1500 مواطن يتجمهرون في أسوان احتجاجاً علي اعتداء 4 ضباط بالض

أسوان- تجمهر نحو 1000 مواطن، و500 محام من أهالي مركز إدفو في أسوان
احتجاجاً علي اعتداء 4 ضباط من قوة مركز الشرطة بالضرب علي المحامي أحمد
إبراهيم الدسوقي، الشهير بـ «أحمد علي الله»، الذي كان في المركز للإطلاع
علي محضر خاص بأحد موكليه.وقال الدسوقي لصحيفة المصري اليوم إنه
كان في المركز يحضر التحقيق مع إحدي المتهمات، وبعد انتهائه كان يستعد
للذهاب إلي النيابة معها، وبصحبته محام آخر يدعي عمر، وفوجئ بأمين الشرطة
الذي يرافقه يتحرش بموكلته، لافتاً إلي أنه نهره علي فعله المشين فوقعت
بينهما مشادة،وخرج أحد الضباط من غرفة النوبتجي، يدعي رامز، ووجه
له وزميله عمر سيلاً من الشتائم البذيئة. وأضاف الدسوقي أنه طلب من الضابط
أن يتحدث باحترام، لأنهما محاميان، فما كان من الضابط إلا أن ركله،وانضم
إليه 3 آخرون وأوسعوه ضرباً بالأيدي والأحذية وكعوب المسدسات، مؤكداً أنه
أفلت منهم وهرول إلي الخارج للاستعانة بالمارة، وظل يجري حتي وصل إلي مبني
المحكمة، وهي مسافة ليست قصيرة، لكن الضباط الأربعة كانوا يلاحقونه ونجحوا
في الإمساك به، وأكملوا الاعتداء عليه، لافتاً إلي أنهم ضربوه ضرباً
مبرحاً حتي أفقدوه الوعي، فنقل في حالة سيئة إلي مستشفي إدفو المركزي
للعلاج.وعلم محامون بالواقعة بعد حوالي نصف ساعة فتجمهروا أمام
مركز الشرطة، وانضم إليهم نحو 1000 من أبناء العائلات الكبري التي ينتمي
إليها المحامي، مطالبين بالقصاص من الضباط الأربعة.انتقل إلي موقع
الأحداث المحافظ مصطفي السيد، واللواء مصطفي توفيق، مساعد أول وزير
الداخلية، والمهندس عمر محمدين، سكرتير عام المحافظة، في محاولة منهم لمنع
تفاقم الأزمة، وعقدوا اجتماعاً مع المحامين استمر حتي الثالثة والنصف من
صباح الخميس ووعدهم المحافظ في نهايته بوضع حد لتجاوزات "القلة التي تسيء
إلي رجال الشرطة".وأعلن محمد فهمي كرورة، نقيب محامي أسوان الإضراب
العام عن العمل بجميع محاكم أسوان، اعتباراً من اليوم، وحتي الانتهاء من
التحقيقات.

اقتباس :: ووعدهم المحافظ في نهايته بوضع حد لتجاوزات "القلة التي تسيء
إلي رجال الشرطة"

ده شغل مسخره أصلا والمحافظ بيحاول يهدى الموقف بشكل منفر ومخزى
هوه خلاص أستعبدوا الناس وسهل إنه يهتكوا المحارم ويضربوا الناس
المفروض يضربوا بالجزم زى مضربوا الراجل ده والعين بالعين ولو كانوا
عندنا لأنتقلوا إلى رحمة الله من زمان.
والله الموفق

الحبار كتب:: ولو كانوا
عندنا لأنتقلوا إلى رحمة الله من زمان.
والله الموفق

الحاجات دي بتحصل في كل مصر
وربنا يرفع بلاؤه عنا

انها حقا ازهى عصور البلطجة

على فكرة التجمهر كان فى ادفو بعد حادثة الضرب مباشرة
وصمم المتجمهرون الدخول الى قسم الشرطة
وقتل الظباط الاربعة الذى لايتجاوز عمرهم الثالثة والعشرون
وتم الاتصال بالفور بالسيد المحافظ قبل ان يتفاقم الامر
واستدعاء قوات امن مركزى من محافظة قنا لتدعيم الأمن
وتم ترحيل الظباط الاربعة الرابعة فجرا فورا قبل ان ينال منهم احد
(( هههههههههه والله وقعوا ومحدش سما عليهم ))

بس ياجماعة اللى حصل مش كده اللى حصل فعلا انه المحامى كان مع موكلته فى قسم الشرطة وكانت متهمة بسرقة جارتها وكانوا هياخدوها على النيابة فقام أمين شرطة بوضع الكلابشات فى ايدي المتهمة فالمحامى قله مفيش داعى للحديد لانها مش هتهرب وبعدين منظرها قدام اهلها والناس مش كويس وكده كده هيعملوا صلح بينهم فمفيش داعى

فأمين الشرطة اقتنع وشال الكلابشات شافه احد الظباط الاربعة وهاتك يا ........
وتطاول على المحامى وهاتك ياضرب وانضموله التلاته التانييين بس وباقى القصة كما هو

والله لو سابو اهل ادفو عليهم لياكلوا الظباط اكل بس على فكرة الكلام لو وصل لوزير الداخلية هيظبط الظباط دول صح لانه سمعت كتير من ظباط الشرطة انه مش بيرحمهم خالص وخصوصا اما الموضوع يوصل والناس تعرفه المفروض يحمد ربنا ان البندر اللى حصلت فيه الواقعه مش في دشنا كانوا نزلوا لهم بالالي والاربجي

اقتباس :

المفروض يحمد ربنا ان البندر اللى حصلت فيه الواقعه مش في دشنا كانوا نزلوا لهم بالالي والاربجي

موافقك في دي , والجديد ان حاليا في ضرب في قرية السمطة في دشنا واتقتل اربعة وبتوع السمطة بيدوروا علي القتلة والموضوع ده خلاني الغي سفري لدشنا لاجل غير مسمي لان الوضع غير مستتب

اقتباس :: والجديد ان حاليا في ضرب في قرية السمطة في دشنا واتقتل اربعة وبتوع السمطة بيدوروا علي القتلة والموضوع ده خلاني الغي سفري لدشنا لاجل غير مسمي لان الوضع غير مستتب

هما مش مجموعة قتله ده واحد بس ومتخانق مع ولاد عمه على الأرض فضربهم بالنار هما الأربعه واتمسك بعد كده وخلصت الحكايه.
والناس زعلانه مش أكتر وحاله من الحزن لأنها جريمه خدت القاتل والمقتول وللأسف
لسه الطمع موجود ومش فى دشنا بس فى كل حته الإجرام لو حبيت تدور يعنى وبخصوص
نزولك دشنا تشرف فى أى وقت مفيش حاجه يعنى.

موضوع تجاوزات ضباط الشرطه ده لازم مايستكتشي عليه عشان مايتكررشي

لان الاعتداء زاد اليومين دول ... واللي حصل معاه المشكله دي محامي مش واحد مجرم ولا حاجه

ومعروف ان اهالي ادفو مابيبطلوش شكاوه فايريت بقى يقفوا كلهم مع بعض لحد مايتسجن الضباط دول

فــــــي حاجات بتحصل اكتر من الضرب من الظباط وفي جمع انحاء الجمهوريه

» ١٥٠ مواطناً بالمنيا يقطعون طريق «مصر - أسوان» احتجاجاً على إزالة مسجد
» محامو الإسماعيلية يواصلون إضرابهم لليوم السادس احتجاجاً علي ممارسات رئيس المحكمة
» اعتداء همجى على مراسلوا ال ART فى نهائي كاس الأمير فيصل
» جرائم قتل ارتكبها ضباط شرطة في «الشارع» خلال أسبوع.. يا حضرة الضابط إنت مش في القسم!!
» تحطم الآمال الأمريكية في سباقات 1500