وأخيييييييرا .. الحلقة الأخيرة .. ممتاز ضعيف جداً

الدكتور:- استني يا ممتاز ماتتحركش
ممتاز:- ااااه..ايييييه..اوووووه..معلش يا دكتور مصطفي انا تعبتك معايا ..بس شوفت بقي انا بحبك اد ايه؟ ما فاتش شهر وقلت لازم اجي ازورك
- متشكر يا سيدي بس هو انت ايه اللي حصللك؟! داسك قطر؟
- ليه هو انا حالتي خطيرة للدرجة دي؟ ده انا مافضليش غير امتحانين بس؟؟
- ما تخافش.. ارتجاج في المخ..كسر في العمود الفقري واحتمال نشيله..ونعمل عملية بتر للساق اليمين واحتمال الشمال بالمرة عشان ماتجيش هنا تاني
- كل ده؟؟
- لا انا بهزر معاك انت الحمد لله كويس..وتقدر تروح بقية الامتحانات بس تاخد بالك من صحتك
- والله يادكتور ابقوا سيبولي السرير ده فاضي ..محدش عارف الظروف بعد كدة ايه
**********
ام ممتاز: ممتاز ..حبيبي عامل ايه دلوقتي؟؟ ياساتر! مين اللي شلفطلك وشك كده؟؟
- انا كويس يا ماما الحمد لله..ده المعلم وليد وصبيانه..وفيه ناس الله يكرمهم لحقوني منهم قبل ما ياكلوني بس العصابه كانت هربت ،الصراحة انا خايف يضربوني تاني..انا مش عارف ليه بيحصللي كدة.. اشمعني انا؟؟
ابوممتاز:استغفر ربنا يابني ماتقولش كدة والحمد لله انها جت علي اد كدة وماتخافش من حد طالما انك متوكل علي الله ولازم تكمل امتحاناتك عادي ..وعلي فكرة اللي حصللك ده دليل علي ان ربنا بيحبك
- بجد يابابا؟؟
- طبعا ده ابتلاء ياممتاز..ربنا بيختبرك لانك في الطريق الصح..واي ابتلاء بيكون مغفرة لذنب او رفع درجات في الجنة للناس المؤمنة ربنا يجعلنا منهم ..يعني انت كان ممكن تستمر في موضوع الغش ده بس ربنا هداك في الوقت المناسب..وعشان كدة لازم الانسان يصبر علي قضاء الله وحكمته سبحانه وتعالي
- عارف يابابا لما قلت لوليد اني مش حساعدهم في الغش حسيت اني مبسووووووط وكمان شجاع خصوصا وانا بديله الفلوس..ده انا كان عيني في الفلوس بشكل.. بصراحة كنت عايز اجيب كمبيوتر
- بس كدة اتجدعن انت وأوعدك ان شاء الله ان جبت مجموع كويس حجيبهولك
- بجد؟؟ هييييييييييييييييييييييييييييييه
*********
* وخلال مرور مراقب اللجنة في الامتحان القبل الأخير:
- رب اشرح لي صدري ويسر لي أمري
مراقب اللجنة:- انت يابني بص قدامك وخليك في ورقتك.....امممم ..صباح الخير وريني كدة ..الله شرابك لونه حلو قوي..يا تري استكه متين؟؟ بس ياتري الورقة دي هدية مع الشراب؟؟

...... بتغش يابابا طب اطلعلي برة
وليد:- والله دي مش بتاعتي .. ده ايهاب ادهاني ونسيها معايا
المراقب:- وانت حطتها في الشراب عشان ماتضيعش مش كدة؟؟وبعدين مين ايهاب ده؟واضح انكوا مافيا..يللا ياحبيبي علي رئيس اللجنة
- انا ماعملتش حاجة ..انا ما غشتش..ده ظلم
- الحمد لله يارب انك انقذتني والا كان زماني معاهم
*********
* وفي انتظار النتيجة:
- ايوة..لسة مفيش أخبار؟طب ياريت اول ماتطلع عالنت اتصل بيا..شكرا..السلام عليكم
- يارب عوض تعبنا خير ..ايه مفيش أخبار؟؟
- انا بتابع بالتليفون..وكمان ممتاز حييجي اول ما يعرف حاجة.. الباب بيخبط افتحي بسرعة يا ام ممتاز...
- بابا..ماما........انا نجححححححححححححححححت
- الحمد لله، مبروك يابني الف مبروك..طب والمجموع؟؟
- مممممممممش حتصدقوا..دي معجزة..والله انا مش مصدق..معاكوا نشادر الأول؟؟
- هاتي السكينة من المطبخ يا أم ممتاز..يابني اخلص قلبي مش مستحمل
- جبت 92 في المييييييييييييييييييييييييية
- اييييييييييه؟؟مش ممكن؟؟؟جبتها ازاي دي؟زغرتي يا ام ممتاز
- لولولولولولولولولىىىىىى
- الحمد لله دي مكافأة من ربنا عشان بعدت عن الغش ..مين كان يصدق اني اجيب المجموع ده بعد كل اللي حصللي؟؟ بس ربنا علي كل شيئ قدير..بابا..مالك؟؟ شكلك زعلان؟؟
- بفكر يابني حجيب فلوس الكمبيوترمنين؟؟ اهيييء
(- لولولولولولولولولىىىىىى )

*********
* وأخيرا جابوا الكمبيوتر:
- باااباااااا..مااااااماااااا .. ابنكوا بقي مهندددددددددددددددس
شفت بقي كرم الكريم سبحانه وتعالي "ومن يتق الله يجعل له مخرجا ويرزقه من حيث لا يحتسب"
- ياااه،انا حاسس ان انا مقصر ناحية ربنا خصوصا في الصلاة.. انا من هنا ورايح حصللي في الجامع كمان ان شاء الله
*********
* وفي الزيارة الأولي للكلية:
- الله يا بابا..الكلية جميلة من برة
- يابني جمال الكلية الحقيقي في العلم اللي بتقدمه مش في شكلها
- اذا كان عالعلم ان شاء الله ححضر كل المحاضرات وحكتب كل كلمة بيقولها الدكتور و..... باااااااااااباااا..
بااابااااا اتخطااااف
- انا هناااااااااااا..مش قادر اطلع الجبل ..قصدي المطلع ده..كمل انت يابني ربنا معاك..انا حستناك هنااااا
- ماشي يا بابا براحتك .. بابا مابقاش رياضي خالص .. واحد .. اتنين .. واحد .. هوب .. هوب .. اه .. اه ..

واضح ان يومين كمان وحبقي مكان بابا!
********
* وفي جلسة علي العشا:
- هاااا يا بشمهندس عامل ايه في الدراسة؟؟
- الحمد لله كويس
- بس انت بقيت هفتان خالص ..هما ليه بيطلعوكوا متأخر اوي كدة؟!
- الصراحة فيه حاجات كتير زي موضوع التأخير محتاجة يكون فيها وقفة..وكمان فيه مواد غريبة مش عارف احنا بناخدها ليه؟؟..يعني المفروض اي دكتور يقول الأول حنستفيد منها ايه في الحياة قبل ما يشرحها..وطريقة الشرح نفسها ، انا ببص حوليا في المحاضرة بلاقي اللي نايم واللي بيلعب في الموبايل واللي بيرسم ومحدش منتبه..ده غير ان الامكانيات قليلة..احنا الطلبة لازم نتكلم ونحاول نغير اسلوب التعليم اللي بقالتا فيه سنين..وفي الاخر نقول احنا ليه عن الدول متخلفين... وعجبي
********
* يااااااارب...نتيجة اعدادي:
- باااااااااابااااااااااا..الأول معاك كولونيا او بصل؟؟
انا نجحححححححححححححت ..انت ما سمتنيش ممتاز عالفاضي..3 امتياز و3 جيد جدا و1 جيد..الحمد لله
- الحمد لله ..ألف مبروك
- الحمد لله ..الحمد لله
- اه والله الحمد لله
-...... بس فيه مادتين ضعيف جدا
- اااااااااااااااااه ياقلبي

- باابااا ..فوق يابابا انا كدة نجحت و الله ..مااامااا..الحقي اتصلي بالمستشفي..قولي للدكتور مصطفي يفضي السرير بتاعي بس المرة دي مش ليا.. قوم يا بابا ده لسة فيه أربع سنين...أمال مين اللي حيفكر معايا حتخصص ايييييه؟؟؟

تمت بحمد الله

قصة حلوه ومستنيين منك قصص تانية

اسمحيلي أشكرك بشكل خاص يابنت مصر
أولا لان مجاملاتك الرقيقة شجعتني علي الكتاب ة
ُثانيا لانك بتديني أمل في الحياة ان فيه ناس خريجين علوم زيي

متشكرة جدا يابشمهندس وان شاء الله ناوية (اصدعكوا) بقصة تانية بس ادعولي

لي عظيم الشرف بأن هذه الكلمات القليلة تخص عملي المتواضع ولكنها قدمت لي الكثير من التشجيع ورفع روحي المعنوية

والله بجد انا مش عايزة ازعلكوا ان القصة خلصت
بس ان شاء الله حكتب قصة تانية بس ياريت تختاروا حد نعمل القصة علي اسمه

الله يبارك فيك يابشمهندس وعقبال كل البشمهندسين السنين اللي جاية وربنا يكرمكوا
اما وليد طبعا اتعملله محضر غش وانقطعت أخباره
اظاهر انه قرر يبقي المعلم ويتاجر في البراشيم
يمكن يكون دخل كلية تجارة عشان يبقي متخصص

ألف مبروووووووووك لممتاز
بس انا زعلانة لانها لانه الجزء الأخير
عايزين تاني عايزين تاني
متحرمناش من الحاجات الجميلة دي

متشكرة يابشمهندس والحمد لله وحده اللي جعل القصة جميلة في نظركم
يللا شد حيلك بقي عشان الدور عليك تكون بطل القصة الجاية ان شاء الله
وانا لسة مصممة عالعنوان بتاعها
"مغامرات البشمهندس جودزيلا والريس نيلسون مانديلا"

أنا جييييييييييييييت
منورة القصة طبعا
عارفة عارفة

انا سامعة اسمي بيتقال كتير هنا
والغريبة اني شوفت الرد ده صدفة
عشان تعرفوا بس ان عندي حق
واني ما بقتش بعرف احتل الجهاز زي الاول

علي العموم لو عايزين انا ممكن اعملكم انا القصة الجديدة
واضرب بيها ممتاز واعوانه :bounce: