عيوب مهنة المهندس المدنى "قبل ما يعقل يا جدعان".

ا


1- تجيب الضغط و السكر على المدى المتوسط و احيانا يتبقى زبون دائم فى المصحات النفسيه و العصبيه
2- مهنه ناشفه قوى عمال و صنايعيه و مقاولين و طوب ورمل و زلط مفيش فيها اى حاجه طريه خاص
3-مهنة من لا مهنه له - بمعنى ان كل من هب ودب بيفتى فى الخرسانات و التسليح -مع انه ممكن يكون بنى ادم غبى و بياكل برسيم و الالعن من كده انك ممكن تلاقيه من كتر اكل البرسيم خلاص قرب يخضر (يبقى اخضر)
4- مهنه تشجع بصوره او بأخرى على الطلاق
ليه ؟؟
علشان بيطلع عينك فى الشغل و بتبقى خلاص هتطلع من هدومك
و ترجع البيت تلاقى الست هانم بتقولك انت جيت ؟؟!!!!
سؤال غبى طبعا فترد عليه
لا انا لسه مجتش هو البعيد اعمى ولا بيتغابى
او الصبح و انت صاحى بدرى مش شايف متر قدامك
تسألك انت رايح الشغل ؟؟!!!!
ترد عليها لا رايح اصيف متعرفيش المايوه بتاعى فين ؟!!!!
حاجه تحرق الدم
طبعا الحوار هيتطور و يوصل لمعركه من الاسلحه المشتركه (شباشب - جزم - ايد المقشه -...... الخ)
5- المهنه بتبهت على صاحبها فمثلا ممكن تعمل مقايسه للفطار بتاع بكره و تعمل حصر للكميات
ومش بعيد كمان انك تنزل كراسه شروط و مواصفات
ومش بعيد تنشرها مناقصه او ممارسه او ممكن تسندها بالامر الماشر للمدام(ده لو لسه على ذمتك)
6-المهنه دى مهنه التشرد النهارده فى القاهره بعد شهر فى الوادى الجديد بعد شهرين بتبنى موقف اتوبيس فى وسط الصحرا مثلا اى اشتغاله تتبعت فيها وخلاص مفيش استقرار
7-بتتعامل مع خلاصه اغبياء الكوكب اللى ميعرفوش الفرق بين الميه و الجاز
و طبعا من عاشر القوم اربعين يوم بقى منهم فتلاقيهم غصب عنك بهتو عليك و تبدا تتوحم على البرسيم
وهناك المزيد و المزيد
بس مازلت احبها و سأظل احبها للأبد (المهنه)
علشان محدش يفهم حاجه كده ولا كده للاسف مفيش وهو ده العيب الثامن

مهبوووووووووووووووووووووش

ليه بتقول كده يابشمهندس
دة بالعكس بقى اعتقد ان مدنى دى عاوزة الدماغ والبرسيم ده بقى لناس تانى
سورى يعنى البادى اظلم

امل كتب:

ليه بتقول كده يابشمهندس
دة بالعكس بقى اعتقد ان مدنى دى عاوزة الدماغ والبرسيم ده بقى لناس تانى
سورى البادى اظلم

شكرا على مروركم يا بشمهندسين ويا بشمهندسه أنا كاتب فى بياناتى غيابات الهندسه المدنيه
يعنى مدنى بالعربى والموضوع كله مجرد دعابه وفى قسم الضحك لذلك لا حرج منه.
والله الموفق

لو لم اكن كهربا
لوددت ان اكون كهربا

miss_esadora كتب:

كويس انها جات منك يا حبار
مدني


مفيش احسن من الحرملك

اه فعلا محدش يقدر يتكلم طبعا علينا غير كده الحرملك حكايه فعلا لا محصل مدنى ولا كهربا
بين البينين وشكرا على مرورك الجميل يا دودى وأنتى كمان يا إيسادورا.

YAMEN كتب:

طيب الكلام دا كلو صحيح وممتاز جدا
ومبدئيا انا محذر خطيبتي عشان هترجع بيت ابوها بعد اسبوعين
اللي هما بتوع العسل من الاخر

انما مننساش برضوا ان قسم مدني يا حبار يا صديقي ليه فوايد كتير
ازكر منهم على سبيل الحصر :
- طبعا هدومك هتتوسخ من الشغل ( بيتومين - بويه - تراب .... الخ )
كويس هتلاقي حاجه تشغل بيها الست هانم بدل ما تقولك اشتريلي ولا تعالى فسحني ولا تعلقك انتا من قفاك

- المهنة دي والحمد لله فلوسها كتير واحسن من غيرها ( محدش يزعل مني ) واسالوا في سوق العمل

- اي مدير مشروع وبتحدي لازم يكون مدني حتى لو بتاع ميكانيكا او كهربا اكبر منه طبعا ما عدا المشاريع المتخصصه زي البترول او المصانع وغيرو انا بتكلم على تنفيذ المشاريع
مياه - صرف - طرق - انشاءات - كباري - طرق .... الخ
طبعا ما عدم انكار فائدة باقي المهندسين من باقي الاقسام لان الكل بيكمل بعضه

طبعا لو احنا مش موجودين لا كان حد سكن ولا حد اشتغل ولا حد عرف ياكل او ينام تحت سقف يغطيه ولا حد اتحرك من بيته للشغل ولا حد شرب مياه او ودا الصرف بتاع بيته فين
او حتى فكر ازاي يتحرك على الارض بدون طرق او انارة او او او او او او او او للصبح


ومحدش يزعل مني انا بهزر وبكمل اللي الحبار بيقوله

كلامك عشره على عشره يا صاحبى ولا جدل ولا جدال فيه
ولو لم أكن مدنيا لوددت أن أكون مدنيا