عدد المساهمات : 5020 تاريخ التسجيل : 25/06/2007 العمر : 37 الموقع : سرى رقم العضوية : 10 Upload Photos :
موضوع: ليييييييييييييييييييييييه احنا لأ ؟؟؟؟؟؟؟؟؟ الأحد 24 أغسطس - 22:39
معلهش يا جماعة هو ممكن يكون الموضوع يضايقنا
ويضايق اللى يقراه \\\
بس انا مش متشائم _ أنا بدعو للتفائل في صورة حزينة تشجعنا اننا نبقي ايجابيين
بالشكل المطلوب
لازم تحط في دماغك انك انت اللى بتصنع نفسك مش اللى حوليك هما اللى بيصنعوك
اه فيه فرق بين اسوان والقاهرة
اه فيه فرق بين هندسة أسوان وهندسة القاهرة
اه فيه فرق بين جامعة جنوب الوادى وجامعة القاهرة
لكن مفيش أى فرق يذكر بين مهندس خريج هندسة أسوان ومهندس خريج هندسة القاهرة
بل على العكس
مهندسين أسوان يوجد منهم من هو الأفضل والإكثر ابداعاً عن أى مهندس في أى جامعة
بس هو محتاج شوية تشجيع والأهم اتاحة الفرص
انا ليه بقول الكلام دة كله
لانى سافرت كورس تدريبي في طنطا ما بين طلبة جميع كليات الهندسة والحاسبات والمعلومات في مصر وهى مسابقة الصناعة في مصر MIE
ماضحكش عليكم انا دلوقتى في بكالريوس ماتعلمتش غير الثقة في نفسي والتفكير في حل أى مشكلة تواجهنى أى كانت _ انما علماً يجعلنى أشتغل به لما اتخرج لا شئ _ يمكن اللى ذاكرته مع نفسي self study افادنى اكتر
المشكلة اننا ابعد ما يمكن عن نطاق التفكير في كليتنا المشكلة اننا بنجد التجاهل لشخصياتنا ولافكارنا ونجد فقط السخرية
المشكلة اننا مش بنشوف شركات صناعية ومديرين شركات ع الحقيقة امامنا يكلمونا كإننا مهندسين لنا فكر ولنا ابداع _ المشكلة اننا مش بنكبر في كليتنا غير واحنا في بكالريوس المشكلة اننا مش بنلاقى دعم من الكلية ولا حتى دعم للأفكار المشكلة اننا بنشوف الجودة على ورق ومنتظرين امل بعيد " لما الجنى يطلع لنا الكنز " المشكلة ان في مصر أهم ما فيها المهندسين ونحن خارج نطاق المهندسين المشكلة لما ألاقى شركة intel تعمل معمل مخصوص لهندسة القاهرة به 30 جهاز انتل مجانى وكذلك مع DELL المشكلة لما شركة مايكروسوفت تعطى جامعة القاهرة نسخ أصلية من الوندوز و ال SQL Server مش لمعامل الهندسة فقط ولكن للطلبة ومجـــــــــــــــــــــــــــــــــــــــــــــــــــــــــــانية المشكلة لما الاقى شركة اوراكل Oracle تقوم بعمل معمل متكامل لهندسة عين شمس وهندسة أسيوط المشكلة لما الاقى طلبة كليات الهندسة الاخرى بيتكلموا معانا انهم حيلاقوا راعى رسمي للمشروع بتاعهم ( شركة كبيرة في القاهرة ) بدون ادنى شك واحنا بنخاف ندخل الشركة نسالهم عن اى شئ المشكلة لما أكون في بكالريوس _ والاقى طلبة في 2 كهريا عاملين مشروع ينفع يكون مشروع تخرج المشكلة لما بندرس مواد ولحد ما نتخرج مانعرفش هى بتستخدم لايه ؟؟؟؟؟؟؟؟؟؟؟؟ المشكلة لما بناخد مادة اسمها مقرر _ المفترض انها بتعطينا جزء من حياتنا الادبية واللى حتصرف فيها مع المجتمع وماناخدش فيها أى شئ يخص التنمية البشرية ولا ادارة الأعمال والمشاريع ولا الإقتصاد ولا التسويق
فعلا كلامى محبط انما فيه شمس مشرقة بتتيح لنا اننا نرفع راسنا ونثق في أنفسنا _
انت مهندس انت مهندس انت مهندس
انت حتغير من الكون لو فكرت برهة بعقلك
محتاجين
الحصول على رعاة للكلية _ شركات كمبيوتر شركات استشارات مدنية وعمارة مصانع ميكانيكا وباور شركات تصنيع دوائر اليكترونية
نحتاج معرفة ما يحدث في نطاق القاهرة وما حولها من مسابقات هندسية MIE EED وغيرها الكثير
نحتاج الإشتراك في مشروع ربط الصناعة بالتعليم نحتاج زيادة ميزانية البحث العلمى واشتراك الطلبة فيه نحتاج زيادة ميزانية مشاريع بكالريوس و تشحيع الطلبة والشركات للقيام بتنفيذ أفكارهم نحتاج وجود كورسات كمبيوتر في الكلية " اكثر استفادة وعلم " ولو باجر رمزى من شرط مجانى نحتاج صيانة دورية للمعامل ( وايه لازمة موظفين المعامل = فتح وغلق الأبواب ) ؟؟؟؟؟؟ نحتاج ظهور ما هو جديد في كليتنا ولا نحتفظ به للأعياد ((( السبورة الإلكترونية المهداة من النخيلي للإلكترونيات اللى ثمنها بيساوى فوق ال 10000 جنية ))) نحتاج
\
وجود ندوة شهرية ما بين الطلبة و الدكاترة أصحاب اتخاذ القرار في كليتنا مع وجود أعضاء هيئة الجودة ( وهم الأهم )_ وان يعرض عليهم الطلبة أفكارهم في اطار هندسي = فائدة * مكسب * زمن المكسب نحتاج لعمل ندوات ما بين الطلبة والأسر وان نضع ايدينا في أيدى بعضنا _ ونقوم بعمل اولى ينير لنا طريق واضح
نحتاج نحتاج نحتاج
الاهم انك تتأكد من
انك مهندس
عدل سابقا من قبل YeHi@$MmZ في الثلاثاء 2 سبتمبر - 10:01 عدل 2 مرات
love to life كبير مهندسين
عدد المساهمات : 483 تاريخ التسجيل : 21/12/2007 العمر : 37 رقم العضوية : 418 الأوسمه : Upload Photos :
انا بشكرك جدا يا يحيى على اموضوع الرائع ده وانا مش بعتبره احباط لكن هو (خبطه) على راسنا عشان نفوق ونتحرك ونكون حاجه انا بصراحه كنت فاكره انى لما هدخل كلية هندسه هتكون حياتى ومعلوماتى واستفادتى اكتر من كده بكتير برغم انى عارفه اسلوب التعليم فى مصر شكله ايه بس كنت اامل ان فى كلية هندسه(اعلى واهم الكليات)هتكون حاجه تانى لكن للاسف................ يا ريت يا يحيى اللى انت قلت عليه يتحقق ولو اقل من 50% حتى هيكون الفرق جوانا اكبر من كده بكتير انا كان نفسى اتخرج ((مهندسه)) انا كده اسما لكن فعلا شكرا مره تانيه يا يحيى ويا ريت يكون فى تفاعل من المعيدين والدكاتره لتشجيعنا
انا بتهيالى ممكن الحاجات دى تتحول للواقع عن طريق الندوات ما بين الطلبة والدكاترة بترتيب لزمن معين وان يكون هناك اذان صاغية تحترم اراءنا وهو دة نقطة التحول ان شاء الله لكل المقترحات
Eng_HOSSAM مراقب عام منتدى مواضيع عامه ومشرف قسم كهرباء
عدد المساهمات : 4375 تاريخ التسجيل : 16/10/2007 العمر : 34 الموقع : Inside My Room رقم العضوية : 133 Upload Photos :
احنا معندناش ف كليتنا اي دعم للافكار اطلالالالالالالالالالالالالالاقا
كل الافكار حبيسه مستنيه التشجيع عشان تخرج للواقع
الواحد بقي يفكر ياتري لما يتخرج هيلاقي شغل ولا ايه؟؟؟؟؟؟؟؟؟؟؟؟ ياتري لو اتقدم لوظيفه و فيه مهندس تاني متقدم لنفس الوظيفه بس خريج القاهره او اسيوط او عين شمس ياتري هيستبعدوني لمجرد اني خريج اسوان؟؟؟؟؟؟؟؟؟؟؟؟؟
الواحد بقي خايف بقي مش واثق ف نفسه وربنا يقدم ايلي فيه الخير
dody el عضو بدرجة مهندس إستشارى
عدد المساهمات : 944 تاريخ التسجيل : 09/07/2008 العمر : 33 رقم العضوية : 1330 Upload Photos : أهم مواضيعى : * نعم........أقبل التعدد!!!!
*حد قال عليك قبل كده...........؟؟
*شرف البنت زى عود الكبريت..........
*والله لنيمك من المغرب ياصين.......
*خد عيل من عيالى بس........ سيب أبو تريكة!
*لماذا نخسر أشخاصا نريدهم فى حياتنا....؟؟
*مفتاح قلوب الناس؟؟.......
*علاج حبيبنا للأكتئااااب...
*الكوســـــــــــــــــــة!!
*ايش لونك......؟!!
*هل أنت مخلص؟!!!
عندك ألف حق يابشمهندس / يحيى فى كل اللى قلته , بس يمكن أنا وانتم وطلبة كتير أوى من كليتنا كنا عارفين حكاية "هندسة اسوان " والفرق الشاسع بينها وبين أى كلية تانية فى مصر عامة يمكن نكون محتاجين نقاش واننا نقول كل أفكارنا واننا نتكلم عن مستقبلنا بكل شجاعة وثقة بدون القلق من دكتور أوعميد أنه ممكن يضرنا فى أى شئ ................
يعنى محتاجين ان كليتنا تأمنا بعد كده لما نخرج بره لسوق العمل ونقول أنا خريج "هندسة اسوان" مش زى مابنسمع دايما " ياه المجموع رماك هندسة أسوان " بالرغم من انها أعلى تنسيق.....
الف شكرا ليك ياباشمهندس يحيي علي الموضوع ده وانا فعلا كنت علي وشك التحويل الي هندسه شبرا علشان نفس السبب وطبعا التحويل كان لقاهره وعين شمس من اسوان صعب جدا وياكد يكون مستحيل بس لقيت الاتنين واحد من ناحيه انه غربه وسفر بس طبعا الاتنين مش واحد وانا واثقه من كدا وانا مش بقول كدا بحبط حد بس ده الواقع انا كنت في اسيوط وعارفه الفرق الشاسع بين الاتنين بس يمكن احلي حاجه في اسوان روح الطلبه والطاليات عايزين يبقوا حاجه هو طبعا في كل هندسه الطلبه كدا بس هناك انت بتلاقي ميت ايد بتساعدك يعني مثلا اصحابي اللي قي اسيوط السنه دي شركه باناسونيك اخدت نسبه كبيره منهم للتدريب
الف شكرا ليك ياباشمهندس يحيي علي الموضوع ده وانا فعلا كنت علي وشك التحويل الي هندسه شبرا علشان نفس السبب وطبعا التحويل كان لقاهره وعين شمس من اسوان صعب جدا وياكد يكون مستحيل بس لقيت الاتنين واحد من ناحيه انه غربه وسفر بس طبعا الاتنين مش واحد وانا واثقه من كدا وانا مش بقول كدا بحبط حد بس ده الواقع انا كنت في اسيوط وعارفه الفرق الشاسع بين الاتنين بس يمكن احلي حاجه في اسوان روح الطلبه والطاليات عايزين يبقوا حاجه هو طبعا في كل هندسه الطلبه كدا بس هناك انت بتلاقي ميت ايد بتساعدك يعني مثلا اصحابي اللي قي اسيوط السنه دي شركه باناسونيك اخدت نسبه كبيره منهم للتدريب
موضوعك كويس يا يحيى بس...... انا كل اللي شايفة ان الناس بتخش تقلك عندك حق وانتا تقول شكرا انا ماشفتش خطوة ايجابية منكم انا مابتهمكمش بالتقصير بس بأكد لكم انكم تقدرو تعملو كتير بس ماعتقدش انكم حتلاقو مساعدة من حد خــــــــــــاصة من الادارة مش حنلوم عليهم دلوقتي حنقول الكلية لسه بتتبني وعندهم أمور مهمة بس كل المطلوب منهم انهم يذلو العقبات ومايتلككوش ( Sorry )
نتكلم في الجد شوية انتا كل المواضيع اللي بتتكلم فيها ايجابية وحلوة ويارب تلاقي اللي يساعدك فيها ...... وانا كنت عايز اقلك ان نفس اللي حصل معاك في طنطا حصل معانا في القاهرة السنة اللي فاتت في الملتقى بتاع الاتحادات اللي كان في جامعة القاهرة لما اختلطنا بالطلبة واكتشفنا ان احنا مش عايشين عى الرغم من تقارب المستوى الذهني بيننا ورجعنا من هناك وكلنا حماس اننا نعمل حاجة وما وقفناش نستى شوية الدعم بتوع الكلية وجرينا ودورنا برة الكلية في الشركات والرعاة ولكن المشكلة الكبرى كانت في الوقت والمواضيع محتاجة صبر وخبرة وتعود واحنا ابتدينا نفكر في الترم التاني في رابعة يعني كنا بنودع الكلية ولم يتم شئ ويكفينا شرف المحاولة والاهم من كده اننا نوصل الكلام ده للدفعات اللي أصغر علشان يكملو المشوار ونفتح الطريق للي بعدنا
______________________________
وانا حاقولك دلوقتي على جانب من الاحلام دي واللي ياما تعبنا من التفكير و التنفيذ فيها بس للأسف ...............................
( 1 ) فكرنا في اصدار مجلة دورية للكلية وعملنا اعلان هنا في المنتدى و بعد حوالي شهرين من البحث و التدوير قدرنا نجمع المقالات اللي فيها عرضنا أخبار الكلية وجانب من مواهب الطلبة ثم كتابة و تنسيق المجلة على الكمبيوتر واللي خدت مني شخصيا مجهود جبار وبعد كده طبعا الكلية قالتلنا مفيش غير 100 جنيه ودول ميكفوش الطباعة لاننا كنا عايزين نطبعها بجودة كويسة وبكمية كبيرة وسعينا ودورنا روحنا لشركة سيمكس ومعبروناش قلنا مش مشكلة روحنا لمكتبة المغربي وقدرنا ناخد منه دعم مقابل اعلان وفي وسط المجهود ده كله دخلت علينا الامتحانات والموضوع اتنسى
وفي أمثلة كتيييييير زي
_plan الكلية وده الحمدلله عملوه المعيدين في الكلية _تجميل الكلية عن طريق مقاعد جديدة ودهانات وقصاري زرع حيكون عليها اعلانات لشركات ممكن تجيب لينا الدعم زي cemex cocacola vodafone mobinil CIB _وحاولنا نعمل معسكرات جوالة كتير بس ماقدرناش نعمل غير 2 بس وفي أفكار كتيييييييييييير ممكن بس الموضوع محتاج صبر وشغل
على فكرة ياد يا يحيى يا زملكاوي دماغك نضيفة حتععب بس حاول تعمل حاجة وما تيأس وربنا معاااااااك
على فكرة المجلة موجودةعندي لغاية دلوقتي لو عايزينها
kemony كبير مهندسين
عدد المساهمات : 462 تاريخ التسجيل : 20/07/2008 العمر : 35 رقم العضوية : 1390 Upload Photos :
موضوع رااااااااااائع أكيد وفيه أفكار متميزة ....بس فين بقى هيهاااااااااااااااااات لما يتحقق ولو جزء صغير منها
من وجهة نظري الشخصية المتواضعة:أو هتكلم عن نفسي انا شايف إني من أول ما دخلت الكلية لحد ما هتخرج إن شاء الله ما أنا إلا مشروع مهندس وأملك احتمال النجاح أو الفشل....ومش محتاج من الكلية غير الشهادة والثقة في ان انا مهندس لانه هناك علاقة صغيرة جدا بين الشغل والدراسة وانا إن شاء الله قادر احقق العلاقة دي وعلى رأي ناس كتير سبقوني(مهندسين يعني) .... "الدراسة حاجة والشغل حاجة تانية خالص " ودلوقتي مفيش حد بقى يسأل انت خريج جامعة ايه... أهم حاجة دلوقتي :- 1-واسطتك مين 2- فااااااااهم ولا لأ(اكيد هتقولوا ان الفهم بييجي من الدراسة الصح..هارد واقول: انا مش محتاج من الدراسة غير قدر صغير واحنا في كليتنا عندنا القدر ده بس الفهم بييجي منين....بييجي من التدريب والاحتكاك في الحياة العملية على شوية المفاهيم اللي عرفناها من الدراسة ....واهى ماااااااااشية.) الإختلاف في الرأي لا يفسد للود قضية
موضوع طبعا مع انه محبط ولكن الحقيقة احكلكم حكاية حصل معايا في هندسة القاهرة المهم كنت باخد كورس ساب وهو برنامج تحليل انشائي يعني بيجيب ال shear force & moment & normal force والمعيد بيدينا الكورس كان طبعا بيطرق طبعا لمواضيع مثل ال semple Beam وبعدين دخل علي fram & slabs لحد هنا مفيش مشكلة وبعدين ابتدا يدخل علي ال flat slab & Raft foundation واستغرب خالص لما عرف ان الحاجات دي مش بتتدرس في الكلية وقالي استحالة وصحيح انا كنت الطالب الوحيد اللي مخدهاش في الكلية دة حتي الكليات اسف المعاهد الخاصة زي الشروق و 6 اكتوبر اخدوها مع العلم انها مواضيع اساسية جدا ودة طبعا اللي اكتشفتة بنفسي في الموقع ودة في موضوع واحد الخرسانة طبعا مش هتكلم علي كم المشاريع الموجودة لطلاب البكالوريس ومش هتكلم عن المواد الثانية ولا التخصص في الهندسة المدنية طبعا ده مش عيب فينا ولا في اعضاء هيئة التدريس والدليل علي ذلك الخريج من عندنا بيشتغل كويس وبالخبرة بيمشي ويفهم كل حاجة واعضاء هيئة التدريس كمان واخدين دكتوراه من جامعات اوربية عريقة يعني علي درجة كبيرة من الكفائة دة كمان المعيد عندنا بيطلع بسرعة يحضر الدكتوراه يعني لسة المعلومات فريش بس العيب في النظام مفيش منهج محدد لكل مادة ثابت ومتطور يتماشي مع ما يدرس في الجامعات المختلفة مثل القاهرة وعين شمس واسيوط .... مع العلم ان هناك جامعات تدرس الاوتوكاد والساب وكمان ادراة المشروعات لطلابها
موضوع: ليييييييييييييييييييييييه احنا لأ ؟؟؟؟؟؟؟؟؟ 
الأحد 24 أغسطس - 22:39
للاسف................
