تفتكروا أنا محجّبـة ليـه؟؟؟

أنا محجّبـة ليـه؟

أنا محجبة -بعد إيماني بأمر ربنا إن الحجاب فرض على كل مسلمة- علشان الأسباب التالية
*******
1 -
تفتكروا أنا محجّبـة ليـه؟؟؟ T7241

علشان انا حرة.. مش من حق حد يشوف مني اللي مش عاوزاه يشوفه إلا بإرادتي.. ومن حقي اختار مين اللي يشوف مني أجمل ما عندي.. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر
*******
2 -
تفتكروا أنا محجّبـة ليـه؟؟؟ T7247

علشان أنا غالية.. مينفعش أقلل من قيمة نفسي واخليها عرضة لكل العيون.. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني.. حتى لو مكنش ده قصدي.. بس مش حقدر امنعه.. كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب .

علشان ميطمعش الذي في قلبه مرض.. مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع.. ده يتضمن حتي الزبال اللي بيسوق عربية ال------------ في الشارع.. كل دول بقى من الممكن انهم يبصوا لي.. لأ ده كمان يمكن ماعجبهمش ويدوروا وشهم إعراضاً
*******
3 -
تفتكروا أنا محجّبـة ليـه؟؟؟ T7243

علشان أنا باحترم نفسي.. وشايفة نفسي كبيرة قدام نفسي.. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية
*******
4 -
تفتكروا أنا محجّبـة ليـه؟؟؟ T7242

علشان انا جمالي مش خارجي وبس.. ومن حقي ان اللي ييجي يتجوزني.. واللي حاديله الباقي من عمري.. واللي حديله كل مشاعري.. واللي حاقاسمه أحلامي وأفكاري.. واللي حخلف منه ولادي.. وح اربيهم معاه.. مايختارنيش على مقاييس شكلية وبس.. أو تبقى هي دي العامل الأساسي في أختياره ليا.. علشان كدة مش ضروري يشوفني في كامل زينتي وجمالي قبل ما ي! تجوزني.. الأهم انه يحب روحي ويعجب بشخصيتي.. ويرتاح معايا نفسياً.. أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده.. واللي اختارها علشان جمالها.. ممكن قوي يتجوز عليها واحدة أجمل منها.. لأنه أكيد في الأجمل منها يعني
*******
5 -
تفتكروا أنا محجّبـة ليـه؟؟؟ T7245

علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع.. ويمكن يكون عاوز يقرب من ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني افتنه
*******
6 -

علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية.. فمش ضروري يعني ازود عليه همومه.. وأخيِلُه في الرايحة والجاية
*******
7 -
ده غير حاجة مهمة كمان.. الكفن بتاع النساء.. فيه حجاب.. فاللي مش ح تلبسه وهي حية بإرادتها طاعة الله.. ح تلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف.. ومحدش حيشوفنا تاني ولا حد حيطمع فينا.. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟
*******
تفتكروا أنا محجّبـة ليـه؟؟؟ T7246

الأسباب اللي فوق دي.. هي اللي فهمتني ليه ربنا فرض علينا الحجاب.. مش تعسير ولا تضييق.. الحجاب فعلا عزة وكرامة.. ميعرفهاش غير اللي داق طعم الستر
ليس بالضرورى أن يكون ساتر لجميع البدن ونعمل كما علمنا الحبيب صلى الله عليه وسلم حين قال لاسماء بنت أبى بكر (إذا بلغت المرأه المحيض لايصح أن يرى منها إلا هذا وذاك وأشار إلى الوجه والكفين)
ربنا يهدينا ويهدي بنات وشباب المسلمين
*******

ياريت كل اخواتنا البنات يسمعوا الكلام دة لان الحجاب فعلا بيحافظ عالبنت
وشكرا ليك يابشمهندس عالموضوع دة

جزاك الله كل الخير بشمهندس اسماعيل
موضوع رائع جدا
واسباب منتهي الحكمة والاقناع
عسي الله ان يهدي فتيات المسلمين لما يحبه ويرضاه

موضوع جميل

لان اليومين دول الحجاب مبقاش الحجاب الي نعرفه لا الشكل ولا الهدف منه
في بنات بتلبس الحجاب علشان توفر تعبها والوقت الي بتقفه امام المراية في تصفيف الشعر وترتيبه وبنات تانية تلبسه لانها بتكون احلى فيه او لان في ربطات طالعة موضة طبعا مش الكل بس فيه

موضوع هااااايل يا باشمهندس
يصفق

شكرا على الموضوع الجامد ده ويا رب يكون عبره لمن يعتبر

موضوع راااااااااااااائع