بنت الجيران

من قبل المغرب بمسافة

واقف مزروع فى البلكونة

مستنى هلالها

ف بلكونة عند جيرانه

وف وقت ما خرجت تطفى الشمس

وتملا المسا بعبير وبنور

كان واقف متبرجل خالص

حاسس بوجوده

ومش حاسس

بعيون الناس المزروعة

ف شيش الشبابيك المقفولة

وعينيه وايديه

يبعتوا مراسيل

خرجت....

من باب البيت

خرجت قصتها

وفيونكة على هيئة وردة

نابتة ف ضفيرة بتبوس الخضر

لابس أفراحه بخروجها

وكلام بيلضم فيه للفجر

عصافير الجنة بتجرى قوام؛

وبيجروا قوام

من ورا شبابيك الناس المقفولة

كما طيف دخان ..........

ارتبكم فجأة

لما أبوها – من جوه الاودة – سألها :

- فين الجرنان؟؟؟؟؟

للكاتب/ مصطفى جوهر

dody el

ENG/ HOSSAM لردك ومرورك بالموضوع

جميـــــــــــــــــــــــــــــــــــــــــــــــــــــــل جدا جدا
dody el

بشمهندس / الزعيم لردك بالموضوع اللى أكيد اسعدنى جدا....

]مصطفى جوهر ؟ انا اول مرة اسمع عنة والقصيدة جميلة (يحصل على جائزة الهيئة ثلاث مرات ولم يصدر له كتاب حتى الآن ) دى نتيجة البحث فى جوجل
فى حالة تهيؤ
فجر :
أنا جوه عينك بكره اللى لسه ماجاش
[يا شمس يا .. واخده النفس فى ضل بيت عالى ]
فى ضل صفصافه على طرف الطريق ]
انا جوه عينك امتداد الحلم ، واللحظة السعيده
قاطع مسافات التغرب فى الوريد
شكرا /dody el على القصيدة الجميله

يا

بشمهندسة dody el

لمروركم جميعا وأرآكم الرائعة:

osama jaber
miss_esadora
shimz

أما بخصوص شعر "بنت الجيران" فهو من كتاب "قعدة مونتاج" للكاتب / مصطفى جوهر والشعر ده يعتبر شعر بالعامية المصرية...... شكرا يابشمهندس/ osama jaber للبحث والمجهود الرائع........

كلام جميييييل جدا
واسلوبه بسيط ولذيذ
شكرا كتير يا دودي

شكرا لمروركم جميعا وذوقكم الجميل : PRINCESS

Roo2a-BENZ
شكرا

» بنت الجيران
» استاذإبراهيم وحمادة ابن الجيران