهرست البنى ادمين تحتها عااااااااااااادي ومليون عادي كماان ياراجل كتر الحزن يعلم البكى خلاص احنا نحسنا من كتر الكوارث واحلى حاجة اننا في الكلية لو حد مات هيرموه في الجبانة ولا من شاف ولا من دري شكرا ياريس على الموضوع

كتر خير المبني صراحة معمول من امتي؟؟؟؟؟؟؟؟
دة اعتبروه مبني اثري خلاص
او عشان يمكن هما مش عايزين يلعبوا فيه ويغيروا في بنيانه
محدش عارف....... يمكن يكون في سر التحنيط واحنا مش عارفين.......
وبعدين اكيد يا جماعة هيرمموه اكيد
بس بعد الاجراءات البسيـــــــــــــــــــــــطة جــــــــــــــــــــدا اللي الحكومة بتاخدها
يعني بعد اللجنة والفحص والمحص والميزانية لاتسمح
فوت علينا بكرة يا سيد
وهات الشاي ياابراهيم
يكون المبني وقع عاللي فيه
والناس ندبت حظها
دة الواحد لما بيكون عندو ابن في هندسة شوف بيصرف عليه قد ايه كل يوم
فكدة الحكومة تريح اهالي الطلبة دول وترحمهم من المصاريف الفارغة

وان شاء الله
متخافوش
المبني هيترمم لا كمان دة هيتبني من جديد
بس بعد ما يقع باذن الله

الله يرحـــــــــــــــــــــــــمنا

فعلا امر خطير يا بشمهندس بس احنا للاسف

اتعودنا اننا منتحركش وندور على حل للمشكلة

غير لما تقع وتبقى كارثة...وللاسف السلوك ده فى مصر بس
الله يرحـــــــــــــــــــــــــمنا

فعلا يا بشمهندسة........ربنا يرحمنا ويهدينا على انفسنا

والله العظيم عار تبقى كلية هندسة بالشكل ده

ربنا يصلح الحال

"معاك حق يابشمهندس / جودزيلا فى رأيك وفعلا كل حاجة فى زمنا ده بقيت عــــــــــــادى"
شكرا2

the king على الموضوع

بسم الله الرحمن الرحيم

لما كل هذا الإنزعاج !!!!!!
هو إنتم ما سمعتوش بالمثل القائل ((((((((( باب النجار مخلع )))))))
أنا أعرف مهندس عايش في بيت بناه من سنة 1985 م وحتي اليوم لم يعملوا محارة من الخارج ولم يركب له درج للسلم نعم والله العظيم أنا شفته ودخلته ومع ذلك شفت في البيت شروخ ولما سألته قال عادي مفيش ضرر ولا حاجة والسلم سايبه على صب الخرسانة مركبش حتى درج موزايكو مش رخام مع إنه كان أجر عامل وصب درج دور ثم بعد ذلك باعه
مش كده أفيدله
مش بقول للك يا بشمهندس باب النجار مخلع
الله يستر علينا ونخرج من هذه الدنيا على خيرررررررررر

ياعم انت مش اهم حاجه انك بتاكل وبتشرب وبتنام خلالالالالالالالالالالاص مش مهم اى حاجه تانى وبعد كده قولى انت ناقصك ايه ف غيرك مش لاقى تخته يقعد عليها وانت بتقول يرمموا الكليه ياعم لما تقع يبقى يحلها الف حلال . طبعا ده مش كلامى ولا وجهه نظرى بس انا بتريق ع الوضع اللى احنا بقينا فيه وع راى المثل "هم يبكى وهم يضحك" وحسبى الله ونعم الوكيل . لغايه امتى هيحسوا بينا لازم لما المصيبه تقع والناس تموت ونقول تعالوا ياحكومه . ياريت يابشمهندس تتابع الموضوع ونعرف منك اخر الاخبار وصلت لايه !!!!. رغم انه انا واثق انه مفيش جديد ومش هسمع اخبار غير لما يقع المبنى ع دماغ الطلبه وربنا يسترها معاكم ومعاكم وحسبى الله ونعم الوكيل هو الوكيل والمتصرف stragel

معلومة محافظة الاسكندرية رافعة قضية علي الكليه عشان تاخد الارض اللي عليها

وعاوزنهم ينقلوهم من المبني الي مبني جديد بعيد جدا
والكليه رفضة عشان كدة ممكن تكون رافضة حكايه الترميم
عشان يرخرجوهم
بس للاسف هيجي علي دماغ الطلبة والمعامل

[size=24]ممكن حد يكلمنا عن النوع ده من الاسقف[/size]

الحقيقة أننا اعتدنا مثل هذه الأمور المؤسفة ولآخر نقطة طرحها the king المشكلة بين إدارة الكلية والمحافظة ولكن لا يهم من سيدفع الثمن المهم هو ألا تأحذ المحافظة هذه الأرض وهذا هو حال البلد كل مؤسسة تعمل منفصلة بذاتها بدلا من التكامل لأجل المصلحة العامة وكأن كل مؤسسة فى دولة منفصلة لا فى نفس المكان ونفس البلد الذى تعمل لمصلحته
ولكن لنا الله

يارااااااااااااااااااااااااااااااااااااااااااااااااااااااااااااااااجل

أحلى حاجة إني المفروض كنت أحول كهرباء في إسكندرية بس بعد ماعملت الإجراءات كلها طلبو مني أتأخر سنة لغاية ما أخلص فرق المواد إللي ما بين أسيوط وإسكندرية وأنا رفضت دا ، بس كنت زعلانة ، بس الحمد لله أكيد في خير ، ومتقلقوش خالص لو وقع أكيد مش حيكون في ضحايا ، ولو في ضحايا مش حيكونو كتير، ولو كانو كتير تبقى مش غلطة مسؤولين دي غلطة الطلاب عشان بيستخدمو المعامل بطريقة غير حضارية وحتبقى قضاء وقدر ، بص المهم الغلط عمرو ما حيكون على الغلطان :)

بصراحة حاجة تكسف

sob7an Allah
w la 7awl wala qowa ella be Allah
7aga teksef cry

الشعب المصري خلاص اتعود على الحجات دى عبارات بتغرق قطارلت بتتحرق مبانى بتوقع يعنى الموضوع ده عادى ولما المبنى يوقع على روؤس الطلبه بردو هيكون عادى

يا جماعه حد بس يخطف رجله ويوصل الريس يتوسط للكليه زى البت بتاعة الاعداديه

الى نجحها بعد ما سقطت فى التعبير؟
يمكن يكون ما يعرفش؟؟؟؟؟؟؟؟

m2a كتب:: يا جماعه حد بس يخطف رجله ويوصل الريس يتوسط للكليه زى البت بتاعة الاعداديه

الى نجحها بعد ما سقطت فى التعبير؟
يمكن يكون ما يعرفش؟؟؟؟؟؟؟؟

لأ طبعا الريس تلقى نايم دلوقتى عشان يصحى بدرى يصلى الفجر حاضر !!!

اللى ممكن نبلغه هو الرئيس المفدى / الشاب جمال

عشان هو اللى ماسك الميكروفون دلوقتى وبيطلع فى كل حاجه وأى حاجه وبيهزر كمان !!!

ربنا يتولانا برحمته ويرفع البلاء عنا.

والله الموفق

» هو منتدانا _ منتدى هندسة اسوان ولا هندسة حلوان ؟؟؟
» مجموعة كتب الكترونية كهربائية عن الجهد العالى و هندسة التوزيع الكهربائي و الكيابل و هندسة القوى الكهربائية و صيانة الراديو والتلفزيون.
» كارثة في غزة المحاصرة
» كارثة التنصير في مصر
» صدمه بمثابه كارثة............