ازيكم يا بنات ؟؟ عاملين ايه ؟؟
وحشوكو هبه وهيام ولا لسه ؟؟
عموما انا جيبالكم انهارده
.
.
.
.
.
الحلقه الثالثه
.
الحلقه الثالثه:المشهد السابع: " شابين في الشارع"
هادي:يااااه كان يوم خطير
شادي: اه فعلا .... هيام دمها خفيف اوي ولذيذه جدا
هادي: وحساسه ورومانسيه وتحفه و..وو...و ايه ده كله ؟ ناقص تقول مقدرش اعيش من غيرها
شادي(مبتسما): لا مش للدرجه دي بس القعده معاها حلوة
هادي( ناظرا الى اللا مكان):لا هبة هي اللي هاديه وكويسه وجميله اوي
شادي( بخبث): تقدر تعيش من غيرها؟
هادي:هههههههه اه اقدر .... بس انا معجب بيها
شادي: شجعتني ... وانا معجب بصراحه بهيام
هادي : وديانا ورانيا نوديهم فين؟
شادي:خليهم يعني هنوديهم فين؟
هادي:بصراحه ديانا انا كنت بحبها زمان بس دلوقتي ....حاسس ان وقتها راح....او ... ... يعني بقت حاجه عاديه او مش عارف افهمك
شادي: فاهم تقصد ايه زي رانيا بس انا عمري مقلتلها اني بحبك بس تصرفاتنا كانت حاجه زي كده 0000 بس مش كده يعني مش عارف افهمك
[المشهد الثامن: " فتاتين في غرفة معيشه "
ديانا : كل سنة وانتي طيبه يا رانيا
رانيا: مرسي كان يوم جميل
ديانا : اه .....انا بحب اللمه والهزار والضحك وكده
رانيا :من زمان مقعدناش قعده زي دي
ديانا: انا فرح اخويا قريب هنتجمع كلنا تاني
رانيا: الف مبرووووووووووووك عقبالك
ديانا : لا انتي الاول
رانيا : ولاتزعلي نفسك احنا الاتنين في يوم واحد ههههههه
المشهد التاسع : "فتاتين تستعدان لركوب وسيله مواصلات"
هيام: الميني بص زحمة مفيهوش مكان
هبة: اركبي وخلاص بقالنا ساعة واقفين
( يستقلان الحافله)
هيام : اوف هنفضل واقفين كده؟ الولدين دول شكلهم بيقفوا عشان نعد مكانهم.
هبة: يا سلااام على شهامه الشباب المصري كاننا اخواتهم
الشابين : اتفضلوا اقعدوا
هبة وهيام: مرسي
احد الشابين : شكلكوا في كليات.
هبة : اه
الشاب: عاملين ايه في الكليه ؟
هبة : الحمد لله
الشاب:انا حسام في كليه اعلام وسامر زميلي في الكليه
هبة : اهلا وسهلا
الشاب: مش هتعرفينا؟
هبة : اه طبعا انا هبة وهيام زميلتي في الكليه
الشاب: اهلا وسهلا باين عليكم سنه اولى
هبة: اه مظبوط لسه سنة اولى .
الشاب: وايه رايك ثانوي احسن ولا الكليه؟
هبة: زي بعض بس الكليه اريح شويه
الشاب: طيب عايزين نشوفكم في الكليه
هبة: ان شاء الله
الشاب: ممكن نمرة الموبايل؟
هيام (بعصبيه) :آآآآآآآآآآآآه نمرة الموبايل طيب قول كده من الصبح
الشاب( باستغرب): هو في ايه؟
هبة ( هامسه): هيام عيب
هيام: ايه اللي عيب؟ وشهامه الشباب المصري وفلاحة الشباب المصري.... ده طلع تظبيط الشباب المصري
الشاب: كل ده عشان عايز النمرة ايه العقد دي خلاص بلاش مش عايز حاجه
هيام:عقد؟ انا عقد؟ وانت لزقه يلا يا هبة ننزل
الشاب: اتكلمي باحترام
هيام: احترام؟؟؟ ده انت لزقلنا من الصبح احترام ايه ده ؟ يلا يا هبة ده لزقه اوي
(ينزلان )
هيام( بحماس): ها ايه رايك فيا؟ مش كده يبقى عندنا ولاء لهادي وشادي؟
هبة: يا لهوي يا لهوي ولاء ايه ووفاء مين بس
هيام: في ايه ؟ انتي عايزانا نعرف كل الشباب وسيرتنا تبقى على كل لسان؟
هبة: يا لهوي يا لهوي على الغباء
هيام: ايه يا بنت محنا عارفين هادي وشادي لازمته ايه حسام وسامر هي طفاسه وخلاص؟
هبة: يا لهوي يا لهوي
هيام : خلاص خلاص متزعليش خيرها في غيرها ولو اني مش فاهمه حاجه
هبة: يا لهوي يا لهوي
.
.
.
موضوع: حلقات متجددة لبنات اليومين دول 
الأربعاء 10 سبتمبر - 19:06
بس عندنا المجتمع ذكوري اوي
: نعم يا ختي ...ذكوري؟
