والله ل أنيمك من المغرب ياصين

" والله ل أنيمك من المغرب ياصين "

جملة جميلة قالها "محمد هنيدى" فى فيلمه بس ساعتها ما كانش يقصد بيها حاجة خالص غير انك تضحك ...... بس دلوقتى لو قلناها هنقصد بيها الكثير اوى اوى ..............

أكيد طبعا كلكم متابعين الاولمبياد فى الصين سواء على القنوات الرياضية على التليفزيون أو على الانترنت والوسائل الاخرى زى الجرائد وغيرها.......................

أنا بقى مش هتكلم عن التقدم والتكنولوجيا اللى الصين بقيت فيها لان ده شئ مفروغ منه .... لكن كلنا طبعا شفنا المتسابقين من أمريكا وإسرائيل وروسيا والسويد والصين واليابان وغيرهم حتى فلسطين فى عز اللى هيا فيه .... يعنى دول كتيرة اوى من الدول المتقدمة جدا والمسيطرة تقريبا على العالم وبالعكس دول فيها الجوع والفقر والتخلف يعنى زى مابيقولوا علينا " دول نامية " وطبعا "مصر " دايما فى الصدارة للمجموعة التانية أكيد...

وموضوعى دلوقتى " هو إحنا رايحين الصين نعمل إيه؟!!!!!!!"

زى ما أنتم شايفين المتسابقين المصريين فى كل الرياضات مسمعناش عنهم أى انجاز يذكر هناك أو اى ميداليات ذهبية أو فضية ويمكن واحد اللى خد البرونزية والله أعلم بالباقى ...............

ولكن فعلا ده مش مستوى أبدا نفتخر بيه قدام العالم ,,,, يعنى سيبك ياسيدى من أى رياضة تانية وخلينا فى "كرة اليد" وتقولى "اشمعنى؟؟؟؟" هقولك : أصلها حاجة تفرس يعنى أعتقد اننا كلنا شفنا الفريق هو وبيلعب والخسارة العظيمة اللى شرفونا بيها يعنى من الاخر أقدر أقول وبكل ثقة " الفاشل يرفع إيده" ........

أنا اسفة فعلا أنى بتحامل عليهم بس فعلا كان أملنا اننا نقدم الكثير والكثير ونرفع رأس بلدنا بس " يا جارية اطبخى ,, كلف ياسيدى " يعنى طول ما هم مش لاقيين إمكانيات عالية فى بلدهم زى باقى الدول هنفضل تحت عالطول وساعتها محدش بقى يسأل " هو إحنا وراء عالطول ليه ؟؟؟"

بجد مش عارفة أقول إيه غير " ربنا يكون فى عونهم " ...............

" معلش أصلها حاجة تنقط ".....................

اقتباس :: أكيد طبعا كلكم متابعين الاولمبياد فى الصين سواء على القنوات الرياضية على التليفزيون أو على الانترنت والوسائل الاخرى زى الجرائد وغيرها..

لا طبعا ياباشمهندسة .... انا مش متابع حاجة خالص عنها وما عرفش غير انها فى بكين ...

اقتباس :: وطبعا "مصر " دايما فى الصدارة للمجموعة التانية أكيد

طبعا .... طبعا ... طبعا

اقتباس :: أنا اسفة فعلا أنى بتحامل عليهم

اقتباس :: " معلش أصلها حاجة تنقط ".............

لا طبعا الغلط فيكم ... حد قلكم ضيعوا وقتكم واتفرجوا عليهم ....
طيب عرفتوا انها حاجة تنقط وتغيظ ... ياريت تكبروا دماغكم وبلاش من اى حاجة ترفع ضغطكم
صحتكم بين ايديكم وتاج فوق الرؤوس

معاكى حق يا بشمهندسة الى حصل فى بكين خيب آمال كل المصريين ، فى كل الألعاب مصر ماتخدش غير ميدالية واحدة فى الجودو وكمان ميدالية برونزية صحيح حاجة تكسف ، ده على رأيك بلاد الجوع والفقر حصدت العديد من الميداليات خصوصا فى ألعاب القوى ،وكلنا كنا نأمل أن يحقق كرم جابر انجاز مثل انجاز أثينا 2004

ولكن للأسف مفيش لعبة شرفتنا ورفعت علم مصر باستثناء لعبة الجودو .

والله عندك حق

انا اتقرفتتتتتتت

النهاردة كنت اخر احباط لما المصري طلع برررره في رفع الأثقال

ولاعب سوريا كان كويس جدا

وكان الحماس عالى قوىى

ولاعب اوكرانيا كان قوى جدا ومتحمس جدا

انما المصرى كان ولا حماس ولا قوة ولا أى حاجة

جسم ع الفاضى

وبالنسبة لليد فالله يرحمهم بقى

ننسي ايام زمان وازاى منتخب مصر كان بيرعب الفرق

ولا كرم جابر اللى كان واخد دهب طلع من الدور الأول

أولا أحب اشكركم كلكم على أرآكم اللى دايما بتزود من قيمة أى موضوع ,, وأنا فعلا مش قصدى انى تحسوا بأى إحباط أوحاجة ,........ بس الواحد كان حاسس بحزن شديد وهو شايف اللى بيحصل فى بكين واحنا عالطول مهزومين ودايما علمنا فى الارض ... ياخسااااااااارة............
على فكرة يابشمهندس / الزعيم اذا كنت أنا بتابع اللى بيحصل دايما سواء فى الرياضة أو فى اى مجال تانى فأعتقد ان ده مش غلط ..... يعنى زى مابتابع المصريين فى بكين برضه بشوف باقى المتسابقين من كل الدول التانية لانى أعتقد ان بجد الرياضة دى شئ فعلا جميل "سواء كسبنا او خسرنا" زى ما فى ناس بتحب تتابع متشات الكورة وغيرها ...................

معاك حق يادودى والمفروض كلنا نتابع حاجة زى دى لانه حدث عظيم فعلا.................

dody el على مواضيعك الرائعة

بالصدفه وأنا بأتجول على قنوات الدش وجدت حفل إفتتاح أولمبياد الجامعات المصريه
ودى بتتعمل لأول مره فى الإسكندريه ويقال أن صاحب الفكره رئيس جامعة الإسكندريه
وإن شاء الله تبقى مبادرة جيده جدا لعمل أبطال جدد وإكتشاف المواهب فى كل مصر
وإن شاء الله نجد أبطال كثر ومصر دائما بها الكثير.
وبخصوص المستوى المتدنى للفوج المصرى فسببه قلة التدريبات وعدم تحديد الهدف
بالإضافه لعدم الإحتكاك بالمستويات العاليه وكمان الإنفاق مش بالشكل المطلوب
على الأبطال.
ومثال واضح جدا وهو مايكل فيلبس واللاعب ده من ساعة أولمبياد أثينا وهو
بيدرب يوميا ومفيش يوم نام متأخر فيه وكل يوم بيعوم من عشرين لتلاتين كيلو متر
وأسبوعا مرات عديده ودائما فى حالة إستعداد وتحفز وعنده هدف عاوز يحققه
لذلك ربنا كرمه وأنجز العمل الإسطورى ده فلو كل واحد عمل كده أكيد
هيجد كل خير لأن لكل مجتهد نصيب والنجاح لا يأتى من فراغ بل له العديد
والعديد من المقومات.
وشكرا على الموضوع
والله الموفق

بجد يادودي
كل كوووووووووم
وفريق اليد ده كوم تانى
انا متابع كل ماتشه
يكون فايز فى كل الماتش على اقوي الفرق
يقوم فى الاخر يايتعادلوا يااما يخسروا
شئ يفرس بجد
اخرها امبارح المباره مع ايسلندا
كانت الساعه 5 الصبح
تعادل فى اخر 5 ثوانى
وكان ممكن يحافظ على تقدمه
بس نقول ايه
زي كل اولمبياد
ميعادنا فى لندن 2012
وعليكم خيييييييييييييييير

شكرا جدا لمروركم جميعا وذوقكم الرائع : dodysh

الحبار
flying_baby

وفعلا معاكم حق يابشمهندسين فى كلامكم بس نقول إيه " ما باليد حيلة " وأدينا مستنين اى شئ يرفع رأسنا والسلاااااااااااااام................

اقتباس :

زى ما أنتم شايفين المتسابقين المصريين فى كل الرياضات مسمعناش عنهم أى انجاز يذكر هناك أو اى ميداليات ذهبية أو فضية ويمكن واحد اللى خد البرونزية والله أعلم بالباقى

وهوه مين في مصر كان حاطط املة اننا ناخد ميدالية
الحمد لله
اما بخصوص منتخب اليد انا شايف انو عمل الي علية وكان كويس
المشكلة في اللعبة الي جماهيرها بالملاين ومش محتاجة دعم واللعيبة بتاخد قد كدة مسمعناش عنها حاجة

يابشمهندس / thehunter على مرورك ومشاركتك فى الموضوع............

انا شايفة ان الكل بيتكلم بيأس لما بنجيب سيرة بلدنا(مش في الرياضة بس)
في كل المجالات بس يا جماعة لما كلنا نتكلم باحباط كدة
أكيد حنحس ان مفيش أمل خالص
اكيد الكل مقتنع ان الأمل في ربنا كبير
يعني لازم نستعين بالله في كل أمورنا
و كل اللي احنا فيه ده لاننا بعدنا عن ذكره سبحانه وتعالي
شكرا

يابشمهندسه دودي علي الموضوع الرائع ده

أنا عن نفسي كنت متوقع ما حدث في الصين

لأننا لسنا مؤهلين للفوز في هذه المحافل العالمية التي تتطلب
تخطيط وتدريب وعمل جاد ولكن للأسف لا نملك أي من هؤلاء
وكل انجازاتنا الرياضية إلا القليل منها جاء بالصدفة!!
ولا أدري كيف لدولة تعدادها أكثر من 80مليون نسمة لا تستطيع صنع بطل؟
ولننظر لمعجزة السباحة الأمريكي فيليبس حصل علي كم ميدالية ذهبية وحده!
لقد أصبحت الرياضة في مصر بلا عنوان أو هوية....

اولا احب اشكر yasmeena
الفرعون العاشق
على مروركم بالموضوع وأرآئكم اللى اكيد اسعدتنى جدا

بس بقى بخصوص الامل واليأس يا yasmeena فا زى ماأنت شايفة قدامك الواقع كله وهو الخسارة الدائمة ومفيش غير " هشام مصباح " اللى جاب لينا البرونزية وشكرا بالنسبة لهم على كده وكتر خيرهم فعلا " ياقلبى ماتحزن " ............................................. والبشمهندس / الفرعون العاشق أحسن شئ فعلا انك تتوقع الخسارة من الاول من غير ما تحط آمال على سراب فى بكين........ علشان الصدمات فيما بعد." ربنا يكفيك ويكفينا شر الزمن والاولمبياد اللى تنقط"....................

» زوتوب‏ .. ‏فيروس‏ ‏خطير‏ ‏من‏ ‏المغرب
» 72% من جماهير المغرب تتمنى مواجهة مصر
» دع الصلاة.. فأنت في مطار المغرب!
» عيد الأضحى في المغرب يوم السبت 28 نونبر 2009
» المغرب تهزم موريتانيا وتتأهل للمرحلة الاخيرة بتصفيات كأس العالم