تعلم تصميم المواقع مع هذه الإسطوانات How to Create Web Pages

Professor Teaches How to Create Web Pages

كورسين رائعين لتعلم كيفية عمل صفحات الوب من ناحية التصميم
باستخدام اخر اصدارات البرامج الاحترافية بهذا المجال مثل الفرنت بيج
, الفلاش , الفوتوشوب , الببليشر وغيرها الكثبر باستخدام تقنيات التصميم
النتعددة مثل HTML , Web Design Fundamentals وغيرها

مميزات الكورس

Easy and Powerful
سهل ومدعم وقوي بايصال الملعومة

Easy-to-use Navigation
سهل التصفح والوصول للمعلومات بيسر ودون عناء

Accurate Simulations
دقة عالية بمحاكات التقنيات

Chapters Organized into Learning Objectives
مقسم لفصور حسب محتوياته التعليمية

4 to 6 hours per course
كل كورس من 4 ل 6 ساعات

Helpful Narration, Colorful Graphics and Clear Instructions
مدعم بالصور التوضيحية ويوجد به تعليمات لكل شي

Exercises and Quizzes
يوجد به تمارين وامتحانات

Browse or Search for Topics
به محرك بحث للوصول للشي المراد تعلمه بسهولة وسرعة

Professor Answers
اجابات احترافية للاسئلة والامتحانات ولقوائم المساعدة

[ الكورس الاول ]

Professor Teaches How to Create Web Pages Part I

مده الكورس : من 4 لغاية 6 ساعات
ويتحدث عن تصميم صفحات الوب باستخدام هذه التقنيات و البرامج

FrontPage 2003
Web Design Fundamentals
HTML Fundamentals
HTML Advanced

حجم الكورس 570 ميجا تقريبا

روابط التحميل

[ندعوك للتسجيل في المنتدى أو التعريف بنفسك لمعاينة هذا الرابط]

[ الكورس الثاني ]

Professor Teaches How to Create Web Pages Part II

مده الكورس : من 4 لغاية 6 ساعات
ويتحدث عن تصميم صفحات الوب باستخدام هذه التقنيات و البرامج

Flash 8
Photoshop CS2
Publisher 2003

حجم الكورس 570 ميجا تقري

روابط التحميل

[ندعوك للتسجيل في المنتدى أو التعريف بنفسك لمعاينة هذا الرابط]

بشمهندس يحى شكرا على الاسطوانت انا هحاول انزلها بس انا حاليا بعمل موقع ومعاية جروب ولقيت تصميمات فوتوشوب جاهزة لمواقع وبصراحة الشغل احترافى خالص واخدت واحد وعدلت علية بجيث يتناسب مع طلبى لغاية هنا كويس طب وبعدين انا منزل برامج كتير ومعاية برامج بتعمل حتى الwebbutton بس انا تاية مش عارف اشتغل بتوة فى البرامج .
بص انا هقلك الصراحة وانت برضة مش غريب الكلام بتاع ال php و الhtml والحجات دى مش داخلة دماغى ,عمارة بقى , اية الحل ؟

شكرررررراً يا أسامة ع المرور

_ أقول لك يا باشاا

اسهل طريق ليك لعمل موقع على الإنترنت

استخدام الفوتوشوب والدريم ويفر

الفوتوشوب انت محترف فيه تمام

حتستخدم اداه ال Slice tool
اللى هى بتفسم الصورة اجزاء

فانت ممكن تعمل تصميم محترم لموقع
وتقسم الصورة اجزاء بال slice tool
والجزء اللى انت عايز تعمله لنك برده من خلال الفوتوشوب

وبعدين حتحط التصميم بلنكاته ع الدريم ويفر
عشان تعمل بما يسمى ال
templates
للموقع _ اكتر من صفحة لها نفس التصميم مع اختلاف البيانات

أو ممكن تتخلى عن كل دول وتستخدم برنامج ال front page
بيبنى لك موقع كامل كإنك بتشتغل ع الوورد

بس انا من رايي انك تستخدم الفوتوشوب والدريم ويفر
ودوور في مواضيع قسم
تصميم المواقع حتلاقى شروحات ع الدريم ويفر
وان شاء الله أزود من الشروحات عليه

انت حتتعب فيه في الأول بس بعد كدة حتلاقيه سهل جدااااا ولذييذ

انا ممكن أساعدك فيه على قد ما أتذكر انا اشتغلت عليه من بدرى
مش عارف حقدر افتكر معاك ولا لأ
هنا حتلاقى كورس دريم ويفر
بس ع استخدام PHP
انت ممكن تعمل ويب سايت كامل بدون ما تحط ايدك في PHP
ولا HTML

بس انت خد الموضوع دة نززل منه الدريم ويفر عشان انا رافعه ومش حتلاقيه بالساهل مع السيريال

مثبت: [ندعوك للتسجيل في المنتدى أو التعريف بنفسك لمعاينة هذا الرابط]

الموضوع دة حيساعدك يا اسامة

ان شاء الله

[ندعوك للتسجيل في المنتدى أو التعريف بنفسك لمعاينة هذا الرابط]

شكرا لاهتمامك يابشمهندس يحى
انا خدت الMacromedia Dreamweaver 8 من ENG PRINCESS وبدات فى وانشاء الله خير
بيقدم ورده

[ندعوك للتسجيل في المنتدى أو التعريف بنفسك لمعاينة هذا الرابط]

osama jaber كتب:: شكرا لاهتمامك يابشمهندس يحى
انا خدت الMacromedia Dreamweaver 8 من ENG PRINCESS وبدات فى وانشاء الله خير

وانا اخدت البرنامج من يحيي

علي العموم اسمحولي ادخل في مناقشات المواقع دي
واسأل سؤال
لو استخدمنا البرامج المختلفة اللي بتساعد في انشاء مواقع من غير برمجة خالص
ومن غير Html or ASP.NET or PHP
هل حنضطر نستخدمهم فيما بعد؟؟
يعني انا اللي اعرفه .. اني ممكن استخدم البرامج دي اني اصمم موقع
بس لو عوزت اعمل قاعدة بيانات مثلا .. وأسماء مسجلين أو يكون فيه معلومات حاخدها من المستخدمين
في الوقت ده لازم اكون عارفة ازاي اعمل الحاجات دي بنفسي.

ولا فيه برامج بتعمل قواعد بيانات جاهزة للموقع كمان؟؟!! منذهل

PRINCESS كتب:

هههههههههههههههههههههههههه

هو لسة معاكى ؟؟

اوع تكون بعتيه لأسامة بفلووس :joker:

بصي يا ستى بالنسبة لتصميم المواقع

انتى ممكن تعملى موقع كامل بدون استخدام الغات تطوير المواقع web development
زى ال php , ASp,asp.net
وهكذا يعنى تستخدمى برنامج فيه انترفيس

يغنيكى انك تكونى فاهمة اللغات دى
ودة بيحصل في الدريم ويفر وال فرونت بيج

انما لو حصلت معاكى مشكلة في الموقع او كان البرنامج اللى بتستخدميه مفيهوش الخاصية انه
يعمل لك حاجاة معينة انتى عايزاها كدة حتضطرى انك تخشى صفحة الكود وتلعبى في الكود
فلو كنتى مش فاهمة الكود يبقى حتقفى ومش حتعرفى تعملى حاجة
_ تمام ؟

عشان كدة دايماً بينصحوا انك تكون فاهم الكود وتستخدم برنامج مساعد زى الدريم ويفر تصمم به

لانك لو عملت موقع بالكود ممكن تقعد سنين لحد ما تتجنن
ولو وقفت معاك حاجة مش عارف تعملها بالبرنامج انت طبعا فاهم الكود وحتظبط فيه
وكمان لو عايز تعمل شكل جمالى في الموقع بالجافا سكريبت
نفس الحكاية ممكن تدخل كود جافا سكريبت بداخل كود ال html
وتعمل اللى انت عايزه بس تبقى عارف ازاى حتدمج الكودين
وهكذا

بالنسبة للداتا بيز دة مالوش دعوة بتصميم المواقع الداتا بيز لازم تتعمل ببرنامج database management system
DBMS
زى الأكسس - سكوال سيرفر - اوراكل

وبعدين تعمل publish للداتا بيز بتاعتك ع النت _ وبعدين تربطها بالموقع عن طريق كود بسيط

ودة عما أعتقد بيتعمل بال asp.net بشكل أكثر بساطة لان بيئة الدوت نت
ربطت الدنيا كلها ببعض تصميم المواقع asp.net
بالبرمجة
بالداتا بيز
ado.net

انما الداتا بيز مالهاش دعوة بتصميم المواقع نهائيا
انتى بتربطى داتا بيز معمولة بالويب سايت

بالنسبة للمنتديات وانك تعملى منتدى مثلاً _ لازم يبقى فيه داتا بيز بتحتوى اسماء الأعضاء وهكذا
وبنشوفها في الموقع
فدى حاجات بتوفرها لنا سيرفرات المنتديات
طبعا مش حيدخلوكى في حاكاية انك تعملى داتا بيز لان كدة ماحدش حيعمل منتدى اصلاً

انما هما بيعملوا داتا بيز فاضية بال MY SQL
ودة احد برامج ال DBMS المجانية من مايكروسوفت وبسيط
وبرده بيربطوه بالموقع في شكل معين بكود php
في منظر المنتدى اللى احنا شايفينه

وعشان كدة اللى بيعمل منتدى vb
بيلاقى ان معاه ملفات كود هو بيغير فيها حاجات بسيطة عشان يبقى المنتدى يحتوى ع اسمه
الكود دة php

لو عايزة معلومات عن ال My SQL

[ندعوك للتسجيل في المنتدى أو التعريف بنفسك لمعاينة هذا الرابط]

للتعرف على ال php

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

للتعرف على ASP.net

[ندعوك للتسجيل في المنتدى أو التعريف بنفسك لمعاينة هذا الرابط]

thank for you about great jobs
best wishes
abeer gamal

ارجو الرد عرفت الاكواد ولكن كيفة اعمل رن وينزل على النت
عبير

عبير جمال كتب:

ارجو الرد عرفت الاكواد ولكن كيفة اعمل رن وينزل على النت
عبير

اهلاً بشمهندسة عبير

بتتكلمى على الدريم ويفر ولا ال html في حكاية الران ؟

بالنسبة لتنزيل الموقع لو عملتيه ع النت

فإنتى المفروض ترفعى الموقع على سيرفر له ستاتيك اى بى عشا الناس كلها تدخل عليه

وبما ان اكيد دة صعب _

ففى مواقع سيرفرات مجانية تقدرى ترفعى عليها الموقع Upload
بحيث ان اى حد حيدخل الموقع بتاعك منها بس حيكون فيها اعلانات مزعجة وكدة لانه مجانى

المواقع دى منها

[ندعوك للتسجيل في المنتدى أو التعريف بنفسك لمعاينة هذا الرابط]

دة تبع الياهوو لو انتى عندك حساب في الياهوو تروحى تكملى التسجيل عليه ووبس
وترفعى الموقع بتاعك عليه

حيكون لنك موقعك مثلاً

[ندعوك للتسجيل في المنتدى أو التعريف بنفسك لمعاينة هذا الرابط]

دة لو كان الأكونت بتاعك ع الياهوو abeer_gamal
واسم صفحة ال html
abeer.html

ياريت اكون قدرت اوفى اجابة السؤال

ومعلهش انا ماشفتش الإسطوانات عشان افهم سؤالك كويس

ايه البرامج المطلوب ادرسها عشان اعرف اصمم اي موقع بس يكون تصميم ممتاز انا درست دريم ويفر وhtml
انا عايزة ادرس asp,php,asp.netبس مش عارفه ادرسها فين في القاهرة او في اسوان

كويس جداً يا باشمهندسة

انك بتشتغلى HTML

ودريم ويفر كويس

وبخصوص الديزاين المتميز

فمش شرط انك تعرفى تستخدمى كل الادوات للتصميم

يعنى مثلاً لو انتى محترفة دريم ويفر تقدرى تكملى فيه

وطريقه طويل واحترافه هائل يغنيك عن الكل

اما بالنسبة للASP / Asp.net / php

فلو انتى مامشتيش طريق طويل في الدريم ويفر

أرشح لك ال ASP.net

ممكن يبقى بداية ممتازة ليكى خصوصاً انه من ضمن ال .net frame work
وحتقدرى تستفيدى بمزايا الداتا بيز والأدو دوت نت

اللى في الفريم وورك _ وال ASP.net

برنامج رائع تقدرى تبرمجى من خلاله باستخدام أكواد سي شارب او فيجوال بيزك

وتقدرى تربطيه بأى نوع من قواعد البيانات وتقدرى تعملى صفحات تمبليت

وكمان سيكيوريتى عالى جدااااا

وحالياً هو أعلى اداه لتصميم المواقع و أعتقد انهاااا ستنتشر سريعااااا

وتصبح رقم واحد ان لم تكن رقم واحد

بس اظن انك لازم تاخدى فيها كورس لان بداينها الصراحة مش سهل

واحترافها ممكن ييجى بالممارسة والكتب

بالنسبة لأماكن الكورسات في أسوان اللى أعرف شركة
IT House

في مصر كتيييييييير جدااااا مراكزهااااا منها جامعة القاهرة

والسعر مش غال ممكن يصل ل 300 جنية أو أقل

بس نصيحة منى حاولى تعرفي تستخدمى برنامج الفوتوشوب حيفيدك جداااااااااااا
جدا جداااا في تصميم الموااااقع
حتلااقى نفسك دائما فاتحة الفوتوشوب _
انا مش بقول احترااف _ بس هوااية وتعملى به اللى في مقدار احتياجك

وأى خدمة _ وربنا معاكى

السلام عليكم يابشمهندس يحيي
كل سنه وانت طيب
ممكن اسال سوال
انا درست وفاهمه دريم ويفر 8 وhtml هل ده كافي لاصمم اي موقع ولو مش كافي ياريت تقولي اي البرامج اللي لازم ادرسها معها ولو في في اسوان مراكزكويسه في دراسه تصميم المواقع و المنتديات وكورسات الجرافيك ياريت تقولي علي اسمها عشان ادرس فيها لاني حابه المجال ده جدا وفاهمها وانا في الاكاديميه في قطر صممت مواقع بالدريم ومشروع التخرج كان عباره عن موقع موبايلات ونجحت فيه بتقدير امتياز
ياريت تساعدني وترد عليا في اقرب فرصه ممكنه

بص انا في الدريم ويفر درست

working with text , lists and tables
link, frames
working with layer, form and CSS
behaviors and snippet and library
template ,flash objects , shockwave and other multimedia
testing awebsite and moving it to the internet
working with dynamic websites

هل ده يعتبر كل الدريم ويفر ولا في تاني

اما بالنسبه ل html
درسته كله من اوله لاخره
والمركز اللي قولته عليه ايه الكورسات للي اخده منه بالضبط مع العلم اني عايزة ادرس كمان كورسات جرافيك وياريت تعرفني تكاليف الكورس في حدود كم ياريت تساعدني و ترد عليا وجزاك الله كل خير

طيب اخد كورسات الفوتوشوب بتاعه مركزجيليكوم اللي عندنا في الكليه

ازيك يا باشمهندسة
كل سنة واانتى طيبة
انا سعيد باهتمامك بتصميم المواقع والجرافيكس
ودة شئ طيب جداً ويحتاج ذوق فنى عالى أكبر من الأهتمام بالأدوات
وأكيد دة موجود عندك .
بالنسبة للدريم وبفر واللى درستيه فيه_
فيعتبر قدر كبير ومحترم _ وتقدري تشتغلى به وتعملى اللى انتى عايزاه من المواقع.
بس الفوتوشوب يعتبر تووول كبيرة جداً ليكى بتساعدك كتير وتخليكى تعملي الموقع
من الأول للاخر بدون مساعدة حد.
فالمواقع برده محتاجة شغل جرافيكس محترف عشان يظهر موقع متميز...
وانتى محتاجة من الجرافيكس لتصميم موقع متميز...
برنامج الفوتوشوب _ وبرنامج الفلاش
ومش شرط تكونى محترفة فيهم _ بس تكونى بتعملى اللى انتى محتاجاه
عشان مثلاً تعملى بانر للموقع أو لوجو أو بانر متحرك او خلفيه متدرحة الألوان
او لوحة اعلانية.
وبعدين بقى لو انتى عايزة تشتغلى تطوير مواقع Web development بروفيشينال
لان اللى انتى شغالة به دة اسمه تصميم مواقع ًweb design تطوير المواقع بقى
تقدرى تتعاملى معاه عن طريق لغة من لغات برمجة المواقع ( Server-Side languages)
يعنى ايه؟
يعنى لو عايزة مثلا تعملى موقع يظهر نتيجة الثانوية العامة _ لازم يكون عندك قاعدة بيانات
على السيرفر ( الجهاز اللى عليه الموقع بتاعك ) وبعدين الطالب من بيته يدخل رقم جلوسه
فالرقم يروح للجهاز بتاعك يفتح قاعدة البيانات ويدور على رقمه ويرجع له نتيجته
لو وصلتى للمرحلة دى _ يبقى انتى وصلتى لأخر مرحلة في المواقع وماظنش ان فيه شركات في مصر محتاجة اكتر من كدة _
بس شغل الداتا بيز علم قائم بذاته ولازم تتعلمى لغة من لغات Server-side languages
مثل : ASP.net / PHP وانا برشح لك ال PHP
لغة محترمة جداً وسهلة ومشاكلها قليلة _ انما لو كنتر بتعرفى تشتغلى فيجوال بيزك أو سي شارب
فالأفضل انك تكملى بال ٍِASp.net
و ال 2 برده لهم مميزات كتير غير قواعد البيانات _ ممكن مثلاً تعملى صفحة Contact
وتخلى الزوار يكتبوا بياناتهم ع موقعك وتتبعتلك البيانات ع ايميلك اوتوماتيك _ وممكن تعملى
ادااة للتصويت.
وأكيد انتى سمعتى عن الجافا سكريبت_ ماظنش انك محتاجة تتعلميها عشان ماتوسعيش ع نفسك
اى اكواد جافا سكريبت اننتى ممكن تجيبيها جاهزة وتضمنيها في الموقع بتاعك
مثلاً لو عايزة تحطى ساعة في الموقع بتاعك .....
يبقى باختصار
انتى مش محتاجة حاجة زيادة في الدريم ويفر ( تطبيقات كتير وخلاص وتحاولى تشتغلى على
Dream Weaver CS5 الجديد ) فيه مميزات حلوة كتيير وممكن تستخدى القوائم SPRY
)حتعرفى تستخدميها بسهولة ما تقلقيش )
ودلوقتى تقوى نفسك في الفوتوشوب والفلاش
وخصوصا في الفوتوشوب اداة تقطيع صور المواقع " مش فاكر اسمها ايه الصراحة "
ولو عايزة تبقى محترفة:
يبقى تبتدى تشتغلى في لغات ال PHP
فانتى ممكن تاخدى كورس PHP
بس تتأكدى ان حيكون معاه قواعد بيانات MYSQL
حيبقى حاجة كويسة قوى وحتوصلى لمرحلة المحترفين.

و أخيراً احب انبهك لحاجة \
ياريتك تخلى تصميم المواقع هواية ولو احتجتيها تبقى عارفاها _ ما يبقاش أساس شغلك وتفكيرك يتوقف عليه _ لانك مهندسة وانا شايف انك في تانية كهربا
فقدامك المشوار طويل لاختيار مجال شغلك ولو انتى بتحبى الكمبيوتر عموماً فممكن تدخلى قسم حاسبات
حتدرسى فيه الداتا بيز بتوسع
ولغات البرمجة وحاجات كتييير جداً
وحتحسى فعلاً ان تصميم المواقع مش المجال الكبير اللى تخلى كل شغلك يتوقف عليه
فعندك الداتا بيز _ وعندك النتورك وعندك البرمجة وعندك في اتصالات مجالات كتير
وغيرها في باور
بس خلى تصميم المواقع هواية انتى محترفة فيها
عشان لو ماحصلش نصيب للشغل يبقى معاكى اداة قوية تقدري تشتغلى بها.
ياريت ماكونش ضايقتك بكلامى ولكن دى نصيحة من واحد عنده خبرة اكتر
وع فكرة انا اتعلمت الدريم ويفر وحدى في حوالى اسبوعين عشان احتجته
فعايزك تهتمى بمجال أكبر يثبت انك مهندسة وليكى هوايات وانا من هواياتى الفوتوشوب
وبستفيد به كتييييير جداً وحالياً ممكن اكون شغال به وبدى فيه كورسات أوفر تايم
ولما تكبرى شوية في الكلية حتعرفى تختارى المجال اللى حتحبيه
وبالتوفيق

يعني الكورسات اللي اخدها من مركز it_house

photoshop
php
my sql
asp.net
flash

ده بالاضافه لدراسه الجرافيكس
ياريت تقولي هي دي الحاجات اللي مطلو ادرسها لتصميم وتطوير المواقع
انا ناويه استغل فرصه اني نزلت السنه في 4 مواد يعني مادتين في كل ترم اكيد حيكون قدامي وقت فاضي انا ناويه اخد الكورسات دي
انا بجد متشكرة جدا لنصيحتك بس كليتنا بيدرسو الحاسب علي انه ماده نظريه بس هو عملي اكتر منه نظري وانا حسه اني باعرف اشتغل في مجال التصميم بس والله انا حاحط نصيحتك في بالي
انا بجد نفسي اخلص من كليه لانه موضوع الكليه طول معايا لانه دفعتي بقو معيدين عليا وماصدقت مالقيت حاجه اكون حابه وفهمها وحاقدر اعمل حاجه مع انا فاهمه برمجه كويس جدا

اوكى تمام _
بالترتيب كدة \

photoshop
Flash
php
mySQL

واحتمال ما تحتاجيش ال ASP.net
ال php حتعمل اللازم
اما لو انتى حابة البرمجة بال سي شارب
يبقى خدى كورس سي شارب احسن من ِASP.net

حيفيدك اكتر
حالياً سوق العمل بتطلب php
بشكل مهوول بس حاولى تتقنيها
وبالتوفيق وأهم من الكورسات ان ايدك تبقى شغالة في الحاجة
يعنى تعملى مع نفسك شغل كتير حتى لو هواية واى موقع تشوفيه يعجبك
حاولى تعملى زيه من الصفر

» دورة تصميم المواقع باستخدام جوملا 3.0 joomla ، الدروس 34 - 38
» ترجمة برنامج تصميم المواقع A4DeskPro
» دورة تصميم المواقع باستخدام جوملا 3.0 joomla الدروس من 30الى 33
» تعلم برمجه المواقع بي اتش بي PHP فيديو عربي
» دورة تصميم المواقع باستخدام جوملا 3.0 joomla الدروس من 23 الى 29