YAMEN
خريج هندسه أسوان دفعة 2002
عدد المساهمات : 1100
تاريخ التسجيل : 10/04/2008
العمر : 45
الموقع : K . S . A - المدينة المنورة
رقم العضوية : 1006
Upload Photos : 
 |  موضوع: يلا نعمل حاجه مفيدة في رمضان  الجمعة 29 أغسطس - 6:06 | |
|
بسم الله الرحمن الرحيم
وبه نستعين
يا رب الموضوع يعجبكم وتوافقوا عليه
بما ان ربنا انعم علينا بنعمة رمضان
وهو شهر الخير والبركة والتسامح
فانا بقترح ان كل مجموعه من كل مدينة تعمل اجتماع صغير كدا
ونروح لاقرب دار ايتام
نفطر معاهم
والاكل هيكون بالمشاركة المالية او من بيت اي حد يعني بالاتفاق بين الاشخاص
والموضوع مش هيكون مكلف كتير
المهم نحسسهم انهم موجودين
وكمان الخير والثواب هيعم عالجميع
والموضوع مش هيضيع وقت كبير منك غير انه هيكون يوم فطار زي كأنك معزوم برا
او عند حد من اصحابك
وهيتبرع اتنين من الاشخاص انه يشوف دار ايتام في بلده يستحق كدا
شوف كام حسنة هتتكتبلك وانتا بتلف وتدور
وعلى فكرة الدور دي بتحتاج حاجات كتير
ويا ريت مننساهمش
وكمان الاعداد اللي فيها مش بتكون كبيرة
يعني 10 او 15 طفل بالكتير
الاكل مش مهم المهم اننا نكون معاهم
وانا اول واحد --- انا من سوهاج واي حد حابب يشاركني يبعتلي عالخاص ونتفق ان شاء الله
بورك فيكم
| |
|
PRINCESS
مشرف عام على الأقسام ومشرفة قسم إسلاميــات وكورسات هندسيه
عدد المساهمات : 2385
تاريخ التسجيل : 28/06/2007
العمر : 36
الموقع : جامعة أسوان
رقم العضوية : 19
Upload Photos :
| | موضوع: رد: يلا نعمل حاجه مفيدة في رمضان الجمعة 29 أغسطس - 6:35 | |
| والله الفكرة دي ممتازة جدا
كنا لسة بنتناقش فيها انا وميس ار من يومين
وفكرنا في ميعاد مناسب لكل الناس
والسنة اللي فاتت عملنا الفكرة دي
وكانت اول مرة احضر حاجة زي كده
بس فعلا احلي حاجة التجمع بتاعنا مع بعض
واننا نكون مجموعة ونزور الايتام او نهتم بيهم
ونبين لهم اننا مش ناسيينهم
وعلي فكرة بالنسبة للأكل
ربنا بيسهلها .. وبجد .. بعد ما كنا حاسين ان الاكل مش حيكفي
حصل العكس .. والاكل كان زيادة وفاض
وادناه للأيتام
ياريت نفكر في الموضوع
وانا و Miss_R معاكم في أسوان
بس حنكون مجموعة بنات
وياريت الكل يشترك
| |
|
osama jaber
كبير مهندسين
عدد المساهمات : 472
تاريخ التسجيل : 02/11/2007
العمر : 37
رقم العضوية : 186
Upload Photos :
| | موضوع: رد: يلا نعمل حاجه مفيدة في رمضان الجمعة 29 أغسطس - 7:56 | |
| بارك الله فيك بشمهندس yamen وانا معاك فى سوهاج وقنا واسوان
احنا كنا ناويين ننزل المشروع كاول مشروع لينا فى صناع الحياةhttp://asv-univ.editboard.com/montada-f22/topic-t10457.htmفى كتير نفسهم يشاركوا والدايرة بتوسع عشان ميبقاش طلبة هندسة بس لا ده لاى حد عايز يشارك وحاسس بالموضوع بس انا دى التجربة الاولى ليا وفى حاجات محناجة توضيح ياريت كل الى شاركوا قبل كدة يشرحونا الموضوع بالتفاصيل | |
|
osama jaber
كبير مهندسين
عدد المساهمات : 472
تاريخ التسجيل : 02/11/2007
العمر : 37
رقم العضوية : 186
Upload Photos :
| | موضوع: رد: يلا نعمل حاجه مفيدة في رمضان الجمعة 29 أغسطس - 8:02 | |
| دى امثلة للاسئلة الى قابلتها اثناء عرض المشروع على الزمله :
(كل يوم؟ )طبعا لا
(وهنعمل إيه؟)
(بس علشان اقنع الناس لازم اعرف كل حاجة عن الموضوع دا ؟) .
| |
|
MISS_R
مشرفة قسم شخصيات هامه والأدب والشعر
عدد المساهمات : 3628
تاريخ التسجيل : 13/12/2007
العمر : 34
الموقع : Inside you
رقم العضوية : 381
الأوسمه : 
Upload Photos :
| | موضوع: رد: يلا نعمل حاجه مفيدة في رمضان الجمعة 29 أغسطس - 23:11 | |
|
فكرة أكثر من ممتازة أشكرك عليها بشمهندس يامن " رمز التميز "
وسبحان الله فعلاً
زي ما قالت برنسيس كنا لسة بنفكر فيها من يومين
والفكرة أنا عجبتني جداً وان شاء الله ربنا يقدرنا وننفذها
لان فعلاً الايتام في حاجة ماسة لنا ولحبنا لهم
وربنا يقدرنا جميعاً علي فعل الخير
وياريت الكل يشارك معانا
| |
|
PRINCESS
مشرف عام على الأقسام ومشرفة قسم إسلاميــات وكورسات هندسيه
عدد المساهمات : 2385
تاريخ التسجيل : 28/06/2007
العمر : 36
الموقع : جامعة أسوان
رقم العضوية : 19
Upload Photos :
| | موضوع: رد: يلا نعمل حاجه مفيدة في رمضان السبت 30 أغسطس - 7:01 | |
| - osama jaber كتب:
- دى امثلة للاسئلة الى قابلتها اثناء عرض المشروع على الزمله :
(كل يوم؟ )طبعا لا
(وهنعمل إيه؟)
(بس علشان اقنع الناس لازم اعرف كل حاجة عن الموضوع دا ؟) .
انا ححاول اوضح شوية من تفاصيل الموضوع
اول سؤال انت جاوبت عليه وهو ان صعب اننا نعمل الفكرة دي كل يوم
بس علي الاقل لو احنا بدأنا وغيرنا بدأ يبقي الايتام حيكون لهم أكتر من يوم مننا ومن غيرنا
هنعمل ايه؟؟
كل اللي محتاجينه عدد من المتحمسين للفكرة .. ونتفق علي يوم
وعلي بعض المهام لكل واحد
احنا السنة اللي فاتت .. عملنا الفكرة للأيتام .. بس مش اللي في الدار
يعني اتفقنا مع جمعية لكفالة اليتيم علي اليوم المناسب لينا
والحمد لله طلع مناسب ليهم هم كمان وهم كان عليهم مسئولية انهم يوصلوا الايتام لغاية مقر الجمعية
بالنسبة لاستعدادنا احنا ..
كان وقتها في ايام الكلية .. وجمعنا شوية تبرعات من بعض ومن صحباتنا
"بس التبرعات مش حتكون كبيرة لأن معظم الأكل حيكون من البيوت"
كلمنا بعض المعيدات .. جزاهم الله خيرا .. ساعدونا واشتركوا معانا وحضروا اليوم
ولو عايز بعض التفاصيل .. اللي ممكن تتنسي
من الحاجات اللي ممكن الناس تنساها في اليوم نفسه
- تحضير المكان اللي حيكون مكان الأكل
- أطباق فلين "حيتوزع فيها الأكل" ولو حد مش عارف بتتباع فين فممكن اقوله علي الخاص
- معالق بلاستيك او ممكن ناس تجيب معالق معدن من البيوت
- العييييييييش
- عصائر
- بعض الهدايا البسيطة عشان الأطفال الصغار
وعموما اللي حيكونوا مسئولين .. المفروض يكتبوا كل حاجة في ورق
عشان ما ينسوش حاجة
احتمال يكون فيه اختلاف بين لو الافطار اتعمل في جمعية
او لو اتعمل في دار للأيتام
بس لازم نسأل الاول في الدار .. هل الأطفال موجودين ولا لأ
لان عما اعتقد ان الاطفال بيروحوا لأهلهم في الاجازات "الجمعة والسبت"
فياريت نتأكد هل في اجازة الصيف بيسيبوا الدار ولا بيكونوا موجودين
لان دار البنات في اسوان ما فهاش غير طفلة واحدة اللي مقيمة اقامة دائمة
ونسألهم برده عن احتياجاتهم في الدار
وأكيد اسألتنا ليهم .. حتساعدنا
ويارب اكون وضحت شوية من الفكرة
ولو حد عنده أي اقتراحات تانية ممكن نضيفها
وياريت لو حد عايز يشترك .. يقولنا
| |
|
Roo2a-BENZ
كبير مهندسين
عدد المساهمات : 751
تاريخ التسجيل : 02/02/2008
العمر : 35
الموقع : مصر ... أم الدنيا
رقم العضوية : 543
Upload Photos :
| |
