مركز صيانة الحاسب الالي للجمهور

اقتراح فتح مركز صيانة الحاسب الالي بمختلف انواعه ويتم تدعيم هذا المركز بالتوكيلات المعتمده من كبرى شركات الحاسب الالي يكون المركز عبارة عن خدمة لصيانة الحاسب الالى ويديرة افراد معينين من الكلية ويشارك الطلبه في هذا المركز بحيث يشاهد الطلاب ويتعايشوا المشاكل ويروا الاعطال والمشكلات التى تواجة المستخدم حتى يكون ملم بنواحي شتى في مشكلات الحاسب الالي ويكون ايرادات المركز دخل للكلية للتطوير المعامل وفي نفس الوقت خدمة الجمهور معتمده من الجهة االهندسية وهي الكلية ياترى ايه رايكم في الفكرة ولو حد عنده افكار ممكن تنمى الفكرة وتبقي بطريقة متطورة احسن من كده ياريت مايبخل علينا

فكرة جميلة جدا يا بشمهندس / جودزيلا ويارب تتنفذ قريب اوى وهى فعلا هتساعدنا اوى فى كل مشاكل الحاسبات اللى أى حد ممكن تواجهه .................

ان شاء الله تتنفذ قريب لان فيه طلاب خريجين الكلية وتعاملهم مع الكمبيوتر صفر على الشمال للاسف

فكره حلوووووووه اووووي يا برنس
بس التنفيذ!!!!!!!!!!!!!!!!

فكره جميله يا جودز بس يا ريت تتعرض على دكاترة حاسبات وبلاش تتعرض على الإداره
وربنا يصلح الحال.

الفكرة جميلة جداً

انا فكرت قبلها بان يبقى فيه مركز انترنت للجمهور قبل مركز الصيانة

بس المشكلة اللى حتبقى موجودة

هى مكان اقامة هذا المركز

لانه مش ممكن حنخلى المركز بداخل الكلية والناس تدخل الكلية

وحتبقى بهدلة جداااا

وانا شايف الحل ان فيه غرفة تتبنى في المساحة الفاضية بجانب الكافيتريا

ويبقى لها بوابة لخارح الكلية

وتكون مركز انترنت وبتهيالى مفيش مشاكل من ناحية الأجهزة

في عندنا أجهزة في مركز المعلومات اللى كان مركز انترنت زمان

لو اتظبطت حتبقى كويسة وحنجيب كام جهاز من أى مكان تانى

أم بالنسبة لمركز الصيانة __ فانا شايف ان الحل لمهندسي الصيانة

هو الإرسال لخريجى قسم حاسبات ،
بفرصة العمل هنا في مركز الصيانة

او عمل اعلان مطلوب مهندسي صيانة للعمل في الكلية
ويكونوا برده مسئولين عن صيانة اجهزة الكلية بشكل دورى ,

بتهيالى الأفكار دى ممكن تتطبق في حالة وجود دكتور مصطفى النحاس

هو اللى بيحب يعمل مشاريع في الكلية مثل الدكتور هانى السيد والدكتور محمد على خليل

فكرة جميلة لان فعلا في ناس يتعرف صيانة الحاسب بس للاسف ملهمش مكان محدد

وياريت فعلا تتعرض علي الدكاترة

الفكرة جميلة جدا
ومن حيث قابلية التنفيذ:
فلو فكرنا في الفكرة وطورناها بحيث تتنفذ من غير ما نكلف الكلية أي شيء
وبالعكس حندخلها دخل ومكسب محترم
يبقي ليه لأ!!
مثلا نشوف مكان في الكلية حتي لو كان غير دائم
بحيث يكون مكان لمركز الصيانة ده
او ممكن نخلي مركز المعلومات هو مقر مركز الصيانة
ويكون في نفس الوقت مركز انترنت للطلبة زي ما كان شغال من سنتين

مركز الصيانة مش حيحتاج غير مهندسين يكونوا مسئولين عنه وعن صيانة الاجهزة فيه ولأجهزة الناس خارج الكلية
ومن حيث ان الناس حتدخل الكلية .. فاعتقد ان أي كلية بيدخلها ناس كتير من خارجها
بس بيثبتوا شخصيتهم الاول

اقتباس :: وانا شايف الحل ان فيه غرفة تتبنى في المساحة الفاضية بجانب الكافيتريا

ويبقى لها بوابة لخارح الكلية

هي فين المساحة الفاضية جنب الكافيتيريا؟؟؟
eek

عشان كل المساحة الفاضية اللي هناك اما فيها بوابة الكلية
او المنطقة اللي برة الكلية أعلي من الكلية نفسها

وياريت نسمع آراء الدكاترة معانا في الموضوع
عشان نقدر نعرف ايه اللي موجود علي أرض الواقع وايه اللي نقدر ننفذه
وايه اللي محتاج امكانيات مش موجودة عندنا

ايوة فيه مساحة فاضية من الكافتريا
لحد السور

بتهيالى كدة

ولا انا نسيت
خريطة الكليية

علي فكرة انا بدأ يبقي عندي أمل شوية
احنا طرحنا الفكرة علي دكتور عبد الله كبداية تفكير فقط
وبصراحة لفت نظرنا لنقطة تعتبر مهمة برده
هل عندنا في الكلية خريجين علي مستوي يقدر يتحمل المسئولية
لان لما نقول فيه مركز صيانة معتمد في كلية الهندسة
يبقي لازم اي جهاز ييجي من الجمهور عشان يتصلح
يبقي لازم يتصلح
ودي نقطة تستحق النقاش والمحاولة

خريجين على مستوى !!!

يعنى خريجين حاسبات حيشتغلوا في صيانة الأجهزة في الكلية

صعب دة يا أميرة

اولاً خريجين حاسبات حيكونوا قليلين في مجال الصيانة لانهم مش بيدرسوا الحاجات دى نهائياً

الا لو اشتركوا تحت ايد فنيين

ثم ان دة حيبقى ظلم لهم وانهم يبقوا فشلوا انهم يلاقوا شغل

ثم انهم مش حيلاقوا فلوس من الكلية أصلاً

انا اقترح ان العاملين يبقى فنى كمبيوتر بخبرة جيدة جداً مع وجود طلبة قسم حاسبات
أو أى طلبة في الكلية لهم خبرة في الصيانة

ويخرج منها المعيدين _ لان دة شكله مش حيبقى كويس
بالإضافة الى الخريجين الا لو هما يوافقوا
والصراحة الله يكون في عونهم

انا اوافق المهندس YEHIA وشايف ان العاملين في المركز يكونو من بره الكلية ولازم يكون عندهم خبره كبيرة يستفاد منيها طلبة الكلية

أود أن أوضح نقطة هامة أن مكان الكلية بعيد جدا عن وط المدينة وبسبب هذا سوف يكون كل العملاء من المنطقة المحيطة بالكلية فقط
الفكرة حلوة فعلا بس يا ريت رأي الدكاترة

شكرا لك

شكرا لك

» مباشرا جرب جميع اصدارات انظمه الحاسب الالي
» تغيرات كبيره في الرخصة الدولية لقيادة الحاسب الالي ICDL
» دوره فى صيانة الموبيل !!
» دوره صيانة الموبايلات
» صيانة وانواع اختبارات المحول